13,7 milljónir á dag út buskann

Samfylkingin gróf okkur svo djúpan þróunaraðstoðar- pytt að jafnvel þessi ríkisstjórn leggur aðeins í að taka burt hækkun ósómans. Niðurstaðan er 5000 milljóna fjáraustur í glatað kerfi óskilvirkni og spillingar, eða 13,7 milljónir á dag sem fer mest í að fóstra kerfið sem haldið er úti til aðstoðar rammspilltustu hagkerfum veraldar og ofurlaunuðum skattlausum Íslandskrötum úti í heimi með þjón og kokk.

Langavitleysa 

Grunnskilyrði áframhalds þessarar lönguvitleysu ætti að vera það að sjá nákvæmlega hvernig þessum 5 milljörðum á ári er sóað. Mörgum þætti fróðlegt að lesa það, hvernig aurarnir sem áttu að hjálpa fátæka Afríkubúanum að fá vatn til sín í eyðimörkina (eins og það sé okkar verk), fara í raun að mestu í það að halda uppi ofurkrötum á skattfrjálsum milljónum á mánuði í dýrasta sendiráðahverfi borganna. Opin stjórnsýsla á að byrja á þessum lið, fyrst stjórnlaust flæðið heldur áfram, þrátt fyrir almennilega ríkisstjórn núna.

Illa farið með hliðvörðinn 

Síðan fær eini þingmaðurinn, sem tilbúin var að verja hag almennings í þessu máli, Vigdís Hauksdóttir, afar bágt fyrir hjá fólki. Svona lætur fólk þegar reynt er að passa upp á peningana þeirra, á meðan ljóst er að súperkratar eins og Össur dældu stöðugt peningum á bálið.

Samþykktu 5% viðbótarniðurskurð

Athugasemdir

[Baldinn, 12.12.2013 kl. 16:11]

Mikið svakalega ert þú lélegur.

[Ívar Pálsson, 12.12.2013 kl. 18:31]

Baldinn, er semsagt í lagi að viðhalda þessari blekkingu um aðstoð í stað þess að beita aðstoðinni beint hér í okkar hagkerfi?

[Baldinn, 12.12.2013 kl. 19:45]

Hvað hefur þú fyrir þér í því að þessir peningar fari ekki til bágstattra erlendis.  Síðan ert þú með skot á fólk sem eflaust er að vinna að heilindum.  Þú hlýtur að vita eitthvað sem við hin ekki vitum.  Öll þessi grein þín er full af dilgjum og þess vegna skrifaði ég áðan að þú værir lélegur.  Var ekki mælt að 90 % þjóðarinnar væri sátt við þessa aðstoð og þú og Vigdís eruð þá í þessum 10% minnihluta.

Eitt en að það var alþingi sem samþykkti þessa aðstoð og á síðasta kjörtímabili var samfylkinginn ekki í meirihlura á alþingi.  Þannig að eigna henni þetta einni er bara bull.

[Baldinn, 12.12.2013 kl. 19:50]

Það er eins og þið flokksbundnu séuð altaf að tala um fótbolta.  Þróttur er bestur eða eithhvað svoleiðis.  Greiddi ekki þitt fólk atkvæði með þessari aðstoð sem gerir þetta að enn meira bulli hjá þér og í raun að ómerkilegu dellu.

[Ívar Pálsson, 12.12.2013 kl. 22:55]

Margoft hef ég reynt að fá almennilegar úttektir á því hvert þessir blóðpeningar fara, en þær eru jafnan í skötulíki. Þó er þekkt að lítil prósenta upphæðanna endar beint hjá styrkþeganum vegna kostnaðar og spillingar á lokastað, um 8% var það í úttekt hjá Sameinuðu þjóðunum eitt sinn. En sjaldnast er nokkru bókhaldi skilað af viti. Fólkið vinnur af heilindum, en launin eru há, markmiðin óskilgreind og kostnaðurinn út úr kú.

Vigdís Hauksdóttir er ekki í mínum flokki, þannig að ég gef lítið fyrir liðskenninguna. Mér blöskrar varfærni flokksmanna minna í því að taka á þessum vandræðamálum, sem Samfylkingin setur jafnan á oddinn, ásamt hlýnun heimsins og öðrum „þjóðþrifamálum“.

Ég legg samt enn og einu sinni áherslu á það að frjáls samtök sem fólk styður eru ekki innan þessarar umfjöllunar, nema að tilvera þeirra byggist mestmegnis á ríkisstyrkjum, þá ætti að rannsaka starfsemina eins og hjá ríkinu.

[Baldinn, 13.12.2013 kl. 09:37]

Ívar.  það er marg búið að benda á það að þessir peningar skila sér bara vel i dag.  Það var fyrir 20 árum sem að þetta var vandamál.  Í dag erum við að reysa skóla, sjúkrahús og hjálpa þessu fólki að bora eftir vatni eða að kenna því að veiða fisk.  það er ekki verið að afhenda spilltum ríkisstjórnum þessa peninga.  Íslendingar sem vinna við þetta á staðnum eru ekkert á háum launum.  Þetta eru t.d. hjúkrunarfræðingar, smiðir og jú örugglega einhverjir yfirmenn.

Að kalla þetta vandræðamál finnst mér frekar lélegt og öfugmæli.  Að hjálpa þeim sem minna meiga sín finnst mér sjálfsagt.  Við erum rétt í hálfu % af þjóðartékjum.  Það sem mér finnst lélegt er að sækja ekki tékjur til þeirra sem hafa grætt því ástandi sem hér hefur skapast með falli krónunnar.  En það má að sjálfsögðu ekki minnast á það þó vitað sé að útgerðin hafi greitt kosninga baráttu þinna manna enda voru þeir fljótir að launa greiðann.

Að lokum þá kaupi ég ekki þetta svar að það hafi ekki verið hægt að rukka sérstaka veiðigjaldið, ef það voru vankantar að þá var bara að laga þá og pússa þetta aðeins til.

[Ívar Pálsson, 13.12.2013 kl. 13:41]

Baldinn, það er langt frá því að þessir peningar "skili sér bara vel í dag". Slíkt gæti átt við starfsemi eins og t.d. SOS- barnaþorp, en sannarlega ekki í Sóunaraðstoð Ríkisins. Peningurinn fer ekki óskertur til réttra aðila sem eiga að njóta hans. Ástandið í ríkjunum sem um ræðir er yfirleitt afar bágborið og ríkin eru með þeim spilltustu í heimi, þar sem ekkert fæst gert nema viðeigandi aðilar leggi blessun sína yfir það. Starfsmenn hafa staðfest þetta í blaðaviðtölum.

Kostnaðurinn við það að halda úti sérfræðingi héðan er verulegur, alltaf yfir 2 milljónir á mánuði, raunar vel betur en það þegar allt er tekið inn. Yfirkratinn Sighvatur Björgvinsson kostar örugglega um 40-45 milljónir á ári í úthaldi.

Hlálegt er að tala sínkt og heilagt um prósentu af þjóðartekjum, óháð því hvað hver þjóð skuldar eða hverjar aðstæður eru. Þessi pissukeppni pólítíkusanna í Brussel um það hver er flottastur á ekki að koma okkur við, sem erum að reyna að bjarga þessari þjóð frá alvöru hruni. Þetta eru lánspeningar sem gefnir eru út í óvisssuna, í stað þess að styrkja þá verst settu hér heimavið. Hinir sjö milljarðar manna verður ekki „hjálpað“ af viti af okkur 322.000 manns, amk. ekki á þennan hátt.

[Baldinn, 13.12.2013 kl. 14:43]

Jæja.  Ekki veit ég hvað Brussel kemur þessu við, þetta eru samþykktir Sameinuðu þjóðanna sem við höfum ekki enn uppfyllt og eigum enn langt í land.

Við skulum þá vera sammála um að vera ósammála.

Þér er greinlilega mjög illa við Samfylkinguna og þú virðist kenna henni um hluti sem Alþingi hefur samþykkt.  Ég reikna með að þetta sé út af Evrópusambandinu hjá þér og þar yrðum við örugglega ósammála lika.

Ég vil þó taka fram að ekki kaus ég þann flokk og hef fyrir löngu ákveðið að binda mig ekki við einn flokk í pólitíkinni.

 Það breytir þó ekki því að þú ert nokkuð kurteis og því ætla ég að enda þetta á að óska þér gleðilegra jóla.

[Ívar Pálsson, 13.12.2013 kl. 15:18]

Já, Baldinn: Samfylkingin og aðrir ESB- fylgjendur settu sér markmið að auka við þessa ánauð og Össur Skarphéðinsson var tilbúinn að sprengja stjórnina ef milljarðs- hækkun gegni ekki eftir. SÞ er síðan annar kokkteilista- bruðlpakki sem ræða má síðar.

Mér gengur það eitt til að minnka síauknar álögur á íslenska skattgreiðendur.

Þakka þér fyrir með kurteisina. Gleðileg jól sömuleiðis.