Fullreyndar samningaleiðir

Stundum er ekki hægt að vinna í sátt með málin. Fullreynt er hjá Hönnu Birnu, faglegri sáttamanneskju Íslands nr. 1, að hjálpa þessum bráðfyndna brandarahópi að reka höfuðborgina með sæmd. Borgarkerfið getur tekið ýmsum áföllum, en ekki Gnarr &Co sem leiddir eru af Samfylkingu fram af björgum.

Óhamingju Íslands verður allt að vopni, með þetta fólk yfir borginni. Nóg er með ríksstjórnina svokölluðu. Hvað þarf til þess að koma þessu gengi frá þannig að fólk njóti eðlilegs lífs?

Hættir sem forseti borgarstjórnar

Athugasemdir

[Jón Steinar Ragnarsson, 21.4.2011 kl. 03:30]

Má vel vera að fumið og fátið sé mikið og ekki eru andstæingar neitt að gera þeim lífið bærilegra. Fjórflokkuahugsunin og fjölmiðlar þeirra hafa heldur ekki legið að á liði sínu með að spinna hið minnsta viðvik út úr öllum hlutföllum. Ég myndi nú heldur hnýta í þá saðreynd að undir niðri vomir Samfylkingin og lætur lítið á sér bera opinberlega, þótt hún sé jú í fararbroddi þarna að mínu mati.

Talandi um ósttjórn á borginni, þá skulum við nú flögra með hugann aftur til svona 2004 til 2007-8,  þar sem stjórnarskiptu og hallarbyltingar voru í fréttum og fólk vissi ekki í raun hvort einhver ákveðinn væri við stórn. Það var í þá tíð þegar græðgisöflin slógust bloðugt um sameignir borgarbúa og ránræðið réði. Ætli við séum ekki í þessari stöðu þess vegna en ekki vegna Jón Gnarrs og Besta. Skilgetið afkvæmi þessarar óstjórnar og kleptókrasíu er einmitt orkuveitan. Kompaní, sem á ekki að vera hægt að setja á hausinn.

Heldur vil ég hafa Jón Gnarr í fremstu línu heldur en að höndlað sé með borgina í cloak and dagger stíl í reykfylltum herbergjum eins og áður.

Ég er ekki búinn að gleyma Ívar.

[Ívar Pálsson, 21.4.2011 kl. 16:04]

Jón Steinar, ekki bið ég þig að gleyma, heldur að muna líka eftir því sem vel var gert: Í stuttri borgarstjóratíð Hönnu Birnu þá virkjaði hún fólk í borgarkerfinu í öllum flokkum til þess að spara og skera niður án þess að ganga í skrokk á þjónustunni. Þetta var heilmikil vinna en skilaði sér í skilvirkara borgarkerfi.

Síðan mætir Gnarr-fíll í allan Bing&Gröndalinn og fær Samfylkingar- flóðhestana með sér í skoðunartúr í kristalsbúðina. Niðurstaðan er skelfileg, spurðu hvern sem er ofarlega í borgarkerfinu.

Orkuveitan er sérstök sería þar sem Framsóknar- Alfreð stýrði öllu fyrst til andskotans með R- listanum í öllu sínu Línu- net og heitsjávarrækjurugli. Þeir sem á eftir komu tóku við þessu myljandi tekjudæmi en síaukinni skuldasöfnun og allir létu blindast í REI- ævintýramennskunni sem við förum ekki út í hér.

Jón Steinar, þú verður að kannast við það að  það er ekki í lagi að setja brandara- leiksopp sem skipstjóra á risatogarann RE-001. Það er ekki til heil brú í því sem hann gerir. Maður hélt að Ólafur F. Magnússon hefði toppað fáránleikann, en bíddu við, lengi er von á einum!

Spáðu aðeins í hvað borgarkerfið er. Fólk sameinast um að borga útsvar til þess að einn aðili sjái um þessi sameiginlegu mál (ekki ríkis-) svo að allt gangi smurt. Síðan er fíflast með þessa milljarðatugi á "skemmtilegan" hátt eftir rugl- kosningar þannig að lítilmagninn þjáist.

Skynsamt fólk eins og Hanna Birna getur ekki stutt svona vitleysu til lengdar, sama í hvaða flokki það stendur.