Hvalkjöts- sushi er best

Japanskir kokkar geta látið túnfisk og dádýr í friði, því að langbesta hráefnið er auðfengið, hvalkjöt af háum bragðgæðum og Omega3 að auki. Það hefur verið vinsælt sem sashimi á veitingastöðum hér í áratugi. Það slær þrífrosnum reyktum túnfiski auðveldlega við, en hvalina má víst ekki veiða af því að þeir eru svo greind spendýr og verða að fá að fjölga sér til þess að éta okkur örugglega út á gaddinn.

Annars fundum við sem stóðum að sushi verksmiðjunni á Ísafirði upp alls kyns sushi fyrir þýska og breska markaði, m.a. reykta ýsu- sushi (reykt á Hnífsdal) sem kom mjög vel út á þýska markaðnum (yfir 2000 súpermarkaðir), einnig hráa ofurferska ýsan, sem kom á óvart vegna sætleika. Það undarlegasta var að majones í rúllunum varð vinsælt!

Japanskir kokkar fara á taugum vegna túnfisks

Athugasemdir

[Gunnar Þórðarson, 26.6.2007 kl. 13:16]

Öll hysterían með hvalina er vegna þess hversu notaleg dýr þeir eru. Hljóðlausir og hafa ekki klær. Sakleysið uppmálað og henta því vel sem gæludýr fyrir börn. 

Við þurfum að gefa út bókina um selinn Snorra aftur. Þar var hvalurinn illyrmi hið versta, með stórar vígtennur og reyndi ítrekað að éta Snorra. Það var svo rostungurinn, Sam frændi, sem að lokum drap hvalinn.

Ég tek undir þetta með hvala-sashimi og bragðgæði þess. Hrefnukjöt upp úr soya sósu er engu líkt.  

[Steingrímur Helgason, 28.6.2007 kl. 00:31]

Dobla & redobla, smáhveli í soja er herramannsmatur.

S.