Ófriðareftirlit og spillingarstyrkir

 
„Utanríkis- her- og varnarmálaráðherra, Ingibjörg Sólrún Gísladóttir hefur verulegar áhyggjur af ástandinu í landi X og hefur því ákveðið að fara yfir það hvort það verði skoðað að axla ábyrgð á ástandinu í landinu, eða hvort yfirferð á starfi nefndar sem stofnuð var til þess að gefa álit um ástandið gefi til kynna að aðgerða sé þörf, eða hvort skoða verði gerð skýrra aðgerðaáætlana, þar sem skýlaus ábyrgð helstu aðila verður dregin fram. Umfram allt mun Ísland standa við alþjóðlegar skuldbindingar sínar og lofar að tvöfalda framlag sitt til aðstoðar þeim sem minna mega sín á hrjáðustu landssvæðum heims og gangast við ábyrgð sinni á stríðum, fátækt og kúgun kvenna, hvar sem slíkt finnst.“

Raunstaða friðargæslu og þróunaraðstoðar

Gæti ofangreind málsgrein ekki birst einhvern daginn? Á meðan duna stríðin og áfram heldur árangurslítil leit okkar logandi ljósi að landi þar sem raunveruleg þróunarsamvinna og friðargæsla getur farið fram, þannig að æ fleiri milljarðar króna okkar finni sér skilvirkan farveg. Sú leit er erfið, því að almenningur í stríðandi löndum hrjáist mest en nær ómögulegt er að koma þeim til hjálpar, þar sem stjórnvöld á staðnum leiða gjarnan ástandið. Friðargæsla er ófriðareftirlit, þar sem horft er á óskapnaðinn gerast án þess að mega hleypa af skoti nema til varnar sjálfum sér sem áhorfanda. Í þróunarsamvinnu er okkur leyft að sjá um uppbyggingu sem stjórnvöld viðkomandi lands ættu að sjá um, en eyða drýgsta hlutanum í hernað eða í sig sjálfa. Þessi hlaup hamstursins í hjólinu ber að stöðva, enda tilgangslaus.

Helvíti í Paradís og fleiri staðir

Í Lesbók Morgunblaðsins í dag á bls. 8 er að finna stórgóða grein rithöfundarins Bergljótar Arnalds (sem færði okkur, þmt. börnunum mínum, t.d. hina skemmtilegu og þörfu bók Stafakarlana). Greinin fjallar um veru hennar í Austur- Kongó, sögu svæðisins og það „Helvíti í Paradís“ sem þar er að finna, með öllum sínum náttúruperlum, stríðum, demöntum og spilltu herforingjum. Fyrir mér er landið dæmigert fyrir Mið- Afríku, þar sem hringavitleysan er óendanleg og líklega órjúfanleg.  Flestir Íslendingar sem hafa kynnst þessu staðfesta jafnan þessa skoðun mína, en eru oft það bundnir trúnaði við stofnun sína eða líta samt á starfsemina sem nauðsynlega vegna starfs síns að fjárausturinn heldur áfram.

Aðrar ráðstöfunarleiðir

Finnast einhverjar leiðir til þess að eyða þessum 8-10 þúsund milljónum á annan hátt á Íslandi? Eða bara að eyða þeim ekki? Láttu þér detta eitthvað í hug.

Einn Íslendingur verður á Srí Lanka fram í febrúar

Athugasemdir

[Baldur Fjölnisson, 19.1.2008 kl. 20:23]

Frábært anti-doublespeak.

[Rummy, 19.1.2008 kl. 20:46]

Einfeldingslegt.  Erfitt getur að koma í veg fyrir, leysa eða stöðva átök og því vilt þú ekki gera tilraun til þess. 

Ert líkast til þar með þeirrar skoðunar að stjórnendur einstakra ríkja eigi að fá að hafa það að tómstundagamni að drepa íbúana (einstaka hópa eða jafnvel heildina) og að ríki geti farið með hernaði gegn grönnum sínum án þess að alþjóðasamfélagið láti sig varða það?

Eða er það bara litla Ísland sem á ekkert að leggja af mörkum og láta önnur ríki um það? 

[Baldur Fjölnisson, 19.1.2008 kl. 21:20]

Rummy, disneyland greiningar duga ekki lengur. Þú verður að reyna að gera betur.

[Rummy, 19.1.2008 kl. 21:27]

Þetta er ekki svar.

[Baldur Fjölnisson, 19.1.2008 kl. 22:14]

Þetta disneylandbull í þér er ekki svara vert. Þarf að stafa þetta ofan í þig?

[Rummy, 19.1.2008 kl. 22:23]

Ef þetta blogg er á þessum nótum þar sem svarað er með ónótum þá er það ekki tímans virði.  Ef þetta er svona ómerkilegt sem ég skrifaði þá hlýtur þú að geta bent á hvað er athugavert við það án þess að vera með sandkassakomment.  Annars ertu bara hlægilegur.

[Baldur Fjölnisson, 19.1.2008 kl. 23:03]

Jafnvel Björn Bjarna og Stebbi Friðriks hafa gefist upp á að blaðra um þessa disneylandheimsýn þína, Rummy. Segir það þér virkilega ekkert?

[Baldur Fjölnisson, 19.1.2008 kl. 23:27]

Kannski nenna Ívar eða einhverjir aðrir að ansa bullinu í þér. Það verður að koma í ljós.

[Rummy, 20.1.2008 kl. 00:31]

Já ég sá það ekki fyrr en ég leit á síðuna þína að þú ert vitfirringur.  Enjoy.

[Ívar Pálsson, 20.1.2008 kl. 00:32]

Rummy, hefur reynslan ekki sýnt að hernað þurfi gegn hernaði? Þar höfum við ekkert að gera. Við leyfum stjórnendum ríkja ekki að gera eitt eða neitt, vegna þess að við ráðum því ekki. Þeir urðu stjórnendur af einhverri ástæðu og við getum ekki steypt þeim, enda hafa þannig tilraunir BNA jafnan endað með enn meiri ósköpum. SÞ ætlar ekki að falla í þannig gryfjur, kannski réttilega, en á meðan heldur leikritið áfram, t.d. í Súdan. Stærsta mýtan í gangi er sú að SÞ virki í þessum málum.

[Baldur Fjölnisson, 21.1.2008 kl. 14:39]

Það er mikil trúverðugleikakreppa hjá "low-IQ fascist morons" um gjörvallan hinn vestræna heim og skapvonska áhangenda þessarra treggáfuðu fasista mun áreiðanlega brjótast út hér á bloggunum í vaxandi mæli.

[Ívar Pálsson, 21.1.2008 kl. 14:47]

Baldur, vinsamlegast ekki fæla fólk frá því að koma með athugasemdir á bloggi mínu. Vísaðu þá frekar  yfir í þitt blogg þar sem hægt er að bölsótast að vild.

[Baldur Fjölnisson, 21.1.2008 kl. 18:32]

Leitt ef ég hef móðgað pólitísku rétttrúnaðarkirkjuna en það er nú óþarfi að fara á límingunum Ívar minn.

[Ívar Pálsson, 21.1.2008 kl. 18:43]

Ætli maður hangi ekki saman eitthvað áfram, Baldur! Ég var ekki að gagnrýna efnið, heldur kannski framsetningu þess. Það finnst engum gaman að hreinu karpi, amk. ekki mér.

[Baldur Fjölnisson, 21.1.2008 kl. 23:45]

Þetta er mitt síðasta innlegg hér og ég þakka viðkenninguna.

[Ívar Pálsson, 21.1.2008 kl. 23:52]

Baldur, þú misskilur mig. Ég sagði að ég hangi saman (fari ekki á límingunum), átti ekki við okkur. Mér finnst innlegg þitt oft hressilegt og langoftast vel dýpra en almennt sést, þannig að þér er velkomið að halda áfram með slíkt. Ég var bara að biðja um það að ekki sé rifist í einhverju ping- pongi eins og þið Rummy hér fyrir ofan.

[Baldur Fjölnisson, 21.1.2008 kl. 23:54]

Varla.

[Baldur Fjölnisson, 22.1.2008 kl. 00:07]

Friður við ívar

[Ívar Pálsson, 22.1.2008 kl. 00:22]

Takk, Baldur, shalom sömuleiðis. Nú fletti ég upp merkingu þess: Completeness, wholeness, health, peace, welfare, safety soundness, tranquility, prosperity, perfectness, fullness, rest, harmony, the absence of agitation or discord.