Utanríkisráðherra taki eftir

Það er gleðiefni að fjárfesting í vinnslu á uppsjávarfiski eigi sér stað, þrátt fyrir stuðning utanríkisráðherra við viðskiptabann á Rússland, sem hefur þyngt róðurinn í þeim geira verulega. Vinnslustöðin í Vestmannaeyjum hlýtur því að vænta þess að ráðherrann beygi af í sínum rándýru prinsippum til stuðnings ESB- Úkraínu og dragi stuðninginn við viðskiptahindranir ESB til baka. En hann hefur náttúrulega allt 10% fylgi síns Framsóknarflokks að verja! Hvar væri fylgið ef ekki væri stuðningurinn við ESB- viðskiptahindranir?

Flokkur sem telur sig til landsbyggðarinnar getur ekki haldið þessu áfram, að veikja undirstöður byggðanna með barnslegri þvermóðsku í pólitík. Eða jú, gerið það bara og sjáum hvort Sjálfstæðisflokkurinn taki þá ekki af skarið og hætti þessum stuðningi við viðskiptahindranir svo að bisniss og byggðirnar megi blómgast í friði.

 

 

Ný fiskvinnsla í Eyjum

Athugasemdir

[Jón Valur Jensson, 8.2.2016 kl. 12:20]

Þakka þér sífellda varðstöðu þína um hagsmuni Íslands, Ívar, og góðar ábendingar þínar hér um fylgistap Framsóknarflokksins. Ef Gunnar Bragi, Sigurður Ingi og Sigmundur Davíð stæðu sig eins vel í þessu máli og Ólafur Jóhannesson heitinn forsætisráðherra í landhelgisstríðinu 1972-3, þá er ekki að efa, að hrifningarbylgja færi um landið og fylgistölur Framsóknarflokksins myndu rjúka upp á kostnað hinna flokkanna sem óvirða gersamlega þjóðarhagsmuni í þessu utanríkis- og viðskiptamáli.

[Ívar Pálsson, 8.2.2016 kl. 14:06]

Takk Jón Valur. Það er furða hve fólk tekur þessu þegjandi upp til hópa, að 10-20 milljarðar króna séu teknir af þjóðarframleiðslu árlega til þess að svala pólitísku framapoti nokkurra manneskja með inngripi í innanríkismál þjóða sem eru ekki í NATÓ. Hvernig heldur fólk að hægt sé að stunda útflutning undir slíku Demóklesar- sverði sem pólitíkin er hverju sinni? Gersamlega ómögulegt. Síðan bætist við tapið langt uppyggingarstarf við útflutning til jaðarlýðveldanna við Rússland (ex-Sovét), en þau spyrðast með í fallinu vegna þessa ESB- ályktana.

[Jón Valur Jensson, 8.2.2016 kl. 15:18]

Vel athugað, Ívar, og vel að orði komizt.