Já eða nei?

Nú þarf að fara í sömu þrautagöngu og áður með Bjarna Benediktsson, að fá afgerandi svar frá Hönnu Birnu hvort hún vilji slíta ESB- aðlögunarferlinu án tafar.

Annars fer hún klassísku leiðina, að láta kjósa sig út á loðnar setningar og fer síðan eftir ísköldu hagsmunamati eða sannfæringu sinni, sem getur hentað Samfylkingunni vel í að viðhalda stöðnuðu þjóðfélagi í Evrópu- sósíal- demókratískum anda.

Hanna Birna og Bjarni, já eða nei við slitum ESB- aðlögunarferlis?

Snýst um líklegan sigurvegara

Athugasemdir

[Haraldur Hansson, 3.11.2011 kl. 20:20]

Þau eru bæði búin að segja afgerandi Nei við ESB, a.m.k. í orði.

Það háir Bjarna að hafa föndrað við evru-hugmyndir og verið hikandi í ESB málum í kjölfar hrunsins, sem og að hafa látið undan brusselskum hótunum í Icesave. Aðkoma hans að Vafningi háir honum líka, þótt hann sé hvorki eigandi né gerandi. DV spyr ekki að því en hefur áhrif á álit almennings.

Hanna Birna er ekki komin nema rétt með nefbroddinn fram í dagsljósið. Kannski gerir hún það viljandi að segja ekkert fyrr en 14 dögum fyrir fund svo "andstæðingar" hafi minni tíma til að rýna í borgarmálin. Hver er t.d. hennar hlutur í málum Orkuveitunnar? Hvaða árangri getur hún státað af sem leiðtogi í borgarmálum?

Það eru spennandi tíma framundan, eins og einhver sagði.

[Jón Steinar Ragnarsson, 3.11.2011 kl. 20:59]

Sammála um að hún getur sleppt hálfvelgunni og verið afdráttalausari. T.D. Sjálfstæðisflokkurinn krefst þess að ferlinu verði slitið strax.

Það slæma við þessa frekjudós og stefnulausa peoplepleaser er að hún á ekki sæti á alþingi. Nokkuð sem ég tel talsvert veikleikamerki.

[Helga Kristjánsdóttir, 4.11.2011 kl. 04:43]

     Einmitt! Nei eða já, af eða á?

[Hrólfur Þ Hraundal, 4.11.2011 kl. 14:42]

Já eða nei dugar ekki líkamstjáningin þarf að fylgja.

[Ívar Pálsson, 4.11.2011 kl. 16:02]

Hanna Birna kom síðan afgerandi fram eftir að þetta var ritað. NEI var við Icesave og ESB-umsókn. Hún bætti líka við að hún færi eftir landsfundarályktunum! Það eru þá 3 plúsar.

[Ívar Pálsson, 4.11.2011 kl. 16:05]

Nú virðist Bjarni því þurfa að ítreka skýra andstöðu sína við ESB- aðildarferlið til þess að ná til sem stærstrar heildar. Ég vona að hann geri það, þá verður þetta meira spennandi.

[Anna Sigríður Guðmundsdóttir, 4.11.2011 kl. 18:36]

Haraldur bendir réttilega á að það hafi ekki komið í ljós, hver þáttur Hönnu Birnu hafi verið í málum Orkuveitunnar. Einhverra hluta vegna er ég líka mjög upptekin af einmitt þessu sama.

Það er eitthvað í minnis-pússluspilinu mínu, sem segir mér að eitthvað stemmi ekki í sambandi við blessunina hana Hönnu Birnu. Fólki er svo mikið stjórnað af óheiðarlegum valdaöflum.

Bjarni er að sjálfsögðu óþægilega mikið þvældur inn í eitthvað, sem enginn þekkir alveg til hlítar. En hann virkar, sem stefnufastur maður, og virðist vilja slíta sig frá gömlu spillingunni í Sjálfstæðisflokknum.

Öll réttlát og rökstudd gagnrýni hefur aldrei verið nauðsynlegri en nú.

M.b.kv.