Hagavatnssvæðið í myndum

Útsýnið af Hlöðufelli getur verið stórgott, m.a. að Langjökli og skriðjökli hans, Eystri Hagafellsjökli, en Hagavatn myndast við sporð hans. Sandfok getur verið mikið frá svæðinu, eins og sést á myndum mínum, annars vegar frá árinu 2007 í logni og funhita, en hins vegar frá árinu 2006 í miklu sandfoki. Ýtið þrisvar á hverja mynd fyrir fulla stærð.

Trúlegt er að stækkaða stífluvatnið muni hemja eitthvað af þessum leir sem myndar hluta sandfoksins niður til byggða. Eina verulega sjónmengunin á svæðinu hefur verið stóra rafmagnslínan norðan við Hlöðufellið, en fyrst leggja á rafmagnið í jörð að henni, þá eykst sú röskun sáralítið. Línuskrattinn sá er nógu rosalegur nú þegar, sbr. myndir Stefáns Bjarnasonar.

Á myndunum sést Eystri Hagafellsjökull til vinstri, Hagavatn við rætur hans, Jarlhettur þar til hægri, en Kjölur, Hofsjökull og Kerlingarfjöll handan Jarlhetta. Bláfell sést lengst til hægri.

Ef umhverfisáhrif virkjana eru einhvers staðar í lágmarki og jafnvel jákvæð (vegna viðvarandi sandfoks) þá er það við Hagavatn.

En Langisjór verður vonandi látinn algerlega í friði um alla tíð.

 

 

 

 

Kanna kosti Hagavatnsvirkjunar

Athugasemdir

[Gunnar Þórðarson, 18.11.2007 kl. 11:19]

Þetta er svona línuleg verstun.  Þær eru ljótar rafmagnslínurnar en notaleg afurð sem þær flytja.

Varðandi Hlöðufell þá finnst mér það stórkostlegasta útsýnisfjall sem ég hef komið á.  Auðvitað skiptir veðrið öllu máli í slíkum fjallaferðum.

gunni