Reiðhjólin til bjargar

Stormurinn gnauðar.  En í 101 Reykjavík hlýtur allt að vera í blóma, fólk ferðast á reiðhjólum innan þess svæðis (enda fór það seinast út af svæðinu í hitteðfyrra), athugar hvort fuglarnir á Hofsvallagötunni njóti nýja húsnæðisins, kíkir til hvers annars í ljóðalestur, en hefur samt eðlilegar áhyggjur af koltvísýringslosun í þessu veðri, enda er hún mest vatnsgufa. Þau fagna núna, því að staðfesta á skipulagsáætlun um að fækka bílum Reykvíkinga um tugi þúsunda og hægja á umferð þar sem hún er skilvirk. En einungis þannig tekst að kæla heiminn.

Nýja reiðhjólabjörgunarsveitin (sjá mynd) sannar gildi sitt svo um munar núna.

Vindhviður í 52 metra á sekúndu

Athugasemdir

[Hörður Halldórsson, 10.11.2013 kl. 17:27]

Hörðustu hjólagarpar láta ekki  þetta slydduhret stoppa sig . Sjálfur hjólaði ég töluvert í vinnuna í sumar og fram í október. Myndi nú ekki treysta mér í þetta  veður.

[Ásthildur Cesil Þórðardóttir, 10.11.2013 kl. 17:52]

Góður Ívar

[Ragnhildur Kolka, 10.11.2013 kl. 19:12]

Verst að reiðhjólasveitin hefur enn ekki uppgötvað vinnustaðinn Háskóli Íslands. Þar sést ekki eitt hjól í hjólagrindum en öll bílastæði og fótboltavellir eru full af koltvísýringslosandi bensínbullum. Þó hefur hjólastígur verið lagður eftir endilangri Sæmundargötu.

[Sæmundur G. Halldórsson , 10.11.2013 kl. 22:48]

Fyrir utan Hámu er reyndar kraðak af reiðhjólum flesta daga. Mættu þó vera fleiri. Auk þess taka mjög margir stúdentar strætó fyrir utan þá sem eru svo heppnir (eða forsjálir) að búa í göngufæri við skólann. Flæmi af gjaldfrjálsum bílastæðum á öllu háskólasvæðinu er hins vegar nokkuð sem hvergi sést í nánd við evrópska háskóla.

[Ívar Pálsson, 11.11.2013 kl. 00:17]

Háskólastúdentar létu Gnarr&Co ræna frá sér hundruðum bílastæða átölulítið fyrir tugmilljóna króna hjólastíginn. Síðan er næst á dagskránni að rukka stúdentana, sem þurfa margir eðlilega að aka langt til þess að komast heim í ódýrt húsnæði, ekki 101 Reykjavík þar sem kjallarahola kostar handlegg og fótlegg, eins og Kaninn segði.

Ekkert er sjálfsagðara en að laga til ónýttar lóðir með möl, svo að ekki sé níðst frekar á stúdentunum. Eða þá að rústa stígnum fína, svo að ekki þurfi að malbika í kring um Sæmund á Selnum!

[Ívar Pálsson, 11.11.2013 kl. 00:27]

Af hverju megum við ekki njóta þess að vera á Íslandi? Fá stæði við háskólann, fara í langa kröftuga sturtu, drekka hreint vatn, lenda aldrei í umferðartöfum, geta lagt bílnum nálægt staðnum sem farið er á osfrv.? Hví þarf maður endilega að taka á sig þær þrautir sem erlendur stórborgarbúi verður að lifa við? Íslendingar lifa af hérna uppi á klaka með því að láta sér líða vel án þess að níðast á öðrum.

Leyfum hvert öðru að ákveða fyrir sig hvort það vilji njóta öryggis og þæginda á bíl eður ei, en ákveðum ekki að bílum eigi að fækka, af því að einhverjum ídealistanum finnst að næsti maður eigi að fórna fjölskyldubílnum sínum, algerlega af ástæðulausu.

[Helga Kristjánsdóttir, 11.11.2013 kl. 15:15]

Hressandi dagur hjá mér,tippa á þína færslu af öllum eftir góðan nætur+dagsvefn. Hér í nágrynni við mig býr,, Jói á hjólinu,,blessaður kallinn,þurfti að leiða hjólið upp brekku,er þó einn mesti hjólagarpur. Ég held að hjólin fyrir utan Hámu eigi flestir þeir sem búa á ,Garði, það er nógu langt á milli húsa á þessu svæði. Ég næ í stæði bak við Aðalbygginguna ef ég gæti þess að vera vel fyrir 8,á morgnana,þar sem byggingarvinna skerðir þau enn meir.Næ að sitja yfir í jólaprófunum,kannski vorprófum,tíminn líður hratt.