Svandís komin með ABS- bremsur

Svandís Svavarsdóttir bremsuráðherra heldur heilu sveitarfélögunum áfram í heljargreip sinni, núna af því að það „...gæti verið gott að fá leiðsögn dómstóla“. Á meðan líða mánuðir og ár af þessum tilbúnu „Svandísartöfum“ sem kalla má, en það eru vísvitandi drættir á framgangi sjálfsagðra framfaramála í virkjunum til góðra verka, á meðan ríkið og fólkið í landinu er á barmi gjaldþrots.

Fádæma óbilgirni í garð þjóðar

Fádæma óbilgirni Svandísar í þessum málum á versta tíma er lýsandi fyrir þær villigötur sem hún og flest flokkssystkini hennar feta nú.  Hún ætti að ræða við fólkið á Austurvelli og í sveitum landsins og sjá villu síns vegar. Þá sæi hún kannski sóma sinn í því að leyfa virkjun á þeim milljónum tonna af bráðnuðum jöklum sem renna til sjávar á meðan hún misnotar ráðherravald sitt til þess að standa í málarekstri við sveitarfélag um það hvort að við eða einkaaðilar mættum borga rannsóknarreikninginn!

Allur eplakassinn

Í Danmörku var eitt sinn svona umhverfisráðherra. Hún var loks látin fara eftir ómælt tjón. Í kjölfarið var starfssvið ráðuneytisins þrengt verulega, því að einn svona mistækur umhverfisráðherra nær ella að skemma allan eplakassann.

Svandís áfrýjar dómi

Athugasemdir

[Höfundur ókunnur, 6.10.2010 kl. 00:42]

Þetta er ótrúlegt. Við erum að tala um íslandsmet; þessi feðgin eru óborganleg.

[Magnús Ágústsson, 6.10.2010 kl. 04:42]

Bjarnfreðarson hafði réttt fyrir sérhann mælti svo

" svona menn eins og þig ætti hreinlega að vana svo þú getir leikið þér í ástarleikum en værir ófær um að geta þér afkvæmi því það verður aldrey betra en fyrirmyndin"

[Hrólfur Þ Hraundal, 6.10.2010 kl. 09:07]

Já Hr. Ókunnur, hún er nú skárri útlits en karlsauðurinn en það sannar bara að oft er flagð unir fögru skinni.  En þrátt fyrir norðan og austan áttir þá læðist bremsufnikurinn allaleið hingað norður á Snæfellsnes.

[Andrés Kristjánsson, 6.10.2010 kl. 15:25]

Menn semsagt misstu sem sagt af því þegar forstjóri landsvirkjunar sagðist ekki geta hafið neinar framkvæmdir vegna fjárskorts?

Hinsvegar verður að taka sjálfræði í svona stórum skipulagsmálum frá breyskum sveitarfélögum þar sem auðvelt er fyrir hagsmunaaðila að greiða þeim mútur fyrir þeirra mat.

Ef ykkur er svona annt um illa arðbær og 100% skuldsett verkefni til að kynda upp tímabundinn hagvöxt sem endar í samdráttarskeiði þá verði þið að borga Icesafe.  Fjármálaheimurinn hefur sagt til skýrt um það.

Fjármögnun drengir er töfraorðið. 

Ekki einusinni gjöf Sjálfstæðismanna, Framsóknar og Samfylkingar á HS orku til að gangsetja andvana álverkefni leðurhausa í Reykjanesbæ hjálpaði því Magma vill ekki selja álverum orkuna.

Þið ættuð að líta ykkur nær.

[Adda Þorbjörg Sigurjónsdóttir, 6.10.2010 kl. 16:52]

Andrés fyrirgefðu, við gleymdum að ástæða þess að hundruði heimila á Reykjanesi eru að fara undir hamarinn er að Suðurnesjamenn ´"þjáist af frekju" samkvæmt Svandísi og að ráðið til okkar sé að reka bæjarstjórann. Auðvitað erum við afskaplega þakklát fólki eins og Svandísi og ykkur í VG fyrir að sjá fótum okkar forráð og koma í veg fyrir lagningu suðvesturlínu, tefja deiliskipulag í Þjórsá, hindra rannsóknarboranir HS Orku og bera fyrir sig skort á deiliskipulagi frá Grindavíkurkaupstað þrátt fyrir að hvergi í lögum sé farið fram á það, hindra friðarflugflota ECA, níðast opinberlega á Magma fjárfesti sem vildi koma hingað svo að aðrir laðist frekar að, ofsækja bæjarstjórann, draga lappirnar varðandi samþykktir á gagnveri því einn eigandinn óvinsæll, og svo hindra gagnaver því vilja Ísland ekki samkeppnisfært í virðisauka, hindra einkasjúkrahús, neita að leigja út skurðstofur sem búið er að loka eða nýta mannauð í heilbrigðisþjónustu til nýsköpunar og gjaldeyrisskapandi verkefna og svo mætti lengi telja. Hvar værum við ef ykkur nyti ekki við til að hindra hagvöxt og sjálfsbjargarviðleitni?

Nei það hlýtur að vera rétt hjá ykkur, lausnin er bara að reka bæjarstjórann og kjósa VG.

[Ívar Pálsson, 6.10.2010 kl. 22:21]

Adda Þorbjörg, kærar þakkir fyrir brot af syndalista Svandísar/VG. Nöturlegur sannleikur.

Andrés, þú fellur semsagt fyrir blekkingunni um skort á fjármögnunaraðilum. Ef sá skortur er fyrir hendi, þá kemur hann til af því að ráðandi aðilum er ekki treyst; pólítísk áhætta er of mikil. Mat á langtímafjárfestingum sýnir kannski að allt sé í plús þar til komið er að vinstri stjórninni og sérstaklega Svandísi Svavarsdóttur: Enginn heilvita fjárfestir kemur nálægt svona aðilum sem geta hvenær sem er bremsað umsamda framkvæmd af eða tekið Hugo Chavez á þetta.

Listi Öddu Þorbjargar segir væntanlegum fjárfestum þetta allt, stórum stöfum, sprayjað á vegginn: "EKKI FJÁRFESTA HÉR!"

Það morar allt í arðbærum virkjanakostum hér. Ein virkjun sem Svandís bremsar af kostar 15 milljarða en myndi þéna 2,5 ma. á ári við framleiðslu hreinnar orku sinnar. Nei, það ber að stöðva (skv. Svandísi) og við björgum heiminum með því að hjóla í vinnuna og "Keep the Ice in Iceland"!

[Sigmundur H Friðþjófsson, 6.10.2010 kl. 22:42]

Sæll Ívar

Évil þakka þér fyrir góðan pistil.

Ég varð þess heiðurs aðnjótandi að vinna með 

eldhörðum kommúnistum á mínum unglingsárum.

Þeir áttu það sammerkt að líta á atvinnurekendur

sem glæpamenn.Það hefur ekkert breist,Svavar

og Svandís líta á vinnuveitendur sem glæpamenn

og vildu helst hafa þetta eins og á Kúpu þar sem 80 prósent vinnuafls eru opinberir starfsmenn.Öll orka sem fyrirhugað er að virkja

á að fara til einkaaðila,svo að ákvörðun hennar kemur ekki á óvart.Betra er að hafa engin störf

heldur en störf í einkageiranum.

kveðja  Sigmundur F

[Geir Ágústsson, 7.10.2010 kl. 21:42]

Að Svandís sé kölluð "bremsuráðherra" segir miklu meira en mörg orð og fangar kjarna málsins svo afskaplega vel.

Mér sýnist á ath.semd Andrésar að allt tal um "íbúðalýðræði" og "nærstjórn" og "valdið nær fólkinu" falli um sjálft sig um leið og sama "lýðræði" tekur ákvarðanir sem er forráðamönnum Sovét-Íslands í Reykjavík ekki að skapi. 

Lýðræðisástin virðist vera minnst meðal þeirra sem tala hæst um hana [#].