Bloggfærslur mánaðarins, janúar 2022

Búa til nýja náttúru í Skerjafirði

JardytaStorNáttúruvernd VG í borginni virðist fara eftir hentugleika: ekki er staðið gegn urðun viðkvæmrar náttúru í Skerjafirði, fjöru og strandar, þar sem meirihlutinn í borginni hyggst reisa byggingar í voginum. Spáið í svör eina borgarfulltrúa VG þegar hún var spurð um þetta atriði á visir.is

Standa víða vörð um náttúruleg kerfi

Eini borgar­full­trúi Vinstri grænna segist hafa fullan skilning á þessum sjónar­miðum. „Þetta eru stóru við­fangs­efnin okkar, það eru lofts­lags­breytingar af manna­völdum og þá þurfum við að standa vörð um náttúru­kerfi svo sannar­lega. Og það erum við að gera á mörgum öðrum stöðum í borginni,“ segir Líf Magneu­dóttir, borgar­full­trúi Vinstri grænna.

Ef land­fyllingin verður að raun­veru­leika verður þar reynt að koma á svipaðri strand­lengju til að líf­kerfið nái sér aftur með tíð og tíma. „Og ég er sann­færð um að við getum látið þetta spila allt saman; náttúru­vernd, um­hverfis­mál, borg sem stækkar og sjálf­bær hverfi,“ segir Líf, sem telur flokkinn sannar­lega ekki hafa tapað gildum sínum í borginni. Hann hafi meðal annars staðið fyrir gríðar­miklum frið­lýsingum á ýmsum ó­snertum svæðum á síðustu misserum.

Náttúruverndin felst semsagt í uppfyllingu, en búa svo til nýja náttúru! Flest er gert til þess að fá að vera með í borgarstjórnar- meirihlutanum. Flokksmenn Vinstri Grænna þurfa aðeins að skerpa línurnar hjá fulltrúa sínum og standa gegn þessum óþarfa uppfyllingum.

 


Landlægt Omicron skapar ofur- ónæmi

Omicron GettyLoksins eru ráðandi aðilar að sjá ljósið með afléttingar Covid- hafta. Kostnaður hvers dags er svimandi hár, í peningum, heilsu og forgengnum tækifærum. Nú bætist líka við góðu fréttirnar, í samnantekt Wall Street Journal, þar sem Omicron afbrigði Covid-19 er talið mynda ofur- ónæmi hjá þeim sem fengið hafa sjúkdóminn, sérstaklega ef þeir hafa áður verið bólusettir.

Ofur- ónæmi

Með bæði sýkingu og bólusetningum verður ónæmiskerfið allt að tífalt "hraðara, sterkara og snjallara" eftir að hafa orðið fyrir nýrri áskorun, en hjá ósýktum, tveimur vikum eftir eftir annan skammt af Pfizer bóluefninu. Omicron er líkleg til þess að örva öfluga og varanlega vörn gegn Covid-19 -og hugsanlega öðrum kórónaveirum- jafnvel þótt hún stökkbreytist og verði illvígari. Eini varnaglinn er að eldra fólk myndar veikari T-frumuviðbrögð og mun því þurfa árlegt örvunarskot. En Omicron mun binda endi á heimsfaraldurinn með því að gera Covid-19 landlægan.

Losum strax

Þetta yfirlit WSJ styður enn frekar þá skoðun að hætta skuli haftastefnu stjórnvalda og leyfa veirunni að klára sig hið fyrsta, enda eru 95% bólusett hér í dag. Mér verður hugsað til Spænsku veikinnar í nóvember 1918, þegar líklegt er að fín og flugbeitt eldgosaaska Kötlu hafi blandast í loftið og aukið við hræðileg einkenni þeirrar inflúensuveiru. Ef slíkt endurtekur sig er gott að hafa fengið Omicron veiruna ofan á bólusetningarnar, til þess að lágmarka heilsutjón þjóðarinnar.

Frelsum landið strax úr fjötrum, þetta er orðið gott.

 


mbl.is Fagnaði orðum Kára
Tilkynna um óviðeigandi tengingu við frétt

Covid- epli og appelsínur

GapastokkurNú er flestum orðið ljóst, að neyðarúrræðin sem stjórnvöld gripu til þegar Covid-19 breiddist upprunalega út voru líklega réttætanleg þá í byrjun. Síðan kom Delta útgáfan og á menn runnu tvær grímur. Núna þegar Omicron er hjá 90% þeirra sem smitast, þá er sannarlega um allt annað að ræða, en ríkisstjórnin rígheldur í gamlar lausnir sem halda ekki vatni.

Aðgerðir og smit ótengd 

Smit berst um allt þjóðfélagið, óháð aðgerðum stjórnvalda. Sóttkví er út í hött. Þríbólusettir sem fengu Covid áður smitast eins og aðrir og bera smit. Það eina sem flestir eru sammála um núna er að sinna þeim sem eru verulega veikir. Við hin sem fáum veiruna höldum okkur til hlés um tíma, en verðum ekki byrði á samfélaginu. Nóg er að greinast í hraðprófi sem virkar strax, án vandræða. Ef það er falskt jákvætt og þú veikist ekki, þá skiptir það heldur engu máli. Lífið heldur áfram, flestir fá þetta hvort eð er.

Enga einangrun, sóttkví eða lokanir. Lifum lífinu.

 

 

 


mbl.is Staðan að breytast að mati Runólfs
Tilkynna um óviðeigandi tengingu við frétt

Smá hik í yfirganginum

BlokkirBlokkirKönnun Gallups varðandi kúgunaráætlanir Dags & Co með Bústaðaveg og Miklubraut við Háaleiti sýndi svo afgerandi andstöðu íbúanna að hætta varð við Bústaðavegar- ævintýrið núna á kosningaári, sem smjörklípa til þess að Borgarlínan festist frekar í sessi. 83% fleiri íbúar af þeim sem afstöðu tóku voru andvígir áætlununum um Bústaðaveg en þeir sem fylgdu þeim.

Andstaða við Miklubraut líka

Af þeim sem afstöðu tóku voru 45% fleiri andvígir þéttingu byggðar og fjölgun íbúða við Miklubraut hjá Háaleitisbraut, heldur en þau sem voru fylgjandi þeim ósköpum. Þegar spurt var um samgöngur þar, voru 76% fleiri fylgjandi greiðari bílaumferð heldur en þau sem leggja meiri áherslu á gangandi og hjólandi vegfarendur á þessu svæði við Miklubraut. Augljóslega eru þær fyrirætlanir ekki vel ígrundaðar gagnvart íbúunum, sem hafa mótmælt hástöfum.

Spyrjum um Borgarlínu

Óskandi væri að álíka spurningum yrði beint að þolendum Borgarlínu- ævintýrisins. En það verður ekki gert fyrir kosningarnar í vor.

Hér er tengill á könnunina: https://www.reykjavik.is/sites/default/files/gallum_vidhorfskonn_haaleiti_bustadir_131221lokag.pdf

 

 

 


mbl.is Tillögur að þéttingu við Bústaðaveg lagðar til hliðar
Tilkynna um óviðeigandi tengingu við frétt

Hraðpróf og enga sóttkví

Grimur GettyCovid- smitin eru það dreifð, að fólk getur allt eins farið í hraðpróf frekar en PCR, sem yfirvöld ættu að hætta að krefjast. Hraðpróf sýna ástandið strax, enda þarf allur þessi fjöldi ekki á nákvæmari greiningu að halda. Síðan heldur fólk sér bara sem mest frá öðrum og sér til hvort það verður það veikt að það þurfi heimsókn á spítala.

Smitin æða áfram

Æ fleiri gera sér grein fyrir því að greiningar og fylgjandi sóttkví hafa lítil sem engin áhrif á smit Omicron- Covid veirunnar. Þessu fylgir ómældur kostnaður og ónæði. Yfirvöld ættu að aðstoða fólk með því að hafa sem minnst íþyngjandi reglur og sinna sjúkum vel.

Ekki PCR skyldu!

Þegar ég greindist með Covid fyrir áramótin með tveimur hraðprófum hvort úr sinni nösinni, þá var það á BSÍ, sem er nálægt og þar er aldrei röð. En þá var ég skyldaður í PCR prófs- röðina á Suðurlandsbraut með 38,7°C hita, bráðsmitandi í frostinu og 100 manns í röðinni í algerri þarfleysu! Sú PCR  niðurstaða kemur svo eftir hálfan til einn dag. Nýta ætti hraðprófsstaðina mun betur. Ef fólk vill síðan fá PCR próf líka og kvelja þar með sjálfa sig og aðra, þá ætti því samt að vera frjálst að gera það.

Hraðpróf fyrir langflesta

Íslensk yfirvöld ættu ekki að krefja neinn um PCR próf, því að nóg er að hafa sæmilega vissu úr hraðprófi, með allan þennan fjölda smitaðra. En auðvitað má bjóða upp á PCR próf fyrir þá sem verða að hafa þau til ferðalaga þangað sem enn er hangið á þeirri kröfu.

Þetta er nú orðið frekar skrautlegt: Ég er þríbólusettur, líka með sprautur gegn inflúensu og lungnabólgu, fæ samt Covid og núna á ég samt að vera með grímu allsstaðar!

Þarf endilega að gera eins og með Strætó, eyða milljörðum árum saman til þess að ná ákveðnum árangri, en svo þegar hann er nákvæmlega enginn, að bæta þá í sóunina?


mbl.is Löng röð gengur hægar vegna barnanna
Tilkynna um óviðeigandi tengingu við frétt

Einangrun er 7 dagar, ekki 8

Leita-ad-sporumFyrst amk. önnur hver manneskja á Íslandi mun líklegast fá Covid- sjúkdóminn fljótlega er rétt að benda á það að einangrunin á að vara í 7 daga, ekki 8 daga eins og framkvæmdin er í dag. Ef einhver er dæmdur í einangrun í eina nótt, þá losnar hann daginn eftir, ekki eftir tvær nætur inni. Greiningardagur er dagur núll (eins og segir í leiðbeiningum sóttvarnalæknis), en samt er maður ekki laus eftir 7 daga þaðan í frá, heldur er maður áfram inni í kerfinu og fær loks vottorð um það eftir 8 daga. Þessum óskýru fyrirmælum og þessari vanrækslu þarf að andmæla.

Ekki einangrun

Annars á einangrun ekki rétt á sér. Hún er íþyngjandi langt umfram tilefni, þar sem langflestir fara með gát og ekkert af því hefur skipt máli í þessari síðustu lotu, þar sem fólk smitast jafnt í vestrænum löndum, þrátt fyrir mjög mismunandi ráðstafanir. Sóttkvíin hér skiptir nákvæmlega engu máli varðandi smitin núorðið. Henni ætti að hafa verið lokið fyrir löngu, ásamt smitrakningu.

Alls ekki sóttkví

Frelsissvipting einangrunar við ríkjandi aðstæður er andstæð stjórnarskrárvörðum rétti okkar til frelsis, þar sem réttlætingin á þeirri aðgerð stendur mjög tæpt, eftir slælegan árangur. Sóttkví fullfrísks fólks er þannig algerlega óréttlætanleg, enda byggir hún á því hverja maður hafi hitt nýlega. Stasi- smitrakning ætti ekki að leyfast lengur.

Sinnum fólki sem er illa veikt. Punktur.


mbl.is Óþarfi að æsa sig yfir hverju nýju afbrigði
Tilkynna um óviðeigandi tengingu við frétt

Sóttkví hætti

Hendur-rimlarOfursmitandi Omicron veiran er komin á það stig dreifingar hér að ekki verður hægt á fljótinu, hvað þá stöðvað. Sóttkví er tilgangslaus við þessar aðstæður þegar til lengdar lætur og smitrakning þar með. Fyrst langflestir eru þrí- bólusettir (og fengju þar með flestir vægari afleiðingar Omicron- smits) og langflestir smitaðra fá væg einkenni, eins og ég og mín fjölskylda á þessari stundu, þá er einungis þörf að sinna þeim sem fá erfiðustu einkennin.

Fullfrískir í lás

Enginn veit á hverri stundu hver Covid- smitaðra verður alvarlega veikur, það kemur bara í ljós. En að halda yfir 7000 manns fullfrískum í sóttkví eða smituðum í langri einangrun gengur ekki upp. Smitin æða um, þannig að ríkisaðgerðir gegn þegnunum eru ekki líklegar til takmörkunar smita.

Niðurstaða síðustu veirulotu er klárlega á þann veg, að aðgerðir yfirvalda til takmörkunar smita hafa nær engin áhrif og því ber að hætta þeim strax. Tökum vel á afleiðingunum.

Svo mætti einangrun alveg vera fimm dagar eins og í BNA, ekki 7 dagar eins og í ESB. Hljóta að vera sömu vísindin.

 


mbl.is Fyrri reglur áfram í gildi
Tilkynna um óviðeigandi tengingu við frétt

Höfundur

Ívar Pálsson
Ívar Pálsson

Viðskiptafræðingur með útflutningsfyrirtæki, en grúskar í flestu.

Innskráning

Ath. Vinsamlegast kveikið á Javascript til að hefja innskráningu.

Hafðu samband