D stærstur á öllu SV-horninu

Sjálfstæðisflokkurinn fékk flest atkvæði flokka í þessum kosningum, á öllu SV- horni landsins til Fljótsdals og Borgarbyggðar. Skilaboð kjósenda eru skýr: stefnan er farsæl og fólkið er traustverðugt. 

 

Skýrt umboð

Niðurstaðan í Reykjavík er skýrt umboð Eyþórs Arnalds til þess að leiða þarfar breytingar, þar sem miðbæjarpólitík Samfylkingarinnar hefur loks runnið sitt skeið. Hverfin ættu öll að byggjast upp og samvinna sveitarfélaga á öllu svæðinu að batna. 

Ef Samfylkingunni tekst samt sem áður að hóa saman vinstri köttum í Reykjavík til þess að halda áfram á ógæfubraut í fjögur ár, þá er það ekki vegna vilja fólksins.

Sjálfstæðisflokkurinn stærstur

Athugasemdir

[Birgir Örn Guðjónsson, 27.5.2018 kl. 10:21]

Auðvitað á núverandi Borgarstjórn að fara frá.

DBE sagði kosningarnar væru um m.a Borgarlínuna, sem nú er búið að kjósa burt!

Auðvitað reynir hann að veiða einhverja inn með sér og býður stóla og málefni sem mútur. Það er bara hans aðferð.

En hans stefna var felld í þessum kosningum og hann á að leyfa öðrum að komast af.

[Bjarni Jónsson, 27.5.2018 kl. 13:54]

Það er með endemum ólýðræðislegt, að því skuli nú gerðir skórnir, eftir afhroð gamla meirihlutans í Reykjavík (38 %), að sett skuli varadekk undir hann, svo að hann geti haldið áfram, eins og ekkert hafi í skorizt.  Þeir, sem halda því fram, gefa lýðræðinu langt nef og sýna þannig hug sinn til kjósenda.  

Einkenni á þessum kosningum voru mörg framboð.  Það hlaut að koma sums staðar niður á stærsta flokkinum, en hann heldur samt stöðu sinni um landið í heild með traustum hætti.  Víðast er "eðlileg" skýring á því, að hann dalar, t.d. í Reykjanesbæ, en í þeim fallega bæ, höfuðstað Norðurlands, er kominn tími fyrir flokkinn að blása til stórsóknar.