Bílfjendur með borg í herkví

Bílfjendum Besta flokksins og Gísla Marteins hefur gengið vel nýlega að halda venjulegum Íslendingum frá miðborginni sinni og að gera stúdentum eða öðrum bíleigendum ómögulegt að lifa þrautalitlu lífi, allt með rammsósíalískum kennisetningum um það hvernig þau vilja að við hin högum lífi okkar. Þess í stað ættu þau að muna til hvers einhver okkar kusu þau í bríarí, til þess að vera almenningi til aðstoðar með það sem best fer að sé á einni sameiginlegri hendi, sem er raunar ansi fátt.

Enginn í bæinn 

Lokun helstu viðskiptagatna miðborgar og almenn andstaða við aðkomu bíla lætur íslenskan almenning gefast upp á því að reyna að njóta staðarins og rennir því beint í mollin. Síðan er hitt fólkið spurt, sem líkar þessi stefna og er á staðnum, hvort þeim líki þessi stefna! Maður getur nú ímyndað sér svörin. Á að spyrja fólk á útihátíð hvort þeim líki útihátíðir?

Hverjir mæta? 

Miðbærinn er fullur af söddum farþegum lystiskipa í gluggainnkaupum í þrjá mánuði á ári, á meðan meðalmanninum er haldið frá því að skreppa niður í bæ, bara að gamni. Hann þarf að hafa einbeittan vilja til þess og nóg af tíma, sem fæstir hafa.

Stæðin burt 

Bílfjendastefnan heggur þó dýpst hjá stúdentum núna, þegar mörg hundruð einföld malar- bílastæði eru tekin í burtu í þarfleysi og stefnan er að rukka fjárvana fólk fyrir það að búa þar sem íbúðir eru ódýrastar, lengst í burtu.

Skipulagsleysi 

Aðalskipulag Reykjavíkurborgar liggur fyrir til samþykktar, en er yfirfullt að hörmungum eins og flugvallarleysi og bílaleysi, að fólk verður að berjast gegn því strax. Látum drauminn um skilvirkt, öruggt og þægilegt líf rætast, í stað þessarar skandinavísku- tilraunar martraðar.

Fjögur ár af tilraunastarfsemi á landsvísu var alltof langur tími. Stöðvum þessa „skemmtilegu“ vitleysu strax.

Gengið um regnvotar sumargötur

Athugasemdir

[Magnús Birgisson, 12.7.2013 kl. 15:25]

Two thumbs up...

Svo er bílfjandstefnan réttlætt með því að það sé svo dýrt að reka bíl að verið sé að gera fólki kleyft að spara sér þann kostnað með því að búa í 101/107.

Snillingarnir hafa hinsvegar ekki fattað að húsnæði í miðbænum er orðið svo dýrt að vaxta- og/eða leigukostnaður af íbúðarhúsnæði þar er margfalt meiri heldur en kostnaðurinn af því að búa í úthverfi og eiga bíl.

Það er áhugavert að bera saman verðið á þessari íbúð: http://www.mbl.is/mm/fasteignir/fasteign/index.html?eign=628303 við þessa: http://www.mbl.is/mm/fasteignir/fasteign/index.html?eign=641342

Þetta er íbúð í stærri kantinum...51m vs. 94m!! Það er hægt að reka nokkra bíla vextina af 43 milljónum!!