Eini möguleikinn til breytinga

Niðurstaða borgarstjórnar- kosninganna er skýr: borgaralegir flokkar myndu taka til í borginni, en aðeins einn möguleiki er til þess, með Sjálfstæðisflokki(XD), Framsókn, Viðreisn og Flokki fólksins, 6+4+1+1= 12 borgarfulltrúar. Annað er vinstri sinnað fólk sem útilokar samstarf við XD, eða yrði ómögulegt í því samstarfi. Viðreisn og Flokkur fóksins er með pálmann (í Vogum?) í höndunum, í oddaaðstöðu um borgarstjórnarmyndun. Því mun Hildur Björnsdóttir ganga á eftir þeim með grasið í skónum, þrátt fyrir að hún segi "alls konar möguleika á teikniborðinu". Ekki eru þeir möguleikar sýnilegir eða fýsilegir.

Borgarlínan frestast eða útvatnast líklega með ofangreindri borgarstjórn. Enn meiri fjáraustur færi í Strætó- hítina miklu, en kannski tækist þannig að bjarga götunum og að fá Sundabraut fljótar inn. Viðreisn er vonandi öðruvísi í borginni en í þjóðmálum, þar sem gengið var óvænt úr stjórn eitt kvöldið og stjórnin sprengd án viðvörunar. Þessi borgastjórn gæti því stöðugt tiplað um á jarðsprengjusvæði duttlunganna.

En sjáum til, hér er von.

 

Hildur segir forgangsmál að komast í meirihluta

Athugasemdir

[Jónatan Karlsson, 15.5.2022 kl. 15:37]

Hábölvað að Miðflokkur náði ekki manni inn, til að þurfa ekki að púkka upp á varhugaverða Viðreisn

[Ívar Pálsson, 15.5.2022 kl. 15:51]

Vissulega, Jónatan. Það er bara ekki í tísku að tala skýrt og ákveðið gegn loforðaflaumnum.

[Helga Kristjánsdóttir, 15.5.2022 kl. 17:26]

Þessi var góður! Ætlaði að segja það sama og Jónatan; Sigmundur er ekta Íslendingur með afburða kosti og vel gerður.

[Ívar Pálsson, 15.5.2022 kl. 18:53]

Eg átti við að Miðflokkur stóð sig vel að tala skýrt og afgerandi gegn loforðaflaumi meirihlutans, en það virðist ekki vera í tísku.

[Helga Kristjánsdóttir, 15.5.2022 kl. 23:12]

Já "skil fyrr en skellur í tönnum" Varð að skrifa máltækið fyrst það datt út úr mér þrátt fyrir að eiga ekki við.

[Ragnhildur Kolka, 16.5.2022 kl. 08:31]

Þetta sem þú leggur til er eina mynstrið sem ég sé ganga upp fyrir Sjálfstæðisflokkinn. Piratar og sósíalistar hafa útilokað samstarf við xD og Líf vill taka sér frí fra meirihlutasetu til að geta rifið dálítið kjaft. Kolbrún er ágæt og hún mun fylgja sínum málum eftir. Þórdis Lóa ýfdði engar øldur í síðasta meirihluta og engin ástæða til að hún fari að taka uppá því núna. 

[Grímur Kjartansson, 16.5.2022 kl. 16:46]

Hvað með bara 3 flokka með 63% atkvæða bak við sig og láta bara  örflokkana eiga sig

[Helga Kristjánsdóttir, 17.5.2022 kl. 02:34]

Það munar um Vigdísi Hauks hvað Miðflokkinn varðar.