Stýrivextir stefna í lækkun

Loksins eru seðlabankar ESB, Bretlands og BNA við það að lækka stýrivexti og yfirgefa verðbólgumarkmiðin, sem hafa alls ekki náðst hvort eð er, eins og raunin varð hér. Á meðan er Seðlabankinn hér á landi enn rígfastur í himinháum vöxtum, sem réttlætt er með úreltum og ósveigjanlegum hagfræðikenningum. Ástæða viðsnúningsins erlendis eru viðbrögð við hruni markaða og tregða banka til þess að lána hver öðrum. Jenið styrkist og helstu viðmið hávaxtamarkaðarins, áströlsku og nýsjálensku dollararnir eru snarfallnir og stefnt er að frekari lækkun stýrivaxta þar. Ef vaxtalækkunin erlendis verður almenn, þá getur Davíð ekki staðið eins og staur í miðjum veginum gegn vaxtalækkun hér.

Einn þáttur bráðnauðsynlegra aðgerða til þess að venda þjóðarskútunni af þessari stefnu sinni inn í skerjagarðinn er myndarleg lækkun stýrivaxta strax. Um 10% stýrivextir eru líkast til hæfilegir.

Nikkei ekki lægri í rúm þrjú ár

Athugasemdir

[Jóhann Elíasson, 3.10.2008 kl. 10:03]

Það er ekki nokkur von til þess að "hryðjuverkamennirnir" í Seðlabanka Íslands átti sig á því að þetta brölt þeirra með stýrivextina, hefur ENGIN áhrif á verðbólguna.

[Davíð Halldór Lúðvíksson (IP-tala skráð) 3.10.2008 kl. 14:02]

Ef stýrivextirnir hefðu borið e-h sjáanlegan árangur hefðum fyrst séð lækkun á fasteignamarkaði en svo er ekki. Þrátt fyrir að það sé lítil sem engin hreyfing á fasteignaviðskiptum þá lækkar verðið ekki.

Fasteignir eru líklegast einu fjárfestingar sem fólk þarf vissulega að kaupa með lánsfé Hins vegar eru +5 ára lánin öll verðtryggð sem heldur aftur að lækkuninni. Í raun eru það fyrirtæki sem vissulega blæða fyrir þessa stýrivexti, veltureikningarnir sveiflast upp og niður og þegar þeir eru niðri þá borga fyrirtækin mánaðarlega yfirdátavexti. Stýrivextirnir hafa einnig áhrif á skammtímalánin sem flest fyrirtæki þurfa að reiða sig á þegar þau byrja rekstur eða t.d. eru að versla vörur eða byrgðir fyrir fram í von um hagnað þegar vörur hafa verið seldar eða fullframleiddar.

Nú hafa stýrivextirnir verið himinn háir í eitt ár án þess að ástandi hafi batnað og í raun eru þessir stýrivextir farnir að skila sér út verðlagið þar sem fyrirtæki þurfa að auðvitað að reikna kostað af lánum inn í verðlagið sem vissulega eykur verðbólguna.

Þetta er ekkert annað en gjaldþrotastefna Seðlabankans sem vinnur gegn rekstri fyrirtækja.

[Ívar Pálsson, 3.10.2008 kl. 15:11]

Jóhann og Halldór, ég er hjartanlega sammála ásamt langflestum sem um þessi mál fjalla. Sá helsti sem hangir eins og hundur á roði á jöfnunni (háir stýrivextir = lág verðbólga) er hann Davíð okkar, því miður. Kannski hann fái hugljómun.

[Jón Steinar Ragnarsson, 3.10.2008 kl. 21:39]

Loksins koma verðmætar upplýsingar frá bankaráði seðlabankans. Sjá hér.

Gott að fá þessa langþráðu skýringu frá þeim sem eru með fjöreggið í lúkunum.

Eða...er sumum betra að halda kjafti í stað þess að opinber forheimskun sína? Þvílíkur andskotans Idíót!

[Baldur Fjölnisson, 3.10.2008 kl. 22:42]

Það er runnið algjört smjörklípuæði á náhirð Stalíns D. Oddssonar. Björn Bjarna var td. að steypa eitthvað um að forsetinn væri á móti inngöngu í ESB. Þetta lið er greinilega ekki með réttu ráði.