Bretar ná stjórn eigin fiskveiða

Íslendingar hljóta að skilja mikilvægi þess fyrir eyland að ráða yfir fiskveiðum í lögsögu sinni. Bretar endurheimta nú það arðrænda hafsvæði umhverfis lönd þeirra sem fiskveiðistefna ESB hefur skilið eftir í rúst. Evrópusambandið vill ekki sleppa takinu fyrir nokkurn mun og nú telst „gífurleg fjarlægð“ enn á milli sjónarmiða þeirra og Breta í þessu máli, þegar rúmur mánuður er í það að nýja fiskveiðilöggjöf Breta taki gildi. Ekki breyta Bretar glænýju lögunum úr þessu. 

Eigin stjórn mála

Þá er aðallega tvennt annað smáræði útistandandi við brottför Breta úr ESB, samkeppnis- "jöfnun" sem ESB vill stunda áfram, og það hver haldi um refsivöndinn ef útgöngusamningur á milli Breta og ESB telst rofinn. En Bretar vilja geta ákveðið sjálfir hvaða reglur gilda hjá sínum 66,6 milljón þegnum, einnig um útflutning á vörum og þjónustu eins og fullvalda ríki gera, skattprósentu og hvaðeina. Verði dómsmál úr því, þá ráði þeirra dómstólar. 

Enn finnast einhverjir

Íslendingar skilja þessa afstöðu vel. Hví er það þá enn, að einhverjir hér telja það betra að ESB semji lögin okkar, ákveði landamæri okkar og dæmi í málum okkar en að við fáum að vera almennilega fullvalda ríki? Ég næ því ekki.

 

Bretar endurheimta vald yfir veiðum í lögsögu sinni

Athugasemdir

[Helga Kristjánsdóttir, 27.11.2020 kl. 14:02]

Já við verðum að koma vitinu fyrir þá,svo ég orði þetta pent.

[Ívar Pálsson, 27.11.2020 kl. 14:07]

Helga, góða fólkið heldur að það komi viti sínu fyrir einhverja villuráfandi sauði (eins og mig), en ég trúi því að hver og einn hljóti að hafa skynsemi til þess að meta hver fyrir sig, hvað sé réttast, þegar yfirgnæfandi staðreyndir hrópa framan í þá um málefnið. En staðreyndir eru ekki sterkasta hliðin í málflutningi ESB- sinna.

[Ragnhildur Kolka, 27.11.2020 kl. 18:18]

Nú hlýtur Macron að reyta hár sitt, en hann hefur lengst af haldið þessari kröfu fram.

[Þorsteinn Briem, 27.11.2020 kl. 18:46]

Sjávarútvegur er stór atvinnugrein í Skotlandi, eins og hér á Íslandi, og meirihluti Skota vill aðild að Evrópusambandinu.

Þar að auki yrði fiskveiðilögsaga Skotlands um tvisvar sinnum stærri en samanlögð fiskveiðilögsaga Englands, Wales og Norður-Írlands.

Í aðildarsamningi Noregs og Evrópusambandsins fengu skip frá Evrópusambandsríkjunum að veiða í norskri lögsögu, enda er um sameiginlega fiskveiðiauðlind margra ríkja að ræða í Norðursjó, svo og í Eystrasalti og Miðjarðarhafinu, þar sem margar fisktegundir ganga úr einni lögsögu í aðra.

30.9.2020:

"Norðmenn og Bretar hafa náð samkomulagi um fiskveiðisamning sem tekur gildi 1. janúar næstkomandi þegar aðlögunartíma vegna útgöngu Breta úr Evrópusambandinu lýkur.

Samningurinn kveður á um ramma um gagnkvæmar veiðiheimildir í lögsögu ríkjanna, eftirlit og rannsóknir, að því er fram kemur í tilkynningu frá norsku ríkisstjórninni.

Skrifað verður undir samkomulagið í London síðar í dag."

Loðna hefur gengið á milli lögsagna Íslands og Noregs við Jan Mayen Norsk skip hafa því fengið að veiða loðnu í íslenskri lögsögu og íslensk skip loðnu í norskri lögsögu.

Skip frá ríkjum Evrópusambandsins hafa hins vegar lítið veitt á Íslandsmiðum síðastliðna áratugi og fá því engan aflakvóta á Íslandsmiðum með aðild Íslands að Evrópusambandinu, nema þá að íslensk fiskiskip fengju jafn verðmætan aflakvóta í staðinn.

Við Íslendingar yrðum langstærsta fiskveiðiþjóðin í Evrópusambandinu og Norðmenn eru okkar helstu keppinautar í sölu á sjávarafurðum.

Með aðild Íslands að Evrópusambandinu falla niður tollar á öllum íslenskum vörum í Evrópusambandsríkjunum, sem stóreykur fullvinnslu hér á Íslandi á sjávarafurðum og landbúnaðarafurðum, til að mynda skyri og lambakjöti.

26.8.2010:

"Tíu þúsund störf gætu tapast í Englandi og Skotlandi verði íslenskum og færeyskum skipum bannað að landa þar ferskum [óunnum] fiski.

Andrew Charles, fiskverkandi í Bretlandi, sagði í samtali við BBC að slíkt löndunarbann jafngilti því að loka höfnunum í Grimsby og Hull."

27.11.2020 (í dag):

Vill nýja þjóðaratkvæðagreiðslu á næsta ári um sjálfstæði Skotlands

[Þorsteinn Briem, 27.11.2020 kl. 19:24]

Fiskveiðilögsaga Skotlands yrði um tvisvar sinnum stærri en samanlögð fiskveiðilögsaga Englands, Wales og Norður-Írlands.

[Þorsteinn Briem, 27.11.2020 kl. 19:38]

Evrópusambandsríkin eru stærsti markaðurinn fyrir íslenskar sjávarafurðir.

5.11.2020:

Verðmætustu afurðirnar til Frakklands

Við Íslendingar yrðum langstærsta fiskveiðiþjóðin í Evrópusambandinu, hefðum þar yfirburði í útgerð og fiskvinnslu, og Norðmenn eru okkar helstu keppinautar í sölu á sjávarafurðum.

[G. Tómas Gunnarsson, 28.11.2020 kl. 02:12]

Þegar er talað um að Skotland muni ráða yfir stórum hluta af landhelgi Bretlands, ef svo færi að Skotar myndu kljúfa sig frá "Sameinaða konungdæminu", verður að skoða málin á breiðari grundvelli.

Til dæmis eru sterkar "hreyfingar" fyrir því að ef Skotland ákveður að yfirgefa "Sameinaða konungdæmið" muni Hjaltlandseyjar (Shetland) yfirgefa Skotland.

Jafnvel fleir eyjar.

Þessar eyjar myndu annað hvort vilja tilheyra hinu "Sameinaða konungdæmi" óbreytt, eða fá svipaða stöðu og Mön eða Jersey.

Hvernig ætti Skotland að geta staðið á móti því?

Það er því aldeilis óvíst um hve stóra landhelgi Skotland myndi hafa.

Að brjóta ríki upp í æ smærri einingar hefur margar hliðar.

[Jónas Ómar Snorrason, 28.11.2020 kl. 23:26]

Ef ég skil þetta rétt Ívar, þá byggjast fiskveiðar ESB innan hvors annrs landamæra á hefð. Á Íslandi t.d. eiga engin lönd ESB hefð að fiskveiðum, ólíkt t.d. ESB landa eins og Belgíu, Hollendinga og Frakka innan lösögu Englands, væntanlega einnig á hinn veginn. Þetta atriði hefur alltaf komið upp þegar rætt er um aðild Íslands að ESB vegna fiskveiða ESB á íslandsmiðum, að ríki ESB eigi enga veiðihefð í fiskveiðilögsögu Íslands, því sé ekki möguleiki á veiðum þeirra á íslandsmiðum. Það verður að passa sig á að bera ekki saman epli og appelsínu, annarsbaragóður:)