Sígandi markaður?

Nú er von á áframhaldandi skelli á mörkuðunum heima í dag, þar sem Jenið hefur risið í 18 mánaða hámark gagnvart dollar og vaxtamunaverslun leggst af að sama skapi. Hlutabréfamarkaðir í Asíu féllu í nótt, þannig að ljóst er hvernig þetta fer á Íslandi, nema eitthvert óvænt atriði hressi upp á Evrópumarkaði núna. Gengi Japanska Jensins ræður íslensku krónunni, eins og Ástralska og Nýsjálenska dollarnum, sem hafa báðir fallið mikið. Nú ætti því Kaupþing að leiða áframhaldandi fall hlutabréfa, ásamt Exista og Spron sem dansa með (úps! ég á enn í Spron), en gengi krónunnar að síga að sama skapi. Skuldatryggingarálag bankanna hlýtur að hækka enn í dag. Vaxtamunur sumra þeirra væri því nálægt núlli núna ef yfirlýsingar þeirra um muninn hafa verið réttar. 

Nú er að sjá hvort seðlabankarnir rugli ekki þessa eðlilegu leiðréttingu eins og þeir gerðu síðast fyrir tveimur mánuðum, að bæta hundruðum milljarða í pottinn án þess að eiga innistæðu fyrir því.

 

  • Uppfært kl. 11:00:

Evrópumarkaðir byrjuðu lágt, en svo vænkaðist hagur Strympu. Íslendingar stukku til og allt fór nákvæmlega öfugt við athugasemdir mínar í morgun. Þarna sjáið þið, farið eftir eigin innsæi, ekki eftir ráðgjöfum!

 „Úrvalsvísitalan hefur hækkað um 1,78% það sem af er degi og stendur vísitalan í 7.351,6 stigum. Straumur hefur hækkað um 2,96%, Exista um 2,43%, Kaupþing um 2,3%, FL Group um 2,27%, Eik Banki um 2,21%, Atlantic Petroleum um 2,19% og SPRON um 1,94%.“


mbl.is Nikkei lækkar um 2,48%
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Boston Red Sox

Sæll Ívar, takk fyrir áhugavert blogg.

Ein spurning ; Hvar færðu upplýsingar um þetta skuldatryggingarálag bankanna? Er einhver góð vefsíða til að fylgjast með þessu?
 

Boston Red Sox, 13.11.2007 kl. 08:57

2 Smámynd: Gunnar Helgi Eysteinsson

Gunnar Helgi Eysteinsson, 13.11.2007 kl. 09:17

3 Smámynd: Ívar Pálsson

Takk Boston Red Sox. Ég gekk daglega fram hjá leikvanginum þeirra forðum, þegar ég bjó við Fenway Park í Boston.

Skuldatryggingarálag bankanna hefur komið frá þeim sjálfum í formi línurita, aðallega Landsbankinn yfirleitt að monta sig að vera helmingur eða 1/3 ef Kaupþingi í því. En nú kemur það ekki af því að íslensku bankarnir sjá að þeir eru spyrtir saman og íslensku kúnnarnir taka eftir þessu orðið. En síðasta línurit var frá www.glitnir.is held ég. Þar er Kaupþing komið í 2% (áttföldun í stað 0,25% í mars). Stundum sést þetta á Bloomberg. Líka leit Google "CDS Kaupþing" eða álíka.

Ívar Pálsson, 13.11.2007 kl. 22:32

4 Smámynd: Boston Red Sox

Fenway er algjör snilld, kíktirðu einhvern tímann á leik þar?

Varðandi skuldatryggingarálagið sá ég eftirfarandi fréttir :

http://www.mbl.is/mm/vidskipti/frett.html?nid=1302581

http://www.glitnir.is/Markadir/Greining/Frettir/?BirtaGrein=620408

Kaupþing í 262 punktum? Öskrar það ekki gjaldþrot? Þetta er alveg stjarnfræðilegt álag. Hvað halda þeir lengi út svona? Hvenær þurfa þeir að fara endurfjármagna sig? 

Boston Red Sox, 14.11.2007 kl. 21:44

5 Smámynd: Ívar Pálsson

Skömm frá að segja, þá fór ég aldrey á leik á Fenway, heyrði bara lætin og sá allt rauða og hvíta fólkið fljóta framhjá!

262 punktar er ansi hátt, amk. 1000% hækkun frá því í mars! En sjáðu gömlu færslu mína hér til vinstri, „Stöðugt ástand?“ sem sýnir það þegar skuldatryggingarálag í Brasilíu rauk upp úr öllu forðum, þannig að hámarkinu er örugglega ekki náð núna hjá okkur, þegar fjörið er rétt að byrja hér.

Japanir virðast aðeins hafa áhuga á takmörkuðu risi Jensins (um 110 JPY/ USD), ekki ofurstyrk, þannig að kannski er bið á hvarfi vaxtamunarviðskipta. Þá er það fasteignafallið okkar (sbr. upphafsgreinin Fall Íslands) sem lætur bönkunum og okkur sem heild blæða út, því að veð bankanna í 90-100% lánum var bara í lagi í hækkandi markaði, en 50% vaxtahækkun Kaupþings og viðbótar verðbólga bremsa fasteignirnar af.

Ívar Pálsson, 14.11.2007 kl. 23:13

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Ívar Pálsson
Ívar Pálsson

Viðskiptafræðingur með útflutningsfyrirtæki, en grúskar í flestu.

Innskráning

Ath. Vinsamlegast kveikið á Javascript til að hefja innskráningu.

Hafðu samband