Bloggfærslur mánaðarins, apríl 2013

Vinstri- handar náðarhögg í lokin

Rækja Pandalus Borealis

Tjónið sem hlaust af fráfarandi vinstri stjórn á fjórum árum jókst í veldi sínu núna í lokin. Steingrími J. leist ekkert á það að byggðir landsins reyndu að bjarga sér með rækjuveiðum og fyrirskipaði á síðasta degi stöðvun úthafsrækjuveiða þann 1. júlí nk., um há- bjargræðistímann.

Vestur, norður og norðvestur 

Rækjuvinnslurnar á Grundarfirði, Ísafirði, Hólmavík, Hvammstanga, Sauðárkróki og á Siglufirði treysta helst á innlenda rækju núna þegar Norðmenn kaupa sína eigin og Kanadarækju með uppskrúfuðum olíugjaldeyri. Útgerðir á Íslandi reyna að láta það borga sig að veiða rækjuna og loksins þegar það gæti verið að ganga upp, þá kemur vinstri- handar náðarhöggið, áður en vitræn stjórn tekur við.

Spíral- fræði

Níðingsverkin eru auðvitað í nafni náttúruverndar að hætti (hrunda) hússins, líkt og á alræmdu skrifborði Svandísar Svavarsdóttur, þar sem samþykkt áætlun um virkjun neðri- Þjórsár beið til eilífðar.  Rækjukvóti upp á 5000 tonn er bara bleyttur fingur upp í loftið til þess að segja til um veðurfar, ekki nákvæm fræði. Rækjan er svo neðarlega í keðjunni að allt fyrir ofan hana hefur megináhrif á stofnstærð. Það ætti þá að veiða meira af þorski ef menn vilja bjarga rækju, sem raunar bjargar sér sjálf. Aðalástæða snarlækkaðs kvóta síðustu ára var efnahagslegs eðlis, þar sem annað borgaði sig betur. Þessi aðgerð hefur spíraláhrif, eins og svangur maður sveltir sig meir til þess að eiga nógan mat.

Meira latte

Það liggur við að maður fari með veggjum, verandi í hópi menntamanna í Reykjavík 101, þar sem „latte-lepjandi-vitringar“ hringsúast um tölvumódel sín um hagi náttúrunnar, koltvísýringslosun og hvaðeina og gefa síðan út ófrávíkjanlega ráðgjöf til stjórnvalda út frá uppljómun sinni um það hvernig loka megi aðgangi að þessari viðkvæmu náttúru út um land og sæ, sem afar okkar og ömmur nýttu til þess að skapa okkur góða tilveru.

Vonandi tekur stjórnarmyndunin sem fæsta daga. Við megum engan tíma missa í að bæta skaða síðustu vikna.


mbl.is Rækjuveiðum hætt 1. júlí
Tilkynna um óviðeigandi tengingu við frétt

D+B með 60% þingmanna

Líkur á sterkri stjórn hafa aukist verulega með sigri Sjálfstæðisflokks og Framsóknarflokksins, með 38 þingmenn af 63 alls. Nú verður spennandi að sjá hvernig embætti dreifast. Sigmundur Davíð yrði góður fjármálaráðherra. Hanna Birna gæti orðið utanríkisráðherra, en er vafalítið meira á heimavelli í að stýra verkefnum hér heima. 

Þetta voru erfið fjögur vinstri ár fyrir Ísland!

BBC birti frétt um niðurstöðu kosninganna hér:

 http://www.bbc.co.uk/news/world-europe-22320282


mbl.is Stjórnarflokkarnir tapa tæpum 28%
Tilkynna um óviðeigandi tengingu við frétt

Takið Úllen-dúllen-doff- prófið

GraentRauttBlatt

Óákveðnir kjósendur ættu að taka Úllen-dúllen-doff- prófið: það virkar! En fyrst er útilokunaraðferðin, þar sem ESB-flokkar detta út og þeir sem eyða atkvæðinu vegna 3% reglunnar. Þá eru eftir Sjálfstæðisflokkur, Framsóknarflokkur, Vinstri græn og Píratar. Úllen dúllen doff, kikke lane koff, koffe lane bikki bane, úllen dúllen doff. Svarið er komið. 

En kannski fengu Vinstri græn of langan séns (og sóttu hvort eð er um inngöngu í ESB) og detta því út. Tökum þá prófið á þeim þremur sem eftir eru: Sjálfstæðisflokkur, Framsóknarflokkur og Píratar. Svarið er þarna.

Sumir vilja kannski ekki rússnesku rúlletuna í Pírötum, þar sem skot er í öllum hólfum. Þá eru eftir Sjálfstæðisflokkur og Framsóknarflokkur. Takið úllen-dúllen-doff á það og svarið er ljóst.

Drífðu þig svo að kjósa! 


mbl.is Landsmenn ganga að kjörborðinu
Tilkynna um óviðeigandi tengingu við frétt

Framsókn opin til vinstri

Stefna Framsoknar

Framsóknarflokkurinn er opinn fyrir vinstra samstarfi. Leiðin áfram yrði þá glæsileg með Samfylkingunni, Vinstri grænum og kannski krydduð með sérframboðum sem leita að oddaaðstöðu. Sterk stjórn og markviss, með skýra stefnu eftir vindi dagsins.

Allt fyrir atkvæðin.

 


mbl.is Opinn fyrir vinstra samstarfi
Tilkynna um óviðeigandi tengingu við frétt

Fern sett?

MMR 10 april 2013

Fern sett eru orðin til í kosningunum 2013: Framsókn/Sjálfstæðisflokkur, Samfylking/Björt Framtíð, Píratar/Vinstri Græn og Allir hinir undir 5%.

Kosin er þá í réttri röð: uppbygging, ESB- stöðugleiki, umbylting eða óreiða.


mbl.is Framsókn eykur forskotið
Tilkynna um óviðeigandi tengingu við frétt

Höfundur

Ívar Pálsson
Ívar Pálsson

Viðskiptafræðingur með útflutningsfyrirtæki, en grúskar í flestu.

Innskráning

Ath. Vinsamlegast kveikið á Javascript til að hefja innskráningu.

Hafðu samband