Hvenær biðst Jóhanna Sig. afsökunar á þessu?

Er von á afsökunarbeiðni frá Jóhönnu Sig. vegna þessarra eftirfarandi þátta, eða eftir eitt ár enn? Alltjohannasig_mbl_eggert.png í óþökk þjóðarinnar:

 

„Samstarf við Alþjóðagjaldeyrissjóðinn verður enn um sinn snar þáttur í efnahagsstefnu

stjórnvalda og gert er ráð fyrir að svo verði fram á vormánuði 2011. Framkvæmd þessarar efnahagsstefnu er forgangsverkefni ríkisstjórnarinnar enda er hún mynduð um að tryggja efnahagslegan og félagslegan stöðugleika. Aðildarumsókn að Evrópusambandinu er einig liður í þeirri áætlun.

 

Samstarfið við AGS snýst ekki eingöngu um lánveitingar og að byggja upp gjaldeyrisforða Seðlabankans. Kjarninn í samstarfinu við AGS snýst um að endurreisa trúverðugleika Íslands í samfélagi þjóðanna eftir hrun fjármálafyrirtækja og gjaldeyrismarkaðar.


Slík endurreisn kallar á aðgerðir á öllum sviðum og að því hefur verið unnið sleitulaust síðasta árið. Það ber því að líta á samstafið við AGS sem leiðarvísir um efnahagslega vegferð út úr kreppunni til aukins jafvægis og nýrrar sóknar. Af þessu megum við ekki missa sjónir enda þótt við séum ósátt við að Bretar og Hollendingar hafi beitt sér fyrir því að tefja endurskoðun áætlunarinnar og eðlilega lánafyrirgreiðslu vegna Icesave-deilunnar. Þann hnút verður að leysa, hann hefur skaðað hagsmuni Íslands verulega og sjóðurinn hefur sett niður.

 

Hið nýja bankakerfi sem er í mótun á Íslandi verður mjög frábrugðið hinu gamla..."

Icesave- afsal, IMF undirlægjuháttur, ESB umsókn, gjaldeyrishöft, hávaxtastefna eftir hrun. Sleitulaus vinnan með IMF skilar sér sannarlega!


mbl.is Biður þjóðina afsökunar
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Baldur Fjölnisson

Fimmþúsundkall segir að hún segi af sér vegna heilsufarsástæðna (aðallega vegna náttúrulegs vaxandi taps heilamassa í gegnum tíðina, nú sirka 6% síðan hún var tvítug) innan tveggja mánaða enda varð hún löggilt gamalmenni á sunnudaginn. Það er náttúrlega meira en nóg af innihaldslausum frasamaskínum í Samspillingunni til að taka við af henni en ég held samt að þessi stjórn lifi ekki Jóhönnu. Næsta mynstur fjórskipta einflokksins verður síðan sjálfdautt í síðasta lagi næsta haust.

Baldur Fjölnisson, 6.10.2009 kl. 23:57

2 Smámynd: Jón Steinar Ragnarsson

Mig langaði að benda þér á athyglisverðar umræður um Icesave ábyrgð og dómstólaleiðina á bloggi hérna á Mbl. Sérstaklega bendi ég á rökleiðslu Guðmundar 2. Gunnarssonar.  Mér finnst málflutningur hans afar fræðandi og vekja tilefni til bjartsýni.  Bara að þessar upplýsingar nái í gegnum allan kjaftavaðalinn.  Það væri jafnvel gustukaverk að taka saman rök hans og ábendingar og setja upp á skilmerkilegan máta á sem flestum bloggum.

Hér er Bloggið.

Einnig eru yfirlýsingar Eiríks Bergmanns varðandi frumhlaupið í Evrugladrinum, áhugaverða í fréttum dagsins. Það er sem maður segir. Það virðist enginn kveikja fyrr en það er orðið eða að verða of seint, þrátt fyrir að búið sé að hamra á þessu í ár. M.a. þú.

Jón Steinar Ragnarsson, 7.10.2009 kl. 03:22

3 Smámynd: Ívar Pálsson

Sammála, Baldur að október 2009 leggst þungt á Jóhönnu, þar sem hver þátturinn af öðrum kemur í ljós og sýnir vanhæfni hennar til þess að takast á við meint forystuhlutverk sitt. Ætli næsta skyndilausn sé ekki sú að munstra Steingrím J. upp í forsætisráðherrastólinn í nóvember ef stjórnin verður ekki fallin þá? En þá skerpast andstæðurnar og öllum verður ljóst að Steingrímur J. einræðisherra getur ekki unnið með hópa. Krísuhópur (þjóðstjórn) er eina lausnin núna í stað fjórðu stjórnar Samfykingar.

Takk fyrir tengilinn, Jón Steinar. Gordon Brown forðast dómstólana vegna kosninganna í vor. Best er að láta þá reyna að leita réttar síns.

Ívar Pálsson, 7.10.2009 kl. 10:09

4 Smámynd: Baldur Fjölnisson

Kerfið er allt undirlagt af íhaldi og framsókn eftir langvarandi stjórn þeirra og útbólgið af hinum furðulegustu atvinnuleysisgeymslum á sviði forsjárhyggju, eftirlits og vandamálaframleiðslu og tilheyrandi vandamálaumsjónar. Og núna situr gjaldþrota ríkissjóður uppi með þennan rekstrarlega óhugnað sem þarf lífsnauðsynlega að skera niður um amk. þriðjung til fjórðung og helst meira. En það er ekki auðvelt því að sjálfsögðu um er að ræða fjölskyldur og tekjur og skuldbindingar. Þannig að þetta er mjög erfitt og tekur án efa mjög á þá stjórnmálamenn sem ekki eru beinlínis síkópatar.

Baldur Fjölnisson, 7.10.2009 kl. 16:32

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Ívar Pálsson
Ívar Pálsson

Viðskiptafræðingur með útflutningsfyrirtæki, en grúskar í flestu.

Innskráning

Ath. Vinsamlegast kveikið á Javascript til að hefja innskráningu.

Hafðu samband