Lokið Covid inni!

Undarleg skilaboð og afsakanir koma nú frá Veitum sem endranær. Árviss frostakafli er á leiðinni og okkur íbúum Reykjavíkur er sagt að loka gluggunum, einmitt núna þegar baráttan við Covid-19 stendur sem hæst og ein helsta vörnin er að opna gluggana. Ein stærsta smitdreifingin var t.d. á Landspítala Landakoti, þar sem er lítil loftræsting og gluggarnir verða að vera opnir.

Veitingastaðir í Bandaríkjunum mega víða starfa núna ef gluggarnir eru galopnir. Veiran er fislétt og dreifist best í lokuðu rými þar sem allir í rýminu fá að prófa útöndun allra hinna, því lengur sem hver og einn er þar inni og gluggarnir eru lokaðir. Súrefnisríkt og jónað loft að utan er bráðnauðsynlegt hverjum og einum sem er innilokaður í dag.

Kvartað í kuldakasti

Nú kemur kuldakast og hvað gerir ofurhagnaðar- ránsbatteríið Veitur (dótturfélag OR) í því fyrir okkur? Hvetur íbúana til að loka gluggum og skrúfa niður í snjóbræðslukerfum, einmitt þegar þeirra er þörf í frostinu. Niðurstaðan er því verri heilsa og meiri dreifing veirunnar, þegar þetta var allt að koma hjá okkur. Sprungnum heitavatnsleiðslum mun örugglega fjölga þegar fólki er sagt að skrúfa niður í frostinu, þegar það ætti helst að auka hitann. Föllum og fótbrotum hlýtur að fjölga.

Peningar í hítina

En í hvað fór tugmilljarða króna hagnaður Orkuveitu Reykjavíkur á hverju ári? Afsakanir fyrir tíðum bilunum í útvegun heits vatns eru orðnar skrautlegar, fjöldi túrista hingað og fiðrildi í Kína. Milljörðum króna er mokað út úr fyrirtækjunum inn í óendanlega skuldahít Reykjavíkurborgar, í stað þess að þjónusta íbúana almennilega og veita öryggi án afsakana, sérstaklega þegar á reynir eins og þessa dagana. En þetta er víst stíllinn hjá borginni, að segja okkur að fara út að sópa, slá gras og tína rusl, þegar við greiðum þeim fyrir að taka af okkur bílastæðin, göturnar og friðinn. 

Fyrirtæki borgarinnar verða að standa sig og nota hagnað í eigin fjárfestingar eða til þess að lækka álögur á viðskiptavini sína, íbúa Reykjavíkur.

Segir heitavatnsskortinn tengdan faraldrinum

Athugasemdir

[Þorsteinn Briem, 4.12.2020 kl. 11:01]

Hér á Íslandi mældist yfir 20 stiga hiti en einnig meira en 20 stiga frost í nóvember síðastliðnum.

2.2.2020 (í fyrradag):

Árið 2020 eitt af þeim hlýjustu í heiminum

3.12.2020 (í gær):

"Gest­ur Pét­urs­son fram­kvæmda­stjóri Veitna seg­ir heita­vatns­skort vegna kuldakasts sem er nú yf­ir­vof­andi ná­tengd­an auk­inni heita­vatns­notk­un fólks á tím­um far­ald­urs­ins.

Máli sínu til stuðnings vís­ar hann til rann­sókn­ar á 350 kín­versk­um heim­il­um í fyrstu bylgju far­ald­urs­ins þar í landi."

"Rannsóknin sýni 60% aukn­ingu á orku­notk­un heim­ila vegna hit­un­ar og kæl­ing­ar og 40% aukn­ingu vegna lýs­ing­ar."

Aukin heitavatnsnotkun heimila vegna Covid-19

1.12.2020 (síðastliðinn þriðjudag):

"Kuldakastið sem gengur yfir landið næstu daga verður trúlega það mesta í Reykjavík í sjö ár.

Þetta segir Einar Sveinbjörnsson veðurfræðingur í færslu á vefnum Bliku.is.

Þegar vindkæling er tekin með í reikninginn megi búast við að frost í höfuðborginni jafngildi sextán stigum á fimmtudag og föstudag."

Frost jafngildi sextán stigum í trúlega mesta kuldakasti í Reykjavík frá árinu 2013

3.12.2020 (í gær):

"Gangi veðurspá eftir stefnir í að notkunin verði komin upp undir 18.000 m3/klst sem slær út fyrra met sem er 17.000 m3/klst."

Notkun á heitu vatni eykst - Veitur

1.12.2020 (síðastliðinn þriðjudag):

"Kerfi hitaveitunnar er stórt og umfangsmikið og er í sífelldri uppbyggingu sem miðuð er að spám um fólksfjölgun og byggingamagn.

Það sem ekki var fyrirséð í langtímaspám var sú aukning sem verið hefur í notkun á hvern íbúa síðastliðið ár.

Til samanburðar hefur söguleg aukning i hitaveitunni verið 1,5-4% milli ára en heildarnotkunin í ár er 11% meiri en á síðasta ári.

Mikið hefur verið framkvæmt í hitaveitunni undanfarin ár til að mæta þessari auknu eftirspurn.

Meðal annars hefur varmastöð í Hellisheiðarvirkjun, sem framleiðir heitt vatn fyrir höfuðborgarsvæðið, verið stækkuð, dælugeta kerfisins aukin og borholur á lághitasvæðum hvíldar yfir sumartímann til að auka aðgengilegan forða yfir vetrartímann."

Viðbragðsáætlun hitaveitu virkjuð vegna kuldakasts - Veitur

[Sigfús Ómar Höskuldsson, 4.12.2020 kl. 20:54]

Mikill pistill en innihaldið rýrt.

En gott og vel, höfundur reyndar gleymdi algerlega að ræða bankið í ofnunum...

https://www.youtube.com/watch?v=XTXQXNRBvAA&ab_channel=Gunnigis

:):):):):):)