ISG í herráð heimsins

Öryggisráð SÞ er herráð heimsins, sem eyðir ¾ hluta tímans í málefni Afríku, mest stríðandi öfl hennar. Ingibjörg Sólrún Gísladóttir utanríkisráðherra vill ólm komast þangað til þess að koma okkur á Afríkukortið. Neitunarvald ráðandi afla í ráðinu ræður alltaf að lokum, en ráðherra mun sannarlega tala yfir hausamótunum á þeim, fá spilltustu Afríkuleiðtogana til þess að segja af sér, fá alla skæruliðahópa Súdans til þess að sættast og koma á friði í álfunni með konu sem leiðtoga hvers ríkis. Hundraða ára ættbálkastríðum Afríku lýkur þar með, þannig að milljarða styrkjapeningar okkar geta jafnvel farið að nýtast. Án efa munu olíuhagsmunir Kínverja og Rússa víkja þegar stefnu Samfylkingarinnar verður framfylgt í ráðinu. Norræn kona mun breyta herráðinu í lýðræðissamkundu, þar sem sérhagsmunir voldugustu þjóða heims ýtast til hliðar við fylkingu réttlætisins.

Já, sannarlega! „If  french fries were fat free and you still love me“  eins og segir í ágætu kántrýlagi Alan Jacksons:

-------------

These things I want the most
Though I probably never see
I can't help but believing
That if French fries were fat free
And you still love me
What a wonderful world this would be

--------------

Neitunarvaldi beitt

Athugasemdir

[Jónas Jónasson, 11.7.2008 kl. 22:45]

ertu ekki ad grinast?

[Ívar Pálsson, 11.7.2008 kl. 22:47]

Jónas, kaldhæðni er kannski ekki mín sterkasta hlið, en þetta var tilraun. Auðvitað er ég að grínast. Enda, hvenær verða franskar fitulausar?

[Jónas Jónasson, 11.7.2008 kl. 23:37]

áður en þær eru steiktar! ju þetta var mjög flott hjá þér, mér er líka nóg um ráðríki ráðherra og þetta er bara hallærislegt.

[Sigurður Þórðarson, 12.7.2008 kl. 07:52]

 Íslendingar hafa aflað sér stuðnings frá ýmsum vafasömum og illa þokkuðum einræðisherrum í Afríku fyrir tilstuðlan Halldórs Ásgrímssonar, Ingibjörg hefur haldið því verki áfram:

http://siggith.blog.is/blog/ginseng/entry/488689/ 

http://siggith.blog.is/blog/ginseng/entry/479847/  

[Gullvagninn (IP-tala skráð) 12.7.2008 kl. 10:47]

[Gunnar Þórðarson, 12.7.2008 kl. 14:55]

Ívar minn.  Þegar rödd Íslands glymur um öryggisráðið mun allt breytast.  Fitulausar franskar verða hégómi þar við hlið.  Við munum breyta heiminum í útópíu.  Samræðupólitík er lausnarorðið.  Þeim hefur nefnilega aldrei dottið það í hug þarna í ÞS.

[Jón Steinar Ragnarsson, 16.7.2008 kl. 02:09]

Góður.

[Geir Ágústsson, 23.7.2008 kl. 20:42]

Kannski ISG nái að samræðustjórnmálavæða Öryggisráðið svo mikið að það nennir ekki lengur að koma saman og það þýðir bara færri skandalar eins og "Oil for Food" og viðskiptahindranir sem koma fyrst og fremst niður á kúguðum þegnum harðstjórnarríkjanna.

Öryggisráðið er hvort eð er ekki að gera mikið í þjóðhreinsunum í Súdan og lét sig vissulega vanta í Rúanda á sínum tíma. Tími þess e.t.v. liðinn? ISG mun þá reka seinasta naglann í þá kistu.