Fljótt, fljótt, gjaldeyrir á 20% afslætti!

Nú er mikið kauptækifæri á gjaldeyri í skiptum fyrir Matador- íslenskar krónur. Northern Rock biðröðHandstýrt gengi er með gengisvísitölunni 175, sem er 20% undir síðasta markaðsgengi, vel áður en mykjan flaug í viftuna. Ljóst er að verið er að halda genginu niðri, eins og loki á suðupotti. Markaðsverð gjaldeyris hlýtur að verða vel hærra þegar eðlilegur gjaldeyrismarkaður opnast, sem verður innan skamms ef ég skil stjórmálamenn rétt. Það er deginum ljósara að eftirspurn eftir gjaldeyri á þessu verði er meiri en framboð, enda er óásættanleg áhætta í fjárfestingum í krónum.  Að mínu viti fer markaðurinn hátt yfir fyrri stöðu þegar hann verður frjáls, því að sú staða endurspeglaði stöðuna áður en vandræðin voru alveg ljós. Auk þess hefur Landsbankinn verið tekinn af hluthöfum, ríkið lækkað í lánsfjármati, jenið er sterkt og tiltrú heimsins á Íslandi og krónunni er í dýfu.

Ef losnar um krónusjóði í bönkum (eða leifum þeirra) er þá hugmynd fyrir einstaklinga eða fyrirtæki að leysa út úr þeim og kaupa sér gjaldeyrisseðla á þessu handstýrða framsóknargengi sem er í augnablikinu.  Hægt er t.d. að taka út daglegt hámark á VISA- kortinu í krónum og kaupa gjaldeyrisseðla, sem fara að verða af skornum skammti, eða voru það nú þegar í morgun, þegar ég gerði þetta (fékk ekki Evrur).  En ég mæli ekki með einu eða neinu, þetta eru bara hugleiðingar.

Ástæðan fyrir lágu handstýrðu gengi gæti helst verið sú að Seðlabankinn þarf á lágu gengi að halda fyrir ofur- gjaldeyrislánið sitt hjá Rússum, sem drógu staðfestinguna til baka, eflaust til þess að laga samningsaðstöðu sína, þar sem greiðsluhæfiseinkunn Íslands féll í millitíðinni og krefst þar með hærri vaxta og gjalda.

Seðlabankinn mun síðan láta í veðri vaka að um gamaldags inngrip geti orðið að ræða og því er flöktið mikið fyrst í stað eftir frelsið. Rétti tíminn til kaupa í örygginu er því núna.

En við almenningur, sem höfum kannski tapað í hlutabréfum en allavega í krónunum, áskilum okkur fullan rétt til þess að bjarga eigin skinni. Það er td. hægt með því að krefjast Evrubindingar launa núna á meðan gengið er lágt, eða fara bara niður í banka á gjaldeyrisútsöluna.

Gangi ykkur vel.


mbl.is Gengi Bandaríkjadals 100 krónur
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Ívar Pálsson

Góður! Eða ég hjá þér, Ómar.

Ívar Pálsson, 7.10.2008 kl. 15:07

2 Smámynd: Magnús Sigurðsson

Kannski er hægt að fá lán hjá Kaupþing með veði í væntanlegum hagnaði en það virðist vera farið að sjá fyrir endann á þeirri útsölu sem Seðlabankinn var með á gjaldeyri í morgunn.  Samkvæmt vef Landsbankans (ríkisbankans) kostar evran núna kr. 151,96 en þar far hægt að fá evruna á kr.132 um tíuleitið í morgunn.  Einn erlendur starfsmaður minn komst í bankann og gat millifært til heimalandsins eins og hann þurfti á þessu gengi, öðrum erlendum starfsmanni mínum sem átti lengra í banka og var í hinum ríkisbankanum (Glitni) var neitað um millifærslu og öll gjaldeyrisskipti.  Hann tók út alla peningana sín í Glitni og hélt vongóður í Landsbankann en var synjað um gjaldeyrisviðskipti á þeim forsemdum að hann væri ekki viðskiptamaður bankans.  Vinnufélagi hans, íslenskur viðskiptamaður í Landsbankanum, bauðst þá til að gera þessi viðskipti í sínu nafni og báru þeir 500 evrur úr krafsinu.  Svona er Ísland í dag.

Magnús Sigurðsson, 7.10.2008 kl. 16:33

3 Smámynd: Baldur Fjölnisson

Handstýrt gengi, gjaldeyrisskömmtun, ríkisbankar ... hægri og vinstri kommúnistar við stjórn ... þetta er að verða svipað og fyrir nokkrum áratugum.

Baldur Fjölnisson, 7.10.2008 kl. 17:34

4 Smámynd: Jón Steinar Ragnarsson

Ég fékk nú þann mesta aulahroll, sem ég hef nokkru sinni fengið, þegar ég hlustaði á ræðu Guðna í dag. Vá hvað hann er þroskaheftur! Ég hef bara ekki áttað mig almennilega á þessu fyrr.

Annars varðandi rausn Pútin og vangaveltur um hvað liggi að baki. (allt er jú metið út frá game theory hehe)  þá langar mig að benda á þetta litla blogg, sem hugsanlega skýringu og jarðbundnari.

Jón Steinar Ragnarsson, 7.10.2008 kl. 20:32

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Ívar Pálsson
Ívar Pálsson

Viðskiptafræðingur með útflutningsfyrirtæki, en grúskar í flestu.

Innskráning

Ath. Vinsamlegast kveikið á Javascript til að hefja innskráningu.

Hafðu samband