Federal Reserve sneri öllu við

Vaxtalækkun Seðlabanka Bandaríkjanna um 0,5 prósentustig í 4,75% snarsneri allri fyrri þróun við. Nú rjúka verðbréf upp þar og í Japan, einnig eflaust í Evrópu og á Íslandi í dag. Jenið seig, en Áströlsku og Nýsjálensku dollararnir stukku upp. Vaxtamunarverslun er aftur komin á skrið. Skilaboðin eru skýr: áhætta er verðlaunuð, því að ella hægjast hjólin um of.  Samt sló olían met og gull rauk upp, þar sem leitað er eftir alvöru eignum. Varla má búast við öðru en endurnýjun jöklabréfa í þessu umhverfi.

Langtímaspár á stýrivexti dollars ganga nú út á 3,75- 4,5%. Nú getur Seðlabanki okkar óhræddur lækkað stýrivexti sína strax um amk. eitt prósentustig án mikillar áhættu.

Stýrivextir lækkaðir um 0,5% í Bandaríkjunum

Athugasemdir

[Gunnar Helgi Eysteinsson, 19.9.2007 kl. 07:15]

[Jón Steinar Ragnarsson, 19.9.2007 kl. 13:59]

Ég vil nú bara fá þig þarna upp í seðló...

[Geir Ágústsson, 19.9.2007 kl. 16:59]

Jón Steinar, fyrsta verk hans ætti þá að vera að hefja undirbúning að niðurlagningu starfs síns og allra samstarfsfélaga sinna í Seðlabankanum, og koma þessari ríkiseinokun (peningaútgáfu) út á hinn frjálsa markað. Því miður lifir maðurinn í mesta lagi í 80 ár og man því ekki þá tíð þegar óðaverðbólga, útþynning gjaldmiðla og inngrip á fjármálamarkaði voru óþekkt fyrirbrigði en í versta falli mjög tímabundin og fljót að taka enda þökk sé auðveldum flótta verðmæta undan slöppum gjaldmiðlum.

[Baldur Fjölnisson, 19.9.2007 kl. 19:59]

Ég er mjög efins um að lækning ofurskuldugra hagkerfa sé framleiðsla enn meiri skulda með því að lækka vexti. Svo er rétt að hafa í huga að fallandi dollar beinlínis tryggir hækkun olíu og annarra hráefna enda markaður með þau að mestu í dollurum. En að sjálfsögðu er meiningin að díla við skuldafjallgarðana með verðbólgu, það er gamalkunnugt.