París: Hinir ríku borgi 35 ma.kr. á dag

Niðurstöður loftslagsráðstefnunnar í París eru þær, að ríku þjóðirnar borgi hinum fátækari andvirði 35 milljarða króna á dag, svo að hinar fátækari geti aðlagast loftslagsbreytingunum sem hinar ríku eiga að hafa valdið. Þegar listi þessara ríku greiðandi þjóða er skoðaður, þá sést að þar eru t.d. sömu Suður- Evrópuþjóðirnar og eiga í Evrukrísunni, en þeir fundir vegna hennar og féllu í skuggann eru einmitt álíka margir núna og loftslags- krísu fundirnir 21.

Milljarða út í loftið

Fjármögnun þessa milljarða út í loftið hlýtur að reynast þessum ríku hagvaxtarlausu þjóðum auðveld, eða hvað? T.d. greiði franskir þegnar vegna iðnbyltingarinnar 2700 milljónum Kínverja og Indverja stórfé til þess að hinir síðarnefndu nái að aðlagast fyrr og bæta sinn hagvöxt enn meir í kolabruna sínum, á meðan ESB dinglar um 0-1% hagvöxtinn sinn.

Ódýr orka

Nú fór olíutunnan niður fyrir 36 dollara, en hún náði 145 dollurum um hrunið. Engar hömlur eru á framleiðslu og líkur eru á álíka lágu orkuverði framundan. Þetta auðveldar hagvöxt flestra ríkja, nema þeirra sem takmarka kolvetnisbruna sinn. Nú þegar leiðtogar þjóðríka heims eru komnir heim til sín frá París, þá sjá þeir í þynnkunni að loforðin þeirra voru út í loftið og verða aldrei efnd, enda ber þeim að hugsa fyrst og fremst um öryggi og hag sinnar þjóðar, sem þau voru kosin til þess að stýra, ekki einhvers heims- kjaftaklúbbs fjörutíu þúsund manna.

 

Hvað felur Parísarsamkomulagið í sér?

Athugasemdir

[Halldór Jónsson, 13.12.2015 kl. 21:00]

Bravó Ívar, sannleikurinn hreinn og beinn.

Al Gore og gróðapungar hans eru þeir einu sem græða á þessu öllu saman.

[Jóhann Kristinsson, 13.12.2015 kl. 22:59]

The FAT CATS prevail, og skrílinn á staðnum dásamar gjörðinginn. Al Gore sást á sjónvarpsmynd af skrílnum þegar niðurstaða ráðstefnunar var opinberuð og þvílíkt bros hjá Al Gore, út undir eyru.

Al Gore verður sá einstaklingur sem kemur til með að græða mest á niðustöðu Parísar skatta og orkuskömtunar ráðstefnunar.

Kveðja frá Las Vegas

[Jón Valur Jensson, 14.12.2015 kl. 05:53]

Þú gerir þér væntanlega grein fyrir því, Ívar minn, hve mikil boðflenna og veizluspillir þú ert, mitt í þessum hátíðahöldum öllum! Hvernig dettur þér í hug að segja sannleikann þegar menn eru almennt svona meyrir og viðkvæmir? (ja, nema við Halldór og Jóhann og svo auðvitað hann dr. Hannes H.G.).

Og þvílíkt hvað hún Sigríður Á. Andersen afhjúpaði okkar eigin ráðamenn í þessu máli (og nú endurbirti ég eldra innlegg mitt annars staðar):

Glæsileg er greinin sem Sigríður Ásthildur Andersen ritaði í Fréttablaðið við upphaf loftslagsráðstefnunnar í París.* Góðan hefur hún ráðgjafann sérfróðan sér við hlið, eiginmann sinn Glúm Jón Björnsson efnafræðing. Sigríður tekur umhverfisráðherrann og meinta stefnu okkar Íslendinga í  þessum málum gjörsamlega á beinið og í bakaríið, þar sem ráðuneytismenn létu sér detta í hug það barnalega blöff að segja losun frá framræstu landi hérlendis vera NÚLL, ekki neina! Og er hún þó 72% af heildarlosun gróðurhúsalofttegunda hér á landi !!! 

 

Aldrei hef ég vitað aðra eins bjálfalega erindisleysu eins og þá sem þessi 40 manna hálauna-sendinefnd fór í til Parísar, með sínar upplognu forsendur til að geta haldið áfram að herja á þegar ofskattaða bíleigendur með meiri sköttum! Er þó hlutur fólksbíla í heildarlosun gróðurhúsalofttegunda hérlendis ekki nema tæp 4% --  innan við 1/18 af því sem framræsla votlendis hefur í för með sér á hverju ári sem líður án aðgerða!  

 

Og gaman er að skoti Sigríðar á þennan ofvaxna, dýrkeypta dagpeninga-eyðsluhóp, eftir að hún hafði skýrt vísindalega það sem bjó á bak við þessi 72% : "Hér er því um að ræða beina losun gróðurhúsalofttegunda, rétt eins og þegar steinolíu er brennt í þotu með gesti á leið á loftslagsráðstefnu" !

 

* http://www.visir.is/myrarljos-i-loftslagsmalum-/article/2015151209998

[Ívar Pálsson, 14.12.2015 kl. 07:51]

Já, þeir eru margir sem nýta sér þessa nýju féþúfu pólitíkusanna og þar er Al gore einna fremstur. Sammála ykkur, Halldór og Jóhann.

Takk Jón Valur, fyrir upplýsingarnar og greinina. Sigríður Andersen stendur sig vel í þessu eins og fleiri bardögum útvarða frelsisins, en þeir eru fáir orðnir. Það er heilmikil vinna að uppfræða nýja kynslóð sem hefur fengið alls kyns fals- upplýsingum stappað í sig eins og hún væri gæs í Frakklandi.

[Jón Valur Jensson, 16.12.2015 kl. 17:42]

Góð samlíking, Ívar!

Haltu áfram uppi merkinu. :)