Tugir slasaðra í viðbót næstu vinstri árin

Staðfestur er árangur mislægra gatnamóta í að fækka slysum. En afarsamningur vinstri meirihluta borgarstjórnar við ríkið um engar slíkar framkvæmdir safnar upp tugum illa slaðaðra og hamlar eðlilegu umferðarflæði, sem er afleiðing stefnu og forgangsröðunar Dags & Co. í þessum efnum. Ef bætt er við tvöföldun höfuðmeiðsla vegna hjólreiðaæðis þá má mynda heila deild á spítalanum (sem ekki er byggður) vegna afturbatastefnunnar.

Hættum við Hofsvallagötu- áframhaldið 

Bætum jafnvel við líklegum slysum sem koma þegar umferð er beint af aðalgötum eins og Hofsvallagötu yfir á barnmargar skólagötur. Allt eru þetta fyrirsjáanlegir þættir sem umferðarfræðingar hafa án efa reynt að útskýra fyrir núverandi ídealistahópi í stjórn borgarinnar, en mætt algeru skilningsleysi. 

Krefjumst þess að öryggi á götum borgarinnar aukist, ekki slakni eins og nú. Byrjum með stokk á gatnamót Miklubrautar og Kringlumýrarbrautar. Látum Hofsvallagötu í friði og eyðum ekki hundruðum milljóna króna í viðbót í áframhaldandi rugl þar, eins og gæti hugsast hjá þessari mistæku borgarstjórn.

 

Mislæg gatnamót fækka slysum

Athugasemdir

[Snæbjörn Björnsson Birnir, 30.10.2014 kl. 01:49]

Frekar sóðaleg færsla.

[Ívar Pálsson, 30.10.2014 kl. 08:46]

Sannleikanum er hver sárreiðastur. Snæbjörn, vinsamlegast bentu á sóðalegheitin. Afleiðingar gjörða eða vangjörða eru skýrar og ráðamenn verða að kannast við ábyrgð sína á því að framfylgja varhugaverðri stefnu, í stað þess að tala bara út í eitt.

[Kolbrún Hilmars, 30.10.2014 kl. 14:39]

Tek undir þetta, Ívar.

Þótt reiðhjólasamgöngur séu hið besta mál þá eru þær aðeins fyrir suma.   Í borginni búa líka öryrkjar og aldraðir sem eiga engan valkost annan en bílinn - stundum jafnvel sérhannaðan.  Að ekki sé nú minnst á barnafólkið.  Það hjólar ekki með stálpuð börn í íþróttastarfið, tónlistartímana eða hvað nú er.

Reykjavík er höfuðborg allra landsmanna - ekki aðeins spræka fólksins í 101.

[Ívar Pálsson, 30.10.2014 kl. 15:18]

Já Kolbrún, reiðhjólin á Hofsvallagötu eru mest notuð á gangstéttunum og alger óþarfi að hafa braut báðum megin, hvað þá fiskikörin. Hvernig eiga 7-10.000 bílar á dag að komast um, eða 84% fólksins? Þessi 4% umferðarinnar er með gangstétt og stíg beggja vegna götunnar fyrir sig. Þetta er eins og í Sovétinu forðum, sér akreinar fyrir sérréttinda- fólkið fáa.

[Kolbrún Hilmars, 30.10.2014 kl. 15:42]

Við þekkjum greinilega bæði hvernig háttar til á  Hofsvallagötu 

Sú breiðgata / safngata) sem mætir nú flöskuhálsi við Hringbraut.  Þar voru tvær akreinar fyrir ruglið, beygjuakrein til hægri og önnur beint áfram með beygju til vinstri.    Í dag eru ALLIR stopp á meðan hægribeygjubílar bíða eftir að gangbraut hreinsist  þeirra megin.  

Ég hef heldur aldrei séð neinn  hjólreiðamann nota þessar skrautlega merktu hjólabrautir - sennilega halda þeir að þær séu aðeins fyrir þeim fínna fólk...