Um 77% ekki Sýrlendingar

Ein meginástæðan fyrir auknu álagi á landamærunum Íslands er sú að fólk innan Schengen- svæðisins hefur ekki sætt hefðbundnu landamæraeftirliti, er óþekkt og óskráð komið til Íslands, skv. Mbl. í dag. Um 170.000 manns komu úr suðri inn á Schengen- svæðið sl. mánuð í leit að vist innan þess. Af þeim sóttu um hæli hér árið 2015 hingað til voru um 23% frá Sýrlandi, sem sýnir hve villandi umræðan hefur verið um þessi mál. Fólkið er t.d. frá Afghanistan, Erítreu, Íran og Nígeríu.

Schengen er sundurtætt

Landamæri Schengen- svæðisins í suðri eru gersamlega brostin og þar með grundvöllur Schengen- samstarfsins, sérstaklega þar sem Dyflinnar- samkomulagið heldur ekki lengur, þ.e. að innflytjendur skuli skráðir í því ESB- landi sem þeir komu fyrst inn í og þar skuli umsókn þeirra tekin fyrir. Ísland þarf að styrkja eigin landamæri til þess að hafa fulla stjórn á flæðinu, einnig að segja sig úr Schengen, sem var kannski einhvern tíma góð hugmynd, en er núna hrein óreiða, enda hluti af snilldarverki ESB. Bretar höfðu vit á því að halda sig utan þess og við ættum að fylgja þeim í þessu máli.

Aukið álag við landamærin

Athugasemdir

[Benedikt Halldórsson, 8.10.2015 kl. 22:12]

Vandinn er óleysanlegur vegna þess að þeir sem vilja sem flesta flóttamenn viðurkenna ekki að það sé nokkur vandi því samfara sem orð er á gerandi, nema síður sé.

Ef ekkert er að er engin vandi sem þarf að leysa! Allt mun fara vel segja þeir og breitt er yfir það sem gæti leitt til "fordóma".  

[Helga Kristjánsdóttir, 13.10.2015 kl. 01:35]

Þeir sem vilja óheft flæði flóttamann gengur það m.a. til að veikja sjálfstæði Íslands.