Bláfjöll: Nú kastar tólfunum!

Dagurinn byrjar vel, bjart til Bláfjalla, vindur 0-2 m/sek. en símsvari og vefur skíðasvæðanna segir, lokaðar stólalyftur vegna vinds og veðurspár! „Við getum ekki boðið upp á stólalyftur“, segir þar. Veðurspáin fyrir daginn á www.vedur.is er eins góð og hugsast getur. Stormur á Austurlandi er ekki í Bláfjöllum. Nú verður einhver dreginn til ábyrgðar vegna þess að það gleymdist að ráða starfsmenn.

Hægt er að blekkja hluta fólksins alltaf, en ekki alla alltaf.

Athugasemdir

[Vignir Arnarson, 20.1.2008 kl. 09:25]

Mikið djöfull er ég sammála þér ætluðum á skíði bæði í gær og í dag.

Hann Magnús Árnason ætti að fara að huga að annarri vinnu er sko ekki að valda þessu starfi.  

[Ívar Pálsson, 20.1.2008 kl. 11:15]

Það er LOGN í Bláfjöllum. En á vefnum segir nú í morgun: „Enn er of mikill vindur til að keyra stólalyfturnar í Kóngsgil“.

Vignir, er Borgarstjóri næsti yfirmaður Vignis? Ef það er Bláfjallanefnd, þá hlaupa allir þar í skjól út af klúðrinu. Undarlegt að þetta líðist. 

[Ívar Pálsson, 20.1.2008 kl. 11:16]

Afsakið Vignir, ég átti við, hver er næsti yfirmaður Magnúsar Árnasonar?

[Hafsteinn Viðar Ásgeirsson, 20.1.2008 kl. 18:52]

Það er hreinlega grátlegt að fólk skuli ekki hafa getað notað þetta veður í dag í fjöllunum. Fór hring á vélsleðanum vestur undir Selvog í mögnuðu veðri. Þetta Bláfjallamál er til skammar. 

[Ólöf Anna , 20.1.2008 kl. 19:20]

Það er svona þegar allir sem kunna á fjöllin voru reknir í fyrra vetur, greinilega þeim að kenna að það var engin snjór. Kannski að bláfjallanefndin fatti það núna að það er ekki málið að ýta bara á græna takkann og láta lyfturnar rúlla. En bara allt of seint, hún lokaði bara eyrunum þegar það var reynt að benda þeim á þetta.

[Ívar Pálsson, 20.1.2008 kl. 21:41]

Já, lognið og blíðan var ekta sunnudags- skíðaveður og veðurafsökunin á vefnum var hrein lygi.

Hér er fundargerð (nr. 280) stjórnar skíðasvæðanna frá 20. nóvember sl. þar sem Hermann Valsson (VG) tók við sem formaður og fulltrúi Reykjavíkurborgar í stjórn skíðasvæða Höfuðborgarsvæðisins, en hann afsakaði þjónustuleysið í Bláfjöllum í útvarpinu í dag, sbr. tengil Ólafar Önnu (takk). Þar segir m.a.: „ Fulltrúi Mosfellsbæjar óskaði eftir upplýsingum á næsta fund um stöðu starfsmannamála á árinu 2007.“

 Hér er svo fundargerð næsta fundar (nr. 281) þann 28. desember sl. þar sem ekki virðist rætt um starfsmannamál, þrátt fyrir beiðnina frá fyrri fundi og það að snjórinn var í nánd. Á fundi nr. 282 (hér) þann 11. janúar 2008 gerist það helst að Reykjanesbær sig úr samstarfinu, en ekki sést að umbeðnar upplýsingar um stöðu starfsmannamála á árinu 2007 séu lagðar fram. Liður 7 er þessi: „Lagt fram bréf Jóns Steingrímssonar dags. 26. nóvember sl. varðandi starfsmannamál á Skíðasvæðum.“ Innihald bréfsins er ekki þekkt. Næsti fundur var boðaður 8. febrúar næstkomandi.

Á öllum fundunum gaf framkvæmdastjóri skíðasvæðanna skýrslu um stöðu mála í Bláfjöllum. En aðgerðir í starfsmannamálum á þessum mánuðum virðast afar takmarkaðar. Afsökun Hermanns í útvarpinu var á þá leið að starfsmennirnir væru allir nýir og kynnu ekki á lyfturnar og á starfsferlin. Þau fengu þá ekki rétta starfsþjálfun. Hver tekur ábyrgð á því?

Beiðni mín um aðgerðir fyrir þrem dögum varð ekki til neins. Ætli nokkuð gerist núna þegar fleiri hafa kvartað og afsakanirnar flæða yfir barmana? 

Finnst einhverjum ofangreint benda til röggsemi og staðfestu stjórnar og framkvæmdastjóra? Fyrir mér er þetta stjórnleysi.

[Íslands-Bersi, 23.1.2008 kl. 06:47]

Ívar eftir höfðinn dansa limirnir,þegar formaðurinn er þekktur í hópi útivista fólks fyrir klúður hann getur allt veit allt, við hverju býstu þú þekkir sögu hann einsvog  ég ,að var byggð flot sundlaug en það gleymdist að setja vant í hana svo kom vatnið óvart þá gleymist að hafa fólk til að hugsa um reksturinn ,ps svo eru Bláfjöll afleitur kostur allt sem fer farna niður kemur fram í vatni Reykvíkinga og nú er Jón  Ólafsson farinn að taka vatn líka þessi staður er mistök það á að nota Skálafell eða norður hlíðar Botnsúlna sem var mælt með frekar en Bláfjöll á sínum tíma