ESB- sigur? Tæpast

Úrslit kosninganna láta mann velta fyrir sér hve ESB stuðningur á þingi sé mikill (sjá töflu), því að ESB- aðildarviðræður skila ekki árangri nema að íslenski samningsaðilinn sé með fullt umboð og sterkt bakland í samningunum. Þessar tölur hnikast varla til nema um 2-3 útreiknaða ESB- stuðningsþingmenn, eða hvað?

Evrópusambandið vill ekki enn eina Noregs- meðferð, að standa í samningaharki árum saman og vera svo hafnað tvisvar í þjóðaratkvæðagreiðslu. Samningamaður Tékklands við inngöngu þess inn í ESB lýsti því á fundi í Alþjóðastofnun H.Í. fyrir skemmstu. Rétt rúmur helmingur fulltrúa þjóðar telst tæpast

nægjanlegur stuðningur við aðildarumsókn, sem hlýtur að þurfa aukinn meirihluta (2/3) til slíkra breytinga eins og á samþykktum í hlutafélagi.

All- líklegar ESB- aðildarviðræður í óþökk annars líklega stjórnarflokksins, Vinstri Grænna, komast því eflaust á dagskrá ríkisstjórnar eins og umsókn Samfylkingar gerði um fulltrúa okkar í Öryggisráð S.Þ. , en í þetta sinn með mun meiri kostnað og tíma algerlega til einskis, eins og hitt hafi ekki verið nóg.

Á meðan sitja alvörumálin á hakanum, Samfylking samþykkir skuldir bankanna fyrir okkur áfram eins og þær séu okkar þannig að samningsstaða ríkisins er vonlaus. Það verður arfleifð Samfylkingarinnar.

 

 

27 nýir þingmenn

Athugasemdir

[Valsól (IP-tala skráð) 12.5.2009 kl. 13:15]

Þú segir ,,Á meðan sitja alvörumálin á hakanum". Þú villt meina að ef við sækjum um aðild að ESB, þá muni öll önnur mál sitja á hakanum, bíddu, hefur það alltaf verið þannig að það er bara hægt að vinna eitt mál í einu? Voðalegt bull er þetta, heldur þú að ef ríkið eigi í samningum við b að þá verði það að leggja niður alla vinnu við a á meðan? Læt þér eftir að vinna úr smjörklýpu þinni.

[Geir Ágústsson, 14.5.2009 kl. 18:33]

Stjórn sem meðhöndlar stjórnarskránna eins og klósettpappír til að þurrka Davíð út er varla líklegur kandídat í "sanngirni" og "almenn viðmið" eða neitt af því tagi.