Dýrustu feðgin Íslandssögunnar

Svandísi umhverfisráðherra, dóttur Svavars „Icesave“ Gestssonar, tekst núna að láta þau feðgin verða þau langdýrustu fyrir Ísland sem þjóðin hefur alið. Samningagerð hennar slær hátt upp í stjörnuafglöp föðurins. Hvort um sig virðast ganga til samninga algerlega grunlaus um það stórfellda tjón sem hugsjónavilla og kunnáttuleysi þeirra hefur á þá ítrustu kröfugerð sem þau eiga að leggja fram sem fulltrúar landsins  í samningum við aðrar þjóðir. Niðurstaðan í báðum tilfellum er stórfellt tap fyrir heilar kynslóðir.

Nú þegar næstu úlfar markaðanna sveipa sig umhverfisgæru og búa til kvótakerfi sem er svikamylla á heimsvísu, þá mæta lömb eins og umhverfisráðherra á staðinn til þess að vera étin lifandi fyrir okkar hönd.  Þegar kvóti hvers lands er ákveðinn er allt tínt til, hvað hefur verið gert rétt. Ísland er þar fremst, en afstaða Svandísar stöðvar hreinlega reksturinn og lætur framleiðslufyrirtæki á Íslandi þurfa að kaupa loftslagskvóta af rússneskum kolaverum til þess að mega framleiða á vistvænasta hátt í heimi. Gore og allir hinir lofthausarnir staðfesta þá staðreynd.

Það tekur engu tali að hafa ráðherra yfir okkur sem er ekki með fæturna á jörðinni. Hvaða ábyrgð tekur hún síðan á því að samkeppnishæfni Íslands brestur þegar framleiðslukvótinn á að vera minni en hann var fyrir 19 árum, en þá var orkuframleiðsla brot af því sem nú er?

Þessi ríkisstjórn er glötuð.

Ekki sótt um undanþágu fyrir Ísland

Athugasemdir

[Jón Snæbjörnsson, 9.10.2009 kl. 13:57]

upp komast þau með kunnáttuleysið, ósvífni hjá þessu fólki / hvar eru allir viti bronir - undarlegt hversu margir hrífast af svona "glöpum" - trúir fólk því  vikilega að eplið hafi komið á undan eikinni

[Katrín Linda Óskarsdóttir, 9.10.2009 kl. 14:16]

Góð grein Ívar og ég er innhaldinu hjartanlega sammála. Fær konan virkilega að ráða þessu ein???

[Magnús Sigurðsson, 9.10.2009 kl. 16:54]

Íslendingar eru í hrikalegum málum, við sitjum uppi með elítu sem ætlar sér að skuldsetja þjóðina út í hafsauga til að hafa upp í sína sjálfteknu framfærslu.  En um leið þá kemur hún í veg fyrir að þjóðin geti framleitt sig út úr vandanum, svo kokteilpinnarnir verði ekki fyrir ímynduðu aðkasti á alþjóðavettvangi.

[Zmago, 9.10.2009 kl. 20:09]

Eg er ekki að reyna að gera lítið úr afglöpum þeirra feðgina, en samt komast þau ekki med tærnar þar sem feðgarnir Davið Oddsson og þorsteinn Daviðsson hafa hælana.

Og þó hefur þorsteinn ekkert gert af sér, mér vitanlega.

Fyrst einkavæðing bankanna og svo afglöpin i seðlabankanum eru þjoðinni marfalt dyrari en afglöp þeirra feðgina. 

[Kolbeinn Pálsson, 9.10.2009 kl. 20:34]

Það er eitthvað til sem kallast Landráð.

Ef eitthvað er hæft í Icesavefréttum ásamt Stóriðjufréttum falla feðginin fullkomlega undir þá skilgreiningu að margra mati. Nú skilgreind sem "Sekir skógarmenn" fyrri tíma.

Úr Ríkisstjórninni á stundinni, ef stjórnin fellur ekki öll.

Jóhanna yrði meiri af því að nota fleyg orð Hermanns Jónassonar og leika sama leikinn.

[Baldur Fjölnisson, 9.10.2009 kl. 20:45]

Lánshæfi þrotabús ríkissjóðs er núna hársbreidd frá "junk" og þar með líka lánshæfi gjaldþrota orkufyrirtækja, þannig að það erfitt að sjá hvernig á að fjármagna virkjunarframkvæmdir á næstu árum. Algjört botnskrap íhalds og framsóknar var skipulega handpikkað til að keyra þetta allt í þrot og þýðir lítið að ráðast núna á þá sem sitja uppi með óhugnaðinn frá því dóti.

[Benedikt Sigurðarson, 9.10.2009 kl. 22:23]

Framsetningin er þér ekki til eintóms sóma.

Ósvífin og mannfjandsamleg fullyrðing sem í fyrirsögninni felst Ívar.  Þú veist að Svarar Gestsson ber enga ábyrgð á tilurð þess tjóns sem ICESAVE er að valda - - þótt það megi með einhverjum hætti láta sig dreyma um eitthvað ódýrari samning á endanum.

Á sama hátt ert þú að skjóta algerlega framhjá í gagnrýni á Svandísi Svavarsdóttur - -  og það er alltaf sérlega ómálefnalegt að reyna að lítillækka foreldra og börn - - með tengingu við stjórnmálaþátttöku - - sem ekki tilheyrir einu sinni sama tíma.

Svandís er í stjórnmálum á eigin forsendum - og Svavar hefur lokið þátttöku sinni í stjórnmálum (amk. í bili).

Sjálfur hef ég enga pólitíska samúð með þeim sem einstaklingum  - - og yfirgaf Alþýðubandalagið á sínum tíma - líklega mest vegna arfleifðar Svavars.

Mér finnst þú fara hér út af kortinu . . . . . og afneita þinni eigin annars (oft) ágætri skynsemi.

[Baldur Fjölnisson, 9.10.2009 kl. 22:46]

Jamm, ég hef heldur ekki neina pólitíska samúð með fjórskipta einflokknum hvort sem það eru hægri eða vinstri kommúnistar. Ég hef ekki búið við annað en sífellt vaxandi skattpíningu og sífellt ævintýralegri opinber apparöt og atvinnuleysisgeymslur þaðan. Þetta dauðadæmda kerfi var logið ótrúlega lengi áfram af heilaþvegnum síkópötum en þegar allar lygaskóður voru á endanum yfirfullar þá rúllaði draslið skiljanlega fljótt beint á hausinn. Að sjálfsögðu ráða einstakir armar fjórskipta einflokksins ekkert við þessa stöðu. Þetta er hugmyndafræðilegt allsherjargjaldþrot ekki síður en fjárhagslegt. Gervikosningar á milli hluta þessa gjaldþrota kerfis munu engu breyta. Við þurfum greinilega nýtt kerfi. Það þarf að gefa upp á nýtt. Dreifa eignunum. Áður fyrr var þetta vandamál leyst með því að lífláta einokunaraðalinn í stórum stíl og runnu þá eignir hans til annarra en aðallinn lærði sína lexíu af þessu og fann upp kurteislegar byltingar kenndar við liti og búsáhöld og aðra álíka auglýsingafrasa til að reyna að viðhalda status quo og hausnum áfram á eigin búk. Og þetta virðist enn vera að virka merkilegt nokk. Alemmningur virðist tilbúinn til að láta fokka sig alveg ofan í gröfina. Þetta er geysilega sterkur heilaþvottur.

[Baldur Fjölnisson, 9.10.2009 kl. 23:06]

Bechtel - Alcoa - Bush - Dabbi dindill. Impregilio - Berlusconi - Dabbi dindill. Samningar innan þessarrar mafíu ríkisleyndarmál - skiljanlega.

Írakssvindlið - Dabbi og Dóri dindlar vonuðust til að fá mola frá húsbændunum í sambandi við uppbygginguna þegar væri búið að sprengja allt í tætlur. 

Þetta hyski allt saman beinlínis trúir á  á að eyðilegging sé af hinu góða því að það séu svo mikil tækifæri við að byggja upp eftir á allavega fyrir réttu einkavinina. Skipulegt gjaldþrot íslenska þjóðarbúsins ber absalútt að skoða í þessu ljósi.

[Ívar Pálsson, 9.10.2009 kl. 23:07]

Benedikt, ég reyni einmitt að halda aftur af mér í textanum hér að ofan. Svandis Svavarsdóttir gengur svo gersamlega fram af skynsömu fólki með fullyrðingum sínum og ákveður steinaldarstig fyrir okkur hin, á afar keimlíkan hátt og faðir hennar gerði í laumi fjórum mánuðum áður. Það getur varla verið tilviljun.

Svavar kom svo sannarlega aftur inn í stjórnmálin inn um bakdyrnar. „Samningurinn“ var hans og Indriða, hrein afglöp, sama hvað hafði gerst áður. Þau verða ekki af honum tekin.

Svandís gerir sig seka um álíka frumhlaup, gersamlega hugsanalaust um afleiðingarnar. Það þarf ekkert að fjalla um smáatriðin, þetta liggur ljóst fyrir. Ef ég hefði stolið karamellu og hún væri lögfræðingurinn minn, þá fengi ég eflaust lífstíðarfangelsi.

[Baldur Fjölnisson, 9.10.2009 kl. 23:49]

Ég held að styrkur okkar á næstu áratugum hljóti að byggjast á miklum orkuauðlindum. Að vísu hafa erlendar eignir afhent eigendum sínum töluvert af því á botnprísum en samt er mjög mikið eftir. Og líklega er hyggilegast að flýta sér ekki um of við að ráðstafa því. Ekki er líklegt að verðmætið falli í verði.

Orka drífur alla efnahagslega starfsemi og fæða er líka orka og fólk getur ekki verið án hennar og við höfum líka mikla möguleika á sviði fæðuframleiðslu hvort sem það er af landi eða sjó. Þannig að við eigum að geta verið með sterkan gjaldmiðil á grundvelli orkunnar. En þjóðarbúið hefur verið sett á hausinn til að komast yfir orkuauðlindir okkar fyrir slikk. Við þurfum að vera vakandi fyrir því.

[Árni Gunnarsson, 10.10.2009 kl. 01:05]

Með vísun til orða þinna um skynsamt fólk Ívar þá heyri ég víst ekki til þeim hópi. Ég hugga mig við orð sem mér koma í hug og finna má í Íslandsklukku Laxness: "Þeir skilja þetta seinna."  ! !

[Örn Björnsson, 10.10.2009 kl. 07:30]

já..sjaldan fellur eplið lángt frá eikini. allveg með ólikindum hvað þetta hyski er buið að skemma fyrir á mettima

[Baldur Fjölnisson, 15.10.2009 kl. 22:17]

Hagsmunir bandarískra og evrópskra eigna hér í pólitík og ruslveitum hafa leitt okkur til glötunar. Það er í rauninni langt síðan það hóruhús hætti að trekkja en samt hefur verið skylt að styrkja það þótt ekki nokkur maður nenni að keyra

Þetta svindl er liðið. Það er fyrir löngu búið að ofurselja það trúgjörnum hálfvitum. Nítjánda öldin var bresk, síðan fór sú bóla á hausinn og við tók ameríska öldin og núna er hún opinberlega fallít og við tekur kínverska öldin. Hvers vegna hef ég ekki séð múltí ofmannaðar sérfræðingaatvinnuleysisgeymslur hins opinbera benda á þessa augljósu staðreynd?