Brandari framtíðar

Enn finnast Evru- hrunsinnar eins og Guðmundur Steingrímsson, sem tala  fyrir þann hluta þjóðarinnar sem les bara Fréttablaðið og hlustar á RÚV:  „...margir teldu að þjóðin myndi njóta góðs af því að taka upp Evru sem gjaldmiðil, þ.e. að taka upp stöðugri gjaldmiðil.“!

 

Heldur einhver virkilega að þjóðin gæti tekið upp Evru: gengið í ESB, uppfyllt Maastricht, verði samþykkt sem Evruland með bankasamruna, fjárhagslegan samruna og jafnvel pólitískan, tekið á sig skuldir hruninna Suður-Evrópuríkja og yfirleitt afhent yfirstjórn fjármála til Brussel? Eða þá að Evran sé stöðugur gjaldmiðill? Af hverju er þá reynt að bjarga henni? Frá hverju, sjálfri sér?

 

Óraunsæi virtist vera á útleið, en augsýnilega eru einhverjir enn í sínum helli eins og Japani í lok seinni heimstyrjaldar, tilbúinn með byssuna og niðursuðudósirnar sínar, verjandi málstaðinn þar til enda, þótt friður sé löngu kominn á.

Tillaga um þjóðaratkvæði

Athugasemdir

[Helga Kristjánsdóttir, 11.6.2013 kl. 00:09]

Var hann ekki í ræðu sinni í kvöld að brýna menn til að vera raunsæir og lofa ekki ehv.sem þeir gætu ekki staðið við. Einhvern vegin held ég að Guðmundur sjái að Evran sé vonlaus, vitandi að í ESB. verður Íslendingum ekki troðið,enda sneru kosningarnar mikið til vegna einaðrar afstöðu D & B að í stöðva aðlögunina.

[Ívar Pálsson, 11.6.2013 kl. 00:22]

Sæl Helga. Varla finnst Guðmundi Evran vonlaus, þegar hann vill að viðræðum ljúki með tilbúinn pakkann (eins og 95% Evrusinna) og að farið verði strax í þjóðaratkvæðagreiðslu, því að ella gerist ekkert í ESB-málum á meðan.

[Guðmundur Brynjólfsson, 11.6.2013 kl. 14:18]

Sumt fólk VELUR að fylgjast illa eða ekki með því sem er að gerast í Evrópu. Því FÆR það alltaf þá niðurstöðu sem það óskar sér. Það kemst ekki að neinu því það kynnir sér ekki neitt. Guðmundur Steingrímsson er einn af þeim - amk í pólitík sinni.