Nauðsyn fjármögnuð með því að hætta við óþurftir

Heilbrigð skynsemi verður vonandi ofan á í borginni, eins og tillögur Sjálfstæðisflokksins um að fjármagna götuviðgerðir með því að hætta við þrengingu Grensássvegar, þar sem 13000 bílar á dag eiga að fara að standa hálfkyrrir eða þrengja að annarri umferð.

Halda mætti síðan áfram og hætta við  Hofsvallagötu- breytingarnar, sem sannarlega eru að komast á annað stig með einhverjar 300 milljónir í sóun, þar sem lokareikningur þess fer þá eflaust yfir 400 milljónir, með öllu sem áður gekk á og var tekið af að hluta aftur.

Dagur B., Hjálmar & Co verða að fara að standa ábyrgir fyrir afglöpum sínum. Fáum allar reiðhjólatölurnar fram og hvað var gert við bílaumferðina, nú þegar metsala er í bílum og metmánuðir umferðar detta inn.

Mikið tjón á gatnakerfinu

Athugasemdir

[Jóhann Elíasson, 26.2.2015 kl. 14:09]

Væri ekki einfaldast að sleppa þessari þrengingu og setja 160 milljónir í viðhald á gatnakerfinu?????

[Ívar Pálsson, 26.2.2015 kl. 14:46]

Jú, einmitt Jóhann, eins og tillagan gerir ráð fyrir.

[Kolbrún Hilmars, 26.2.2015 kl. 15:43]

Umferðaröryggið fer fyrir lítið þegar ökumaður þarf að einblína á götuna til þess að varast holurnar í stað þess að fylgjast með umhverfi sínu.  Af hverju ganga þessir spekingar ekki alla leið og hreinlega loka götunum í borginni fyrir bílaumferð?

[Ragnhildur Kolka, 26.2.2015 kl. 17:04]

Að aka um götur Reykjavíkur er farið að líkjast færð í arfaslæmri svigskíðabraut.

[Helga Kristjánsdóttir, 26.2.2015 kl. 23:28]

Einmitt,sonur minn lenti í einni skarpri,sem splundraði dekki og beyglaði felgu,fleiri fóru í þá sömu á eftir honum.Spurningu um skaðabætur var svarað þannig af tryggingarfélagi,að gatnagerðin verði að hafa vitað af holunni,svo hún væri bótaskyld.-Dæmigert!! En stráksi skrifaði lýsingu með nákæmri tímasetningu og sendi tryggingarfélaginu.Svo er bara að sjá til.