Flensufólkið burt frá flugvélum!

Offitu- og símasjúklingar ásamt sparkandi krökkum eru hjóm eitt miðað við vandræðin sem skapast af flensufólki með sótthita. Við ættum að nota SARS- ennishitaskanna til þess að koma í veg fyrir að flensuspúarar fari um borð í millilandaflug, því að þeir eyðileggja heilu fríin og viðskiptaferðirnar fyrir tugum manna.

Einn nákominn mér fór í langflug nýlega. Ein kona í hópnum var með flensu og náði að skemma drýgsta hluta frísins fyrir 30 manns. Lofthringsólunarkerfi þotanna tryggir það að allir hafa andað að sér lofti sjúklingsins nokkrum sinnum fyrir lendingu, enda er olía til hitunar fersklofts spöruð eins og hægt er.

 

 

Annaðhvort á sjúklingurinn ekki að fá að fara með eða að vera með öndunargrímu, eins og tíðkast í Japan. Eða er réttlátara að allir aðrir verði með grímu, en sjúklingurinn grímulaus?

Feitir borgi sama og aðrir

Athugasemdir

[Hólmdís Hjartardóttir, 4.10.2008 kl. 00:13]

  ég sat við hliðina á fárveikri konu í vetur í flugi og hún smitaði mig.......

[Ben.Ax. (Benedikt Jóhannes Axelsson), 4.10.2008 kl. 00:29]

Flensa er ekki kvef. Kvef smitast með ýmsum hætti og ætti fólkt til dæmis að þvo sér oft og vel um hendurnar því að þær eru smitleiðir af eðlilegum ástæðum. Einnig smitast fólk við hnerra en fæstir hnerra lengra en einn og hálfan metra og ætti fólk því að halda sig í hæfilegri fjarlægð frá kvefuðum. Að sjálfsögðu eiga þeir, sem eru veikir, að halda fyrir vitin þegar þei hósta og hnerra því að þá er lítil hætta á að þeir smiti aðra en sjálfa sig. Fárveikar konur eiga ekki að fljúga. Þær eiga að vera á spítala.

Kveðja
Ben.Ax.

[Ívar Pálsson, 4.10.2008 kl. 07:28]

Einmitt, Hólmdís. Mér fannst fyrst ein vön í flugferðalögum vera ansi sótthrædd þegar hún sótthreinsaði armana og borðið í vélinni, en smitið lifir víst í 7-30 daga, þannig að eitthvað var til í þessu.

Rétt, Benedikt. Hér er skilgreining á kvefi og flensu.  En smitast þetta ekki á líkan hátt, þótt flensan sé skæðari?

Nú skilst mér að flugmenn (þ.e. flugfólk frammi í stjórnarklefa vélarinnar) hafi sérstakt loftræstikerfi fyrir sitt rými, þannig að farþegar, flugþjónar og flugfreyjur eru saman í öðrum báti. Saga klassin hlýtur að fara að krefjast sér- lofts!

[The Critic, 4.10.2008 kl. 08:29]

Ég er alveg sammála þessu, það  er undatekning ef maður fær ekki einhverja óþverra pest eftir flugferðir.