ESB- aðlögun verði hætt

Ef Sjálfstæðisflokkur kemst til valda mun ESB- aðlögun verða hætt. Landsfundur staðfesti loksins í dag ályktun um að ESB- „viðræðum“ skuli hætt. Væntanlegir kjósendur vita nú hvaða flokkur lýkur þessu aðlögunar-helsi sem vinstri stjórnin setti þjóðina í. Þá frelsast ráðuneytin, stjórnin og atvinnulífið til góðra verka þegar ný stjórn tekur við.

Á myndinni hér til hliðar (Stöð2) leggur Davíð Oddson baráttunni lið eins og endranær.  Höfundur er þar fyrir framan, til hægri á myndinni, spenntur að sjá hver niðurstaðan verði. Góður dagur.

Aðildarviðræðunum skuli hætt

Athugasemdir

[Helga Kristjánsdóttir, 24.2.2013 kl. 00:49]

Fólk sem ég keyri jafnan á kjörstað síðan kreppan skall á,heldur að ég viti allt og spyr nú hvað þau eigi að kjósa,það fer að vera auðvelt.

[Jón Ingi Cæsarsson, 24.2.2013 kl. 00:57]

Eins og Sjálfstæðisflokkurinn hafi misst af þeirri staðreynd að Ísland hefur verið aðili að EES í tvo áratugi og tekið upp lang flestar reglur og lagasetningar ESB...en svona getur sambandsleysið verið stundum.

[Helga Kristjánsdóttir, 24.2.2013 kl. 01:47]

Greinilega að fyrrum tapari um formannskosningu í Sjálfstæðisflokknum, Þorsteinn Pálsson,kýs að halla réttu máli,er hann heldur áfram að tönglast á að Ísland hafi tekið upp nær alla lögjöf Esb. Heldur hann að þetta dugi lengur,hann veit sjálfur að þetta er ekki rétt. Heildar löggjöf Esb telur im 100,000 lagagerðir,hér á landi eru í gildi 5000,- lög og reglur. Þótt öll löggjöf í gildi á Islandi kæmu frá sambandinu (stendur ekki til) væri það samt aðeins dropi í haf allrar löggjafar þess. Þótt fjöldi lagagerða segi ekki alla söguna,þar sem vægi einstakra gerða eru mismunandi.-- Sama hvernig því er snúið,þá er niðurstaðan ekki að Ísland sé þegar aðili að nær allri löggjöf esb.

[Samstaða þjóðar, 24.2.2013 kl. 16:13]

Þar sem Ísland er loks tilbúið að hætta við ESB-umsóknina, er rétt að taka fyrir nærsta verkefni. Það er úrsögn úr Evrópska efnahagssvæðinu. Fyrir úrsögn eru mörg veigamikil rök og hægt er að lesa um nokkur þeirra hér: http://samstada-thjodar.blog.is/blog/samstada-thjodar/entry/1207581/ Loftur Altice Þorsteinsson.

[Jón Steinar Ragnarsson, 24.2.2013 kl. 20:50]

Þetta dugir ekki til Ívar. Þið þurftuð að skipta um formann. Hann stendur eins og múr milli kjósenda og flokksins. Svo er svona þvaður sem hrærir saman trúmálum og pólitík vænlegt til að sjá um að fæla restina frá. Flokkurinn er ósannfærandi og ósveigjanlegur steingervingur, sem þarf ekki minna en byltingu til að aðrir en trénuð gamalmenni kjósi hann. Í mínum augum er hann hann raunar alger brandari. Svo tengslalaus er hann við samtímann og tíðarandann.

Ég vænti þess að þú sért í afneitun á þetta og því er ekkert annað eftir en bíða og sjá hvernig honum reiðir af.

Máske nær hann atkvæðafjölda til að geta myndað stjórn, en hugleiddu með hverjum það yrði. Framsókn? Samfylkingu? Maður getur ekki einunsinni hugsað þá hugsun til enda.

Að vísu rýrir þessi ályktun líkur á raunhæfu sambandi við kratahelvítin, ekki nema að flokkurinn verði ígildi VG í pólitísku hóreríi og vanefndum. Semsagt fjögurra ára stjórnarkreppu á kostnað fólksins.

Hafið þið hugleitt þetta? Whats it gonna be?

[Jón Steinar Ragnarsson, 24.2.2013 kl. 20:55]

Þökk sé ykkur þá horfir nú fram til stjórnarsamstarfs samfylkingarinnar með sjálfri sér þ.e. öllum þeim ótal klónum, sem hún hefur skipt ser í. Ykkur hefði betur farið að girða ykkur í brók.

[Ívar Pálsson, 24.2.2013 kl. 21:13]

Mýtan um að Ísland hafi tekið inn mest af ESB- lagabálkum í gegn um EES- samninginn er ótrúlega lífsseig, þrátt fyrir að sannleikurinn liggi ljós fyrir, jafnvel frá ESB sjálfu, sem upplýsir að EES-samningurinn er ekki grunnur aðildar, heldur byrjar þjóð ferlið allt frá grunni, enda gegni annars ekki upp að semja við 27 þjóðir.

Vinstri stjórnin hefur samþykkt ótrúlegt magn af ESB- þvælu inn sem engum datt í hug að samþykkja áður, þrátt fyrir langa tilveru EES- samningsins. Samt sem áður eru himinháir staflar þarflausra reglugerða ESB enn óstaðfestir á Íslandi og verða það sannarlega áfram ef Sjálfstæðisflokkurinn kemst að völdum (og kannski Framsókn?). Þetta þarf að stöðva strax.

EES- samningurinn virkar sæmilega þegar henn er tekinn sem sá milliríkjasamningur sem hann er, eins og litið var á hann 1991-2007. Fyrst ESB- lönd eru helstu viðskiptaaðilar okkar þá sé ég ekki af hverju þarf að gera annan samning, sem yrði þá erfiðari og dýrari en þessi sem hefð hafði komist á um. Hin lífsseiga mýtan er að EFTA- dómstóllinn ráði yfir okkur, sem er fjarri sanni.

[Ívar Pálsson, 24.2.2013 kl. 21:36]

Jón Steinar, forystan endurspeglar flokkinn þokkalega núna, þegar Bjarni Benediktsson og Hanna Birna Kristjánsdóttir er teymi sem virkar. Ályktanir sem upp komu og voru samþykktar eru ekki frá Bjarna komnar, heldur frá alls kyns hópum. Ég held að ég líti á þessi kristnu gildi sem vitnað var í líkt og flestir, þ.e. þau almennu gildi sem við þekkjum flest, sem alin voru upp í samfélagi kristinnar trúar. Þetta er allt á mjög mildum tónum, t.d. var greinin felld út um lagasetningu með kristnum gildum. Raunar er þetta miklu meira um gildi en trú.

Jón Steinar, þú telur mig í afneitun. Ég sé þá eðlilega ekki afneitun á hverju það er, því að margir þættir mannlegrar tilveru í samfélagi voru ræddir þarna á Landsfundi Sjálfstæðis- flokksins og var ég sáttur við langmest af ályktununum eins og þær enduðu. Formaðurinn mun fylgja þeim, það er nokkuð víst.

Heppilegastu stjórnir sem út kæmu í vor væru XD eða XD+XB. Aðrir eru uppfullir af ESB- aðildarumsókn eða af málum sem koma heimilum eða atvinnulífinu að engu gagni. Fjöldi atkvæða mun fara í súginn í einsmanns- kjöri sem næst ekki inn.

Fjögur ár af þessum væflagangi flokka Jóhönnu og Steingríms Joðs ættu að vera nóg til varnaðar. Breiðfylking hins almenna skattgreiðanda sem hefur fengið nóg er líklegust í Sjálfstæðisflokknum.

[Samstaða þjóðar, 24.2.2013 kl. 23:21]

Fríverzlunarsamningur er í gildi við ESB
Ekki er víst að allir viti, að í gildi er fríverzlunarsamningur Íslands við ESB. Þessi samningur var gerður árið 1972 og er því nær 40 ára. Samningurinn frá 1994 um EES er bara viðauki við fríverzlunarsamninginn og tilgangurinn var að þoka landinu nær undirgefni við Evrópuríkið. Ekkert nema þráhyggja Evrópusinna stendur í vegi fyrir að fríverzlunarsamningurinn verði þróaður áfram, á hliðstæðan hátt og Svisslendingar hafa gert með góðum árangri.

Loftur Altice Þorsteinsson.

[Elle_, 27.2.2013 kl. 22:51]

Seint koma sumir en koma þó, en vá hvað þessi lygasaga ykkar er orðin þreytt, Jón Ingi, um að við séum búin að taka upp næstum öll ESB-lög.  Fjarri lagi, kannski 5%, kannski.