Turnar tveir í tunglskini

Hér er smá minningarmynd um turnana tvo, sem ég tók áðan í tunglskininu í Skerjafirði. Það er skrýtið að hafa staðið ofan á turninum í New York forðum, þar sem voru þúsundir manna og hundruð þúsunda tonna af steinsteypu og stáli. Ekkert átti að vera traustara, en nú er það horfið. Miðstöð heimsviðskipta: Horfin. Horfinn er líka grunnurinn að helmingi fasteignalána þeirrar þjóðar. Stærstu bankar og fjárfestingalánafyrirtæki riða til falls. Ekkert er varanlegt.

 

 

En lífið gengur sinn vanagang úti á Skerjafirði, þar sem skarfarnir spóka sig á Lönguskerjum. Hverfa þau líka? Vonum ekki.

 

 

Varnargarðurinn er nú að hverfa vegna stöðugs ágangs sjávar. Brimaldan lemur hann flesta daga. Allt gefur eftir að lokum. En nú á víst að laga hann, blessaðan.

 

Smellið þrisvar á myndirnar til þess að ná fullri stærð.

Minnismerki um hryðjuverk

Athugasemdir

[Baldur Fjölnisson, 12.9.2008 kl. 00:10]

Góður að venju.

Ellefti september var mesta mænd fökk frá upphafi og tröllvaxnasta hollywoodsjó allra tíma ef Independence Day er frátalið.

[Gunnar Þórðarson, 12.9.2008 kl. 11:30]

Þetta eru flottar myndir og ágæt hugvekja.  Ég held þó að Löngusker séu forgengileg þar sem sjávarborð fer hækkandi.  En ég ætla rétt að vona að þeim verði ekki breytt í flugvöll.

Ef sá sem skrifar athugasemdina hér á undan er sá sem ég held, þá erum við þremenningar.  En ekki líkar mér viðhorf hans sem koma fram í textanum.

[Baldur Fjölnisson, 12.9.2008 kl. 18:53]

Ég verð þá að reyna að lifa við það. Ekki fer ég að trúa á ómögulega vitleysu frá sjúklegum raðlygurum, sem er í bága við sjálf náttúrulögmálin, vegna frændsemi við einhvern.