Ófagnaður í Skerjafjörð

Íbúar í Skerjafirði urðu varir við megna ólykt frá umhverfi dælustöðvarinnar síðustu tvær vikur, sem getur þá tengst spilliefnalosuninni í Kópavogi. Umræður um það áttu sér stað á Fésbókinni. En það vekur furðu að fyrri atvik, ss. í Grafarholti, hafi ekki orðið til þess að samræmd umhverfisvöktun eigi sér stöðugt stað hjá Orkuveitunni, með skynjurum og aðvörunum. Klóaki er dælt um alla borg á milli sveitarfélaga í hring og út á Faxaflóa, en virðist geta flætt yfir við dælustöðvar. Menn virðast benda hver á annan í hring og Orkuveitan lætur ekki vita af því þegar óhöpp virðast vera að eiga sér stað.

Umhverfis- og skipulagsráði Reykjavíkur er sýnilega mun meira umhugað um að loka flugvöllum, stífla umferð og láta okkur hjóla en að vakta umhverfið okkar og að lágmarka umhverfisslys.

Alvarlegt umhverfisslys

Athugasemdir

[Ómar Ragnarsson, 24.2.2015 kl. 11:51]

Hér í Grafafrvogi er þannig lykt í andrúmsloftinu í austanátt, að vinafólk utan af landi heldur fyrst að þetta komi upp úr sjónum en áttar sig síðan á því að þetta kemur frá virkjununum á Hellisheiði og við Nesjavelli. 

[Vilhjálmur Örn Vilhjálmsson, 25.2.2015 kl. 10:01]

Fýla alls staðar. Ég samhryggist ykkur. En Íslendingar eru að mínu mati bara svona lyktnæmir, því loftið er hreinna en víðast annars staðar og því finnur maður lykt af sérhverju prumpi á Íslandi. Í stórborgum heimsins og ESB blandast skítalyktin saman og menn venjast kokkteilnum, þótt oft fari sum fýla úr böndunum. Hellisheiðarfýla, fiskibræðsla, klóak, loðna. Allt eru þetta fýlur sem Íslendingar hafa lifað af við.

[Ívar Pálsson, 25.2.2015 kl. 11:02]

Fýlan er aðallega ábending um það sem er að, hún er ekki endilega aðalmálið. Öllu mikilvægara er að lífríkinu sé ekki spillt með efnum og offlæði klóaks.