Bloggfærslur mánaðarins, júlí 2013

Þriðjudag 23/7 kl. 15:00

2013 07 23 kl15 hitaspa

Örlítil von um hita annars staðar en aðeins fyrir norðan og austan er nk. þriðjudag kl. 15:00. Að vísu er skýjahula sunnanlands! Sjáið kortin hér til hliðar frá vedur.is.

En hálendið er flott þá. 

 


mbl.is Hiti fór í 26,4 stig í Ásbyrgi
Tilkynna um óviðeigandi tengingu við frétt

Lítill tími eftir til breytinga

BlaRos HD wallpaper

Viðtalið við Þorbjörgu Helgu bendir á þá staðreynd að sumir núverandi borgarfulltrúar Sjálfstæðisflokksins tala ekki fyrir flokkinn sem heild og raunar þvert á stefnu flokksins í mörgum málum. Verulega þarf að skerpa áherslurnar ef takast á að fella núverandi skrípa- borgarstjórn í næstu kosningum. Þorbjörg Helga vill verða borgarstjóri, en ekki er hægt að kjósa hana, Gísla Martein eða Áslaugu Friðriksdóttur, sem öll vilja flugvöllinn burt í trássi við afgerandi samþykkt landsfundar Sjálfstæðisflokksins.

Andstætt Landsfundi

Borgarfulltrúar flokksins, Júlíus Vífill Ingvarsson og Kjartan Magnússon tala vel fyrir Sjálfstæðisflokkinn eins og hann er, á meðan helst Gísli Marteinn Baldursson berst gegn flugvellinum, bílanotkun og bílastæðum, ásamt því að styðja hverja Samfylkingar-Bestaflokks- tillöguna á fætur annarri, allt í anda 101- Skandinavíu- draumsins þeirra.

Hver til bjargar? 

Blue splash

Vonandi hreinsast loftið almennilega vel fyrir prófkjör, þannig að hver frambjóðandi standi fyrir sínu og víkist ekki fimlega undan því að svara í Gnarr- stíl um hvert alvörumálið á fætur öðru. Engin leið er til þess að núverandi klofinn borgarstjórnarflokkur Sjálfstæðisflokksins nái einhverju kjörgengi þar af viti á næsta ári að óbreyttu. Ætli verði kallað á slökkviliðið góða, Framsóknarflokkinn, til bjargar eins og tókst svo vel í landsmálunum? Eitthvað verður að gera.


mbl.is Viðtalið við Þorbjörgu dapurlegt
Tilkynna um óviðeigandi tengingu við frétt

Nú kætist kolefnisfólkið

Iceland Tindfjoll IP PNG

Kaldara veðurfar hlýtur að teljast áfangasigur fyrir kolefnisfólkið, sem berst gegn heitari heimi með skattlagningu á samgöngur Íslendinga og höftum á fjölmörgum framfarasviðum. Ætli verði ekki skálað í flötu (kolsýrulausu) kampavíni á gröf íslenska sóldýrkandans? Með mótvægisaðgerðum í kolefnislosun tekst kannski að forða Íslandi frá því að hlýna jafn mikið og á landnámstímanum, sem gerði landnámið fært?

Maður getur rétt ímyndað sér partíin sem þau halda (með stafla af reiðhjólum fyrir utan) ef við fáum síðan hafísvetur eins og árið 1968. 


mbl.is Mánaðarrigning á tveimur vikum
Tilkynna um óviðeigandi tengingu við frétt

ESB til varnar Íslandi?

Makrill

ESB kemur náttúrulega til varnar smáþjóðinni Íslandi gagnvart Írlandi vegna makrílsins og leiðrétta þennan misskilning Íra, sem krefjast refsiaðgerða gegn Íslandi! ESB hefur jú allar tölur um breytt hátterni makrílsins hjá sér og getur varla látið Íra halda að Ísland megi bara veiða 3% kvótans, þegar við tökum 17% núna og ættum að taka 27% miðað við þroska makrílsins innan íslenskrar landhelgi.  

ESB- sinnar láta gjarnan eins og að samningsvilja Íslendinga skorti eða gera lítið úr þessu mikilvæga milljarða- og auðlindastýringarmáli Íslands. En smám saman skilur fólk að hér er um grundvallarmál að ræða, hver á kvótann og hvert hann fer. Einhver þarf að skýra mál Íslands í fjölmiðlum ytra. Ætli forsetinn sé til í aðra rispu?


mbl.is Vill að ESB „sýni tennurnar“
Tilkynna um óviðeigandi tengingu við frétt

XD er 78% hærri en XB

Ríkisstjórnin mælist vinsælli en áður og Sjálfstæðisflokkurinn lang- sterkastur, með 78% meira fylgi en Framsóknarflokkurinn. Skýr andstaða við ESB fór vel með Sjálfstæðisflokkinn, einnig önnur stefnumál hans. Því þarf enginn að velkjast í vafa um það að hann sé á réttri braut, enda líkar fólki það hvernig Bjarni og Sigmundur Davíð vinna sem teymi. Allt tal um að víkja frá yfirlýstri stefnu flokksins er hjal eitt. 


mbl.is Sjálfstæðisflokkur með 29,7% fylgi
Tilkynna um óviðeigandi tengingu við frétt

Bílfjendur með borg í herkví

Reykjavik engir bilar

Bílfjendum Besta flokksins og Gísla Marteins hefur gengið vel nýlega að halda venjulegum Íslendingum frá miðborginni sinni og að gera stúdentum eða öðrum bíleigendum ómögulegt að lifa þrautalitlu lífi, allt með rammsósíalískum kennisetningum um það hvernig þau vilja að við hin högum lífi okkar. Þess í stað ættu þau að muna til hvers einhver okkar kusu þau í bríarí, til þess að vera almenningi til aðstoðar með það sem best fer að sé á einni sameiginlegri hendi, sem er raunar ansi fátt.

Enginn í bæinn 

Lokun helstu viðskiptagatna miðborgar og almenn andstaða við aðkomu bíla lætur íslenskan almenning gefast upp á því að reyna að njóta staðarins og rennir því beint í mollin. Síðan er hitt fólkið spurt, sem líkar þessi stefna og er á staðnum, hvort þeim líki þessi stefna! Maður getur nú ímyndað sér svörin. Á að spyrja fólk á útihátíð hvort þeim líki útihátíðir?

Hverjir mæta? 

Miðbærinn er fullur af söddum farþegum lystiskipa í gluggainnkaupum í þrjá mánuði á ári, á meðan meðalmanninum er haldið frá því að skreppa niður í bæ, bara að gamni. Hann þarf að hafa einbeittan vilja til þess og nóg af tíma, sem fæstir hafa.

Stæðin burt 

Bílfjendastefnan heggur þó dýpst hjá stúdentum núna, þegar mörg hundruð einföld malar- bílastæði eru tekin í burtu í þarfleysi og stefnan er að rukka fjárvana fólk fyrir það að búa þar sem íbúðir eru ódýrastar, lengst í burtu.

Skipulagsleysi 

Aðalskipulag Reykjavíkurborgar liggur fyrir til samþykktar, en er yfirfullt að hörmungum eins og flugvallarleysi og bílaleysi, að fólk verður að berjast gegn því strax. Látum drauminn um skilvirkt, öruggt og þægilegt líf rætast, í stað þessarar skandinavísku- tilraunar martraðar.

Fjögur ár af tilraunastarfsemi á landsvísu var alltof langur tími. Stöðvum þessa „skemmtilegu“ vitleysu strax.


mbl.is Gengið um regnvotar sumargötur
Tilkynna um óviðeigandi tengingu við frétt

Óskýrir kostir í þjóðaratkvæði

Ja eda nei

Ef veiðigjaldafrumvarpið færi í þjóðaratkvæði yrðu kostirnir ansi óskýrir: annars vegar yrðu nær engin veiðigjöld kvótaárið 2013-2014 en hins vegar allt of há. Ómögulegt er að setja það í þjóðaratkvæði, þar sem niðurstaðan segði ekki neitt, vilji kjósandans kemur ekki endilega fram. Flestir vilja hófleg veiðigjöld, en Samfylkingin með dýra snilldarráðgjafann Árna Pál Árnason vill reyna að troða ósanngirni sinni áfram upp á fjöldann sem hafnaði henni og lausnum hennar.

Með því að stilla fólki upp við vegg núna, já eða nei við ofurálögum eða skattleysi, þá tækist vinstri leifunum að klúðra eðlilegri stjórnsýslu enn eina ferðina. Forsetinn þarf enn einu sinni að taka á vitleysu þeirra og snúa hana niður. Facebook- mennskan má ekki ráða lögum og lofum. 


mbl.is „Frjálst val“ forsetans
Tilkynna um óviðeigandi tengingu við frétt

Refir og mávar ráða ríkjum

Rebbi

Sunnudagsbíltúr um Suðurnes var skemmtilegur í rigningunni í fyrradag. Ég tók myndir af forvitnum ref nálægt Höfnum og tók eftir mávageri á tjörnum skagans en fáum ungum. Erfitt er að horfa upp á nær óheftan uppgang refs og máva á kostnað fjölbreytilegs lífríkis. Krían varði sig þó vel, þétt saman í hópum. 

Í Fljótavík á Hornströndum horfði ég eitt sinn á ref athafna sig í u.þ.bþ tíu mínútur, þar sem hann kembdi stærðar- svæði skipulega í leit að eggjum og ungum.

Við byggðina í Reykjarfirði nyrðri á Hornströndum var refurinn ágjarn, en fuglategundir komust upp í skjóli kríunnar og bóndinn vaktaði svæðið með riffli.

Í Skerjafirði horfi ég daglega á máva vakta unga æðarfuglsins, þar sem ekkert má útaf bregða. Þó er það barnaleikur á við mávagerið á tjörninni, sem óhindrað plagar alla aðra íbúa hennar í boði Jóns Gnarr.

Viðhöldum fjölbreytileika fuglalífsins á Íslandi og höldum ref og mávum á skefjum. 

Smellið þrisvar á mynd fyrir fulla upplausn. 

Refur fox Hafnir IP2013

Undið ofan af fyrri verkum

Hrefna Minke

Nú færir ráðherra mörk hrefnuveiða í Faxaflóa til fyrra horfs. En rækjuveiðibann Steingríms J. ætti líka að draga til baka ef vel á að vera. Það skiptir heilu byggðirnar máli og er byggt á afar hæpnum forsendum. Vonandi ber ráðherra gæfu til þess að leyfa rækjuveiðina strax, á meðan hægt er.

Hvar er hún? 

Aftur að hrefnunni á Faxaflóa, þá er erfitt fyrir okkur leikmenn að sjá hvað rétt er.  Hvalaskoðunar- bátarnir ættu ekki að þurfa að sigla alltof langt og hrefnuveiðimönnum er ekki vorkunn að sigla lengra þótt það þýði vaktafyrirkomulag og kostnað, en hrefnan verður þá náttúrulega að vera þar ytra, sem ekki er alveg ljóst. Varla þýðir að veiða hana þar sem hún er tæpast.

Komin í þorskinn? 

Svo er hitt, ef hrefnan er þegar búin að breyta mataræði sínu mikið yfir í þorsk og ýsu, er þá ekki varhugavert að friða hana á svæðum innan Faxaflóa? Einhverjir verða að halda henni í skefjum á svæðinu. Þá er þetta magnspurning.

Bönn Steingríms J. 

En allsherjarbönn Steingríms J., hvort sem það er í rækju eða hrefnu, eru til óþurftar og virðast gerð til þess að fóstra ákveðna hugmyndafræði en ekki að bregðast rétt við aðstæðum.


mbl.is Bannsvæði hvalveiða breytt
Tilkynna um óviðeigandi tengingu við frétt

Slegið á frest

Njoli Turid123

Sláttumaðurinn mikli, Jón Gnarr, stýrir þeim málum af sömu festu og fyrr, en nú er það rigning sem er nýja auma afsökunin fyrir illgresisborg Besta flokksins. Að vísu hélt ég að það rigndi jafn mikið á suma bletti og aðra, því að borgararnir slá bletti sína, en ekki borgin. Ég slæ raunar fyrir borgina meðfram sjávarstígnum heima síðustu árin, þar sem borgin hleypir því öllu upp í fífla og njóla og sést ekki í maí og júní þegar mest sprettur af stað. 

 er svo komið að illgresisplöntur jafnháar litlum börnum blómstra jafnvel á umferðareyjum við gangbrautarljós eins og á Suðurgötu við Hjarðarhaga, þar sem skert útsýni er orðið hættulegt. Sláttuorfin virka fullvel í rakanum, en borgin vill ekki beita unga fólkinu lengur í þessi störf á fullu.

Eflaust er verið að samræma atvinnuleysistölur ungs fólks við Evrópusambandið. Við verðum víst að aðlagast þeirra tölum og koma unga fólkinu upp fyrir 50% í atvinnuleysi!


mbl.is „Eins og ekkert hafi verið slegið“
Tilkynna um óviðeigandi tengingu við frétt

Höfundur

Ívar Pálsson
Ívar Pálsson

Viðskiptafræðingur með útflutningsfyrirtæki, en grúskar í flestu.

Innskráning

Ath. Vinsamlegast kveikið á Javascript til að hefja innskráningu.

Hafðu samband