Búa til nýja náttúru í Skerjafirði

Náttúruvernd VG í borginni virðist fara eftir hentugleika: ekki er staðið gegn urðun viðkvæmrar náttúru í Skerjafirði, fjöru og strandar, þar sem meirihlutinn í borginni hyggst reisa byggingar í voginum. Spáið í svör eina borgarfulltrúa VG þegar hún var spurð um þetta atriði á visir.is

Standa víða vörð um náttúruleg kerfi

Eini borgar­full­trúi Vinstri grænna segist hafa fullan skilning á þessum sjónar­miðum. „Þetta eru stóru við­fangs­efnin okkar, það eru lofts­lags­breytingar af manna­völdum og þá þurfum við að standa vörð um náttúru­kerfi svo sannar­lega. Og það erum við að gera á mörgum öðrum stöðum í borginni,“ segir Líf Magneu­dóttir, borgar­full­trúi Vinstri grænna.

Ef land­fyllingin verður að raun­veru­leika verður þar reynt að koma á svipaðri strand­lengju til að líf­kerfið nái sér aftur með tíð og tíma. „Og ég er sann­færð um að við getum látið þetta spila allt saman; náttúru­vernd, um­hverfis­mál, borg sem stækkar og sjálf­bær hverfi,“ segir Líf, sem telur flokkinn sannar­lega ekki hafa tapað gildum sínum í borginni. Hann hafi meðal annars staðið fyrir gríðar­miklum frið­lýsingum á ýmsum ó­snertum svæðum á síðustu misserum.

Náttúruverndin felst semsagt í uppfyllingu, en búa svo til nýja náttúru! Flest er gert til þess að fá að vera með í borgarstjórnar- meirihlutanum. Flokksmenn Vinstri Grænna þurfa aðeins að skerpa línurnar hjá fulltrúa sínum og standa gegn þessum óþarfa uppfyllingum.

 

Athugasemdir

[Ragnhildur Kolka, 26.1.2022 kl. 15:05]

Vinstrimenn hafa ekkert að athuga við náttúruspjöll innan borgarmarka. Þar er allt leyfilegt svo fremi sem hugmyndin kemur frá þeim. Það er aðeins þegar aðrir njóta ávaxtanna,þá verður allt vitlaust. 

[Gunnar Heiðarsson, 27.1.2022 kl. 23:15]

Það hefur hvergi komið fram til hvers gera á þarna landfyllingu. Samkvæmt skipulagi á ekki að byggja á henni. Til hvers þá?!