BDMF í burðarliðnum?

Framsóknarflokkurinn sá skýrt þegar á reyndi að Pírötum væri ekki treystandi. Þar að auki voru óþægilegu málin ekki útrædd strax. Hvernig er hægt að semja við Pírata sem vilja gjörbylta stjórnarskránni og jafnvel ganga í ESB?

Stríðsöxin grafin

Nú liggur beint við að framsóknarflokkarnir Framsóknarflokkur og Miðflokkur grafi stríðsöxina, enda stefna þeir samsíða með Sjálfstæðisflokki að mjög mörgu leyti. Flokkur fólksins fær sitt fram að mestu, en þó er gott að þau yrðu flest umfram-þingmenn, þar sem óvissan er líkast til meiri varðandi þau hvert um sig heldur en hjá BDM flokkunum.

Gangið nú hreint til verks, BDMF flokkar og ræðið í þaula hvernig taka skuli á hverju stóru málanna. Þetta verður að halda.

Stjórnarmyndunarviðræðum slitið

Athugasemdir

[Jón Valur Jensson, 6.11.2017 kl. 13:32]

Góður pistill, Ívar, eins og mæltur út úr mínum munni!

[Ívar Pálsson, 6.11.2017 kl. 13:44]

Takk, Jón Valur. Þetta þarf að vinnast af vandvirkni til að halda.

[Guðmundur Ásgeirsson, 6.11.2017 kl. 15:01]

BDFM - er stafrófsröð þessarra fjögurra bókstafa.

[Jóhann Elíasson, 6.11.2017 kl. 15:02]

Margir vilja halda því fram, að með þessum "gerviviðræðum" hafi Sigurður Ingi verið að styrkja stöðu sína gagnvart Bjarna Benediktssyni og Sigmundi Davíð, varðandi forsætisráðherraembættið......

[Ívar Pálsson, 6.11.2017 kl. 16:09]

Já, Guðmundur, hafa skal það sem betur hljómar. Kannski á þetta að vera DMBF eftir styrk eða hvað hver velur. 

Jóhann, það getur vel verið. En hugsanlega afleikur að tala svona stjórn niður eins og Sigurður Ingi gerði áðan. Hann sér bara að hann yrði aldrei forsætisráðherra í þannig stjórn.

[Jón Steinar Ragnarsson, 6.11.2017 kl. 17:06]

Gott að Að er ekki BDSM. :)

[Jósef Smári Ásmundsson, 6.11.2017 kl. 19:12]

Er ekki bara hyggilegast að Sjálfstæðisflokkurinn myndi stjórn með framsókn og VG? Mér heyrðist Katrín ekkert útiloka það samstarf. Þó það sé kannski himinn og haf milli sjálfstæðismanna og VG þá hlýtur að vera hægt að sætta ólík sjónarmið. Kosturinn væri " Breið" stjórn með lágmarks fjölda flokka og styrkur meirihluti.

[Ívar Pálsson, 6.11.2017 kl. 20:20]

Já, Jón Steinar, þannig stjórn yrði líklega haftastjórn.

Jósef Smári, ég leyfi mér að efast um það að ýmsir aðrir en Katrín innan VG yrðu samstarfsfúsir við Sjálfstæðismenn í DB-VG stjórn. Svandís Svavarsdóttir sem umhverfisráðherra gæti tæpast unnið með þeim. Steingrímur J. yrði samt til friðs ef hann verður Forseti Alþingis og endar metlangan ferilinn á toppnum.

[Sigfús Ómar Höskuldsson, 7.11.2017 kl. 10:38]

Framsókn er ekki að fara í stjórn með hinum óstýrilega og óútreiknanlega SDG. 

Sjallar fara helst ekki í stjórn með SDG, af fyrri biturri reynslu.

Frammarar vilja ekki Viðreisn.

Píratar vilja ekki Sjalla.

Sjallar vilja helst ekki Samfó, nema að það verði síðasti strætóinn og hagmunaðilar(útgerð, ferðamannabransinn og álið) vilji vera við borðið.

Þetta verður VG, Samfó,FF, Píratar og Viðreisn á kantinum. 

Þetta útspil Framsóknar kann að verða þeim dýrt.

[Jóhann Elíasson, 7.11.2017 kl. 12:36]

Óskhyggjan hefur náð yfirhöndinni hjá þér núna Sigfús Ómar....

[Ívar Pálsson, 7.11.2017 kl. 20:08]

Sigfús Ómar, ef VG, Samfó,FF, Píratar og Viðreisn ná saman eitt augnablik og að setja til hliðar ESB-umsókn með stórbreytingum á stjórnarskrá, þá yrði sú stjórn skilgreining fullkomins óstöðugleika. Almennur skattgreiðandi sem á að halda þessu uppi hlýtur að átta sig fljótt á hvílík mistök þessar kosningar voru.

[Sigfús Ómar Höskuldsson, 8.11.2017 kl. 10:59]

Hér skrifa menn um "pólitískan óstöðugleika" og nefna svo Sjalla sem frelsara okkar allra í sömu andrá.

Ef hér á að verða stöðugleiki, þá þurfa sömu Sjallar að vera á bekknum um stund að mínu mati. Ekki aðeins, þar sem fylgi þeirra er á stöðugri leið, þá hefur sá flokkur, að minu mati, sýnt fram á, ítrekað, að hann vinnur ekki fyrir þjóð sína heldur ákveðin hagsmunaröfl. Þeir sem leiða flokkinn hafa ítrekað sýnt fram á ljóta hegðan (Hanna Birna, BB, Sigríður Andersen), vija ekki kannast við eigin vinnubrögð þegar málin hitna (skattahækkanir í nýboðuðu fjárlagafrumvarpi).

Ekki ætla ég mér að skrifa undir allt sem "vinstri" flokkarnir eiga að vilja og munu mögulega gera en ljóst er að hér þarf breytingar, ef reiðin, vantraustið á að sefast.

Mögulega hefði ekki verið farið í nýafstaðnar kosningar ef e-r áhrifamaður hjá Sjöllum hefði sagt af sér. 

Það er ekki hægt að skjóta þá sem fá nóg. Gerendur bera ábygrgð líka.