Sannfærð(ur)? Taktu prófið

Hversu sannfærð(ur) ertu í loftslagsmálunum? Þú færð 1 stig að vera sammála hverri þessarra tíu spurninga (þ.e. 10 ef sammála þeim öllum): 

Aðgerðir mínar og annarra geta kælt loftslag heims um 2°C á næstu 43 árum.
Ég vil að reynt verði að kæla loftslag jarðar um 2°C á næstu 43 árum.
Ég tel loftslag Íslands batna ef heimurinn kólnar um 2°C á næstu 43 árum.
Ég tel mögulegt að stöðva minnkun Norðurskautsíssins á næstu 43 árum.
Fólk getur komið í veg fyrir hækkun sjávarmáls á næstu 43 árum.
Ég vil að mannfólkið reyni að stækka Grænlandsjökul til 1990 stöðunnar.
Aðgerðir mínar og annarra geta mildað fellibylji í Mexíkóflóa svo að um muni.
Aðgerðir mínar og annarra geta látið rigningu aukast í Norður- Afríku.
Meir munar um aðgerðir manna í loftslagsmálum en um styrk sólstorma.
Meir munar um aðgerðir Íslendinga í loftslagsmálum en um Kötlugos.

Lát heyra, einkunnina fyrst og síðan athugasemd. 

Athugasemdir

[Þórður Áskell Magnússon, 6.10.2007 kl. 02:23]

Úpps, ég fékk núll.  Þetta er í fyrsta skiptið á ævinni sem ég hef fengið slíka einkunn.

Annars held ég að þeir sem eru sannfærðir um heimsendi vegna hnatthlýnunar ættu að lesa  þennan pistil

[Geir Ágústsson, 7.10.2007 kl. 19:22]

Núll hér líka.

Hannes Hólmsteinn á gríðargóðan sprett hér, og kryddar pistil sinn með hafsjó athyglisverða tengla.