1.3.2024 | 22:22

Landsvirkjun fyrir pólitíkusa

Orka peningarLandsvirkjun hagnaðist um 142 milljónir króna á dag árið 2023 og afhendir 20.000 milljónir króna af því í arð núna til gæluverkefna pólitíkusa, eins og í fyrra. Tilgangur þessa ríkisfyrirtækis er að tryggja orkuöflun Íslendinga, en hefur núna um langt skeið vikið frá þeirri stefnu og afhendir drjúgan hluta arðsins einmitt til þeirra sem leggjast hvað mest gegn virkjunum, en sóa fénu m.a. í hælisleitendur, yfirgengilega þróunaraðstoð og loftslagsfár.

Styrkja

Landsvirkjun ætti að standa sterk og tilbúin að mæta alvöru mótlæti í orkuöflum, stórum náttúruhamförum, veðurfarsbreytingum eða vandræðagangi ríkisins varðandi orku almennt. Safna þarf í virkjanasjóð eða greiða niður skuldir enn frekar, setja upp varaaflstöðvar og gera Landsneti það auðveldar að bæta lagnanetið. Viðbúið er annars að kröfur um sérstaka aukna skattheimtu komi strax upp þegar Kötlugos á sér stað, eða aðrir álagsþættir sem komnir eru á tíma.

Virkja

Töluvert fé þarf til þess að koma upp nýjum virkjunum. Landsvirkjun þarf að standa sterk og hætta þessum eltingaleik við tískuþarfir Vinstri grænna eða Pírata hverju sinni, hvað þá gegndarlausa sóun í rannsóknir á lagningu rafstrengs til útlanda, sem einkenndi síðasta áratuginn. Altént hefur Landsvirkjun þá enga ástæðu til þess að hækka rafmagn ætlað heimilunum.


mbl.is Methagnaður og vilja greiða 20 milljarða í arð
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Breytt s.d. kl. 22:29 | Slóð | | Athugasemdir (1)

24.1.2024 | 08:12

Eitt Ísland á ári

Opin landamaeri GettyLandamæri Íslands og annarra Schengen- ríkja hafa verið galopin glæpaliði heimsins í óratíma. Núna streyma um 380.000 manns ólöglega inn á svæðið á hverju ári og fylgst er með því m.a. úr flugvél Landhelgis- gæslunnar yfir Miðjarðarhafi.

Galopin landamæri

Mikið er gert úr því hvað Schengen sé mikilvægt fyrir Ísland, eins og það að fá feikimiklar upplýsingar frá Europol um ferðalangana, enda fannst einn ISIS- liði á Íslandi vegna þessa! En sú stofnun veit ekkert frekar en aðrar hverjir eru á leið til Íslands, sbr. tölurnar að ofan. Farþegalistarnir fást ekki einu sinni afhentir frá öllum flugfélögum. Eðlilega velur misyndisfólk sér eftirlitslausustu leiðina hingað. Niðurstaðan er m.a. sú að 75% gæsluvarðhaldsfanga eru af erlendu bergi brotnir. 

Schengen pólitík

ESB- sinnum Íslands hefur gengið vel að leiða þjóðina inn í ginnungargap Evrópusambandsins eftir að skipt var um gír úr áherslu á umsókn yfir í það að gera EES- aðildina að jafngildi aðildar, með aðaláherslu á samþykkt allrar endaleysu sem látlaust streymir frá Brussel.  Schengen- aðild fæst hvorki endurskoðuð né hætt, enda sterkustu stuðningsmennirnir jafnvel innan Sjálfstæðisflokksins. Aðalstuðningurinn er þó auðvitað  hjá Samfylkingunni, sem er nú langvinsælasti flokkurinn. Því er algjörlega öruggt að landamærin og þau mál sem að þeim snúa halda áfram í því ófremdarástandi sem verið hefur sl. 15 ár.

Nema að Miðflokkurinn fá dúndurkosningu?


mbl.is Afhenda ekki flugfarþegalista
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Slóð | | Athugasemdir (0)

9.1.2024 | 09:20

Síðasti séns Svandísar búinn

HvalakonaNú þykir fullreynt að Svandís Svavarsdóttir er óhæf til ráðherraembættis. Afleiðingar fyrri hörmunga sem hún skóp sem ráðherra hrjá íslenskt þjóðfélag enn, þar sem hún dró lappirnar árum saman að staðfesta tilbúnar virkjanaáætlanir í Neðri- Þjórsá, jafnvel eftir að Hæstiréttur hafði dæmt hana til athafna, en ekkert dugði.

Vanvirðing

Fyrirlitning Svandísar á stjórnsýslu, gildandi lögum og rétti fyrirtækja er á háu stigi, þar sem hún er fulltrúi öfga- vinstri hluta Vinstri grænna sem virðir þessi atriði lítils. Allt sé leyfilegt í þeirri sovésku sannfæringu sem hún er sannur fulltrúi fyrir. Að gefa Svandísi enn annan séns með því að færa henni enn annað ráðherraembætti til þess að klúðra er út í hött.

Slit

Sjálfstæðisflokkurinn verður að slíta þessari svokölluðu ríkisstjórn svo að sannleikurinn um hvíta sykurinn komi í ljós, sérstaklega ótrúlegur fórnarkostnaðurinn af því að láta örsmáan vinstri- öfgahóp halda íslensku samfélagi í gíslingu og sóa uppsöfnuðum gæðum síðustu áratuga í einni svipan.

 

 


mbl.is Vantrauststillaga á matvælaráðherra
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Breytt 10.1.2024 kl. 10:04 | Slóð | | Athugasemdir (3)

3.1.2024 | 20:26

Evrópusósíalisminn tekur flugið

OgnarstadaSkoðanakönnun Gallups sýnir að þriðja hver manneskja styður þessa ríkisstjórn, sem stýrt er af flokki vinstri græningja með 6% fylgi, einu prósentustigi frá því að ná ekki inn á Alþingi. Þetta hagkvæmnishjónaband Sjálfstæðisflokks og Framsóknar við VG reyndist alls ekki hagkvæmt, heldur líkara "Mexican standoff", þar sem aðilarnir miða byssum sínum hver að öðrum í biðstöðu.

Sóunin er ekki á bið

Engar lausnir eða aðgerðir eru í sjónmáli. Niðurstaðan er vöxtur sósíalismans, þar með ríkisvaldsins, Evrópureglugerða og skatta á allt sem hreyfist, enda kostar óendanleg fjármunasóun ríkisins sitt. Loftslagsfárið, þróunaraðstoð, hælisleit og annað sýnir hvernig þessi ríkisstjórn hefur misst flest úr böndunum. Afdrifaríkasta dæmið er þó virkjana- og rafmagnslínuleysið, sem VG hefur komið á, með sauðskinnsskóinn á bremsunni allan tímann. Hún endar eflaust á því að troða vindmyllum út um náttúruna, sem er versta og óskilvirkasta lausnin og leysir ekki orkukreppu. 

Sósíalismi

Vaxandi vinsældir Samfylkingar sósíaldemókratanna sýna, að ekkert lát yrði á þessum loforðaflaumi og skattaáþján ef til kosninga kæmi. Því miður hafa hálfsystur þeirra í Sjálfstæðisflokknum náð verulegum völdum innan flokksins og því hætta á Viðreisnarstjórn, enda fengi Viðreisn að fljóta með í slíkri óstjórn til að mynda meirihluta Evrópusósanna. Eitt helsta mótvægið er Miðflokkurinn með sína hægri sjálfstæðisstefnu og eykur fylgi sitt á kostnað XD. 

Góði punkturinn væri sá að Svandís Svavarsdóttir kæmist varla að í að valda enn einu tjóninu í ráðherrastóli.       


mbl.is Fylgi Sjálfstæðisflokksins aldrei minna
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Breytt s.d. kl. 22:50 | Slóð | | Athugasemdir (3)

4.12.2023 | 20:38

Þarfleysuþrennan

3 pilur nidurHælisleitendur, þróunaraðstoð og kolefnislosun eru þau þrjú svið sem eru farin að kosta ótrúlegar fjárhæðir og mætti kalla „Þarfleysuþrennuna“, þar sem alger óþarfi er að eltast við þau.

Ríkið er allt

Ný kynslóð vex núna úr grasi, þar sem trúin á almætti hins opinbera fóstraðist vel eftir Hrunið. Stjórnmálafólk hefur valist eftir því, hve miklu þau lofa í að sinna hverri þeirri hugsjón sem nýir kjósendur vakna með þann daginn. Áður var áherslan á grunnþætti samfélagsins, þar sem vel tókst til að byggja upp ýmiss traust kerfi okkar litlu þjóðar. En hagsældin ól af sér þá hugsun, að gæsku og getu ríkis og sveitarfélaga séu engin takmörk sett, bara nefna það og tekin voru lán á lágum vöxtum í ofgnótt framboðs lánsfjár síðasta áratugar.

Skera burt

En nú er öldin önnur og mál er að herða ólina þegar vaxtastig og verðbólga rýkur upp og loforðaflaumurinn er orðinn óstöðvandi, þar sem þessi þrjú ofangreind svið hrópa mest á athygli. Hvernig hægt er að láta málefni hælisleitenda kosta okkur meira en fór í byggingu nýja Landspítalans á síðasta ári er með ólíkindum. Flest Evrópuríki hunsa núna Schengen- reglur og sinna eigin landamærum af viti með takmörkun hælisleitenda- flóðsins, en ekki Ísland. Í þessu er auðveldast að segja stopp.

Vanþróun

Þróunaraðstoð er tímaskekkja, þar sem ímyndin um góða fólkið sem gefur sveltandi börnum brauð í Biafra heldur áfram að moka skattpeningunum okkar til spilltustu ríkja jarðar. Nú hefur Sjálfstæðisflokkurinn gripið þetta óheillakefli á lofti af Samfylkingunni og hleypur með það um heiminn, lofandi tvöföldun sóunarinnar. Fokið er í flest skjól.

Afleitur kostnaður

Kolefnisfárið er kirsuberið á toppi þarfleysunnar, sérstaklega hér á Íslandi. Öllu hugsandi fólki sem kynnir sér málið er ljóst, að Ísland breytir engu um hitastigið í heiminum. Það þarf í raun ekki að ræða þá staðreynd. En nú er þessi bábilja látin kosta okkur vinnu, tíma  og peninga í flestum þáttum daglegs lífs. Afleiddur kostnaður og óþarfa óþægindi af þessari misskildu hugsjón er með endenum. Þó er sagt enn „You ain‘t seen nothing yet“ eins og Forseti Íslands forðum.

Ofureyðsla

Upphæðirnar sem um er að ræða í Þarfleysu- þrennunni eru ofar skilnings flests fólks. Árið 2023 = 12 milljarðar króna plús 15 ma. plús ómælt. Spara mætti líklega 70 milljónir króna á hverjum degi hjá ríki og sveitarfélögum samanlagt með því að skrúfa þessi málefni niður í tíund af því sem þau taka til sín í dag. Þá þarf ekki að hækka skatta frekar, sem er öruggt að gerist ella. Því má treysta.


Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Breytt s.d. kl. 20:40 | Slóð | | Athugasemdir (2)

15.11.2023 | 17:48

Lærið um aðhald hjá Þjóðverjum

ThyrlufeÆðsti stjórnsýsludómstóll Þýskaland sló ofurskuldsetningu ríkisstjórnar út af borðinu, en hvað gerist hér? Mikil er gjafmildin á fé annarra hjá íslenskum ráðamönnum. Bjarni Benediktsson utanríkisráðherra vill nú tvöfalda það sem sólundað var í erlent þróunarstarf í fyrra, en það voru um 50 milljónir á hvern vinnudag ársins 2022, rúmar 6 milljónir á tímann. Það þykir víst ekki nóg, nú stefnír í að hækka það stöðugt og gefa 12,5 milljónir á vinnustund í Utanríkis- ráðuneytinu árið 2035 í óskilvirkasta bruðl sem hugsast getur, alls 24 þúsund milljónir króna það ár, ef þjóðarframleiðsla Íslands heldur.

Afturför á fullu

Sjálfstæðisflokkurinn hefur vanþróast út í það að vera kyndilberi sóunar í loftslagsmál eða til spilltustu þjóða jarðar í gegn um þróunaraðstoð, hvorttveggja dæmalaus svið eftirlitslítils peningaausturs eins og dæmin sýna. Markmiðum gjafanna verður aldrei náð, því að þau eru eins þokukennd og bókhaldið sem ætti að halda utan um austurinn. Ekki er heldur sparað í málefnum hælisleitenda, en það er nóg efni í heila bók.

Dýr atkvæði

Þau eru dýr atkvæðin sem flokkurinn reynir að kaupa af Samfylkingarfólki og ESB- armi XD með þessum aðgerðum sínum. Eða þá herkostnaðurinn af því að vera í þessari ríkisstjórn með Vinstri grænum. Aðhald heyrir víst fortíðinni til.


mbl.is Hafnaði 60 milljarða evra fjárveitingu
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Breytt s.d. kl. 17:51 | Slóð | | Athugasemdir (3)

11.10.2023 | 12:19

RÚV og hryðjuverkin

Hvað þarf að koma til þess að RÚV kalli hryðjuverkasamtök sínu rétta nafni? Ekki virðist nóg að þau afhöfði 40 smábörn, hópnauðgi konum, elti uppi og myrði 250 ungmenni á tónleikum, ráðist á næstu þjóð með eldflaugaregni, taki 100 borgara í gíslingu og hóti lífláti. Áður vissum við að þau hengi samkynhneigða þegna sína í krönum. En ekkert af þessu hefur dugað til þess að RÚV kalli samtökin hryðjuverkasamtök eins og Evrópa og BNA gerir. Þess í stað koma óbeinar réttlætingar á illvirkjum þeirra.

Gerum kröfu til þess að RÚV, sem þiggur milljarðana okkar, kalli hlutina sínu rétta nafni. Annars er það enn ein ástæðan til þess að loka þessar „frétta“- stofu nú þegar.


mbl.is Stríðsverk sem endurspegla forna illsku
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Slóð | | Athugasemdir (4)

19.9.2023 | 11:27

Borgarstjóri Krísuvíkur á fullu

Bilar stoppÖflugustu andstæðingar orkuskiptanna eru Dagur B. Eggertsson borgarstjóri og meirihluti borgarstjórnar. Það kemur skýrast fram í því að nýorkubílar hafa selst mjög vel síðustu ár, allt að 70% nýrra fólksbíla, á meðan Reykjavíkurborg hamast gegn fjölskyldubílnum af hörku.

Vilja nota bílana

Fólkið mun nota þessa nýju bíla sína, ekki láta þá bara fyrnast á planinu á meðan það fer í strætó. Bílasölumet hafa ítrekað verið slegin síðustu árin, sem er í hróplegu ósamræmi við ídealísk umferðarflæðiplön Dags & Co., sem byggja á úreltri hugmyndafræði. Hér eru spárnar þeirra frá 2012, sem fóru þveröfugt við raunveruleikann hingað til. 

Peningum mokað fyrir götuna

Ótrúlegur peningaustur borgarinnar í Strætó í rúman áratug ætti að hafa valdið því að það kerfi yrði lagt niður, en öðru nær: Tífalda eða tuttugufalda á þann mokstur í 4% ferðalanga Reykjavíkur í Borgarlínu sem mun stöðva umferð svo hrikalega að Reykjavíkurborg fær gælunafnið Krísuvík. Það nafn er nú að festast á henni vegna fjármálaóstjórnar sömu aðila.

 


mbl.is Rafbílarnir rjúka nú út
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Breytt s.d. kl. 11:30 | Slóð | | Athugasemdir (1)

16.5.2023 | 15:47

Gervigreind með CO2 á hreinu

Ég ræddi áðan við gervigreindina OpenAI um það hvenær losun koltvísýrings fer að virka, eftir áratugi eða aldir. Ástæðan er sú að SÞ- skýrslurnar sýndu áður að ferlið tæki áratugi upp í þúsundir ára, en aldrei er minnst á þetta mikilvæga atriði þegar við erum skattlögð upp í rjáfur fyrir daglegt líf okkar. Spurningin og svarið er hér, með heildarniðurstöðu í lokin (feitletranir eru mínar):

WorldCurrentMapHver er tímaáætlunin sem það tekur fyrir losun CO2 að verða gróðurhúsalofttegund, í gegnum höf og heimsins færiband? Áratugir, hundruð ára?

ChatGPT svar:

"Tímaáætlun þess að losun CO2 verði gróðurhúsalofttegund í gegnum höf og færiband hafsins á heimsvísu getur verið allt frá áratugum til alda, allt eftir ýmsum þáttum. Þegar CO2 er sleppt út í andrúmsloftið frásogast hluti þess í sjónum með ferli sem kallast kolefnisupptaka sjávar. Þetta frásog á sér stað við snertifleti lofts og sjávar, þar sem CO2 leysist upp í yfirborðsvatn hafsins. Þegar komið er í höfin, eru afdrif hins frásogaða CO2 háð nokkrum þáttum, þar á meðal hringrásarmynstri sjávar, líffræðilegum ferlum og efnahvörfum. Hnattræna haffæribandið, einnig þekkt sem thermohaline hringrásin, gegnir hlutverki við að dreifa frásoguðu CO2 um djúphafið.

Tíminn sem það tekur fyrir frásogað koltvísýring að streyma í gegnum alþjóðlegt færiband hafsins og ná til dýpri sjávarlaga getur tekið nokkra áratugi til alda. Þetta er vegna þess að djúpsjávarhringurinn er tiltölulega hægur, þar sem vatnsmassar taka langan tíma að ljúka ferð sinni um alþjóðlega færibandið. Þar að auki geta líffræðilegir ferlar í hafinu, eins og ljóstillífun með gróðursvifi og sökk lífrænna efna í kjölfarið, haft áhrif á flutning kolefnis frá yfirborði til dýpri sjávarlaga. Þessi ferli geta enn frekar tafið þann tíma sem það tekur fyrir CO2 að bindast í djúphafinu.

Það er mikilvægt að hafa í huga að þó að hafið virki sem verulegur kolefnisvaskur og gleypi umtalsvert magn af CO2 af mannavöldum, bindur það ekki CO2 endalaust. Á lengri tíma getur frásogað CO2 að lokum losnað aftur út í andrúmsloftið með ýmsum aðferðum, svo sem uppstreymi og náttúrulegum ferlum kolefnishringrásar.

Þegar á heildina er litið er ferlið þar sem losun koltvísýrings verður að gróðurhúsalofttegund í gegnum hafið og færiband hafsins á heimsvísu flókið og tímaháð fyrirbæri, sem tekur allt frá áratugum til alda þar til CO2 sem frásogast er að streyma og hugsanlega losna aftur út í andrúmsloftið."

Algerlega útilokað er að mæla áhrif kolefnislosunar fólksbíla á Íslandi á umheiminn. Enda eru þau brotabrot af krækiberi í helvíti, sem ferðast um heimsins höf í hundrað ár.

 


Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Breytt s.d. kl. 18:05 | Slóð | | Athugasemdir (1)

15.5.2022 | 13:52

Eini möguleikinn til breytinga

PascalNiðurstaða borgarstjórnar- kosninganna er skýr: borgaralegir flokkar myndu taka til í borginni, en aðeins einn möguleiki er til þess, með Sjálfstæðisflokki(XD), Framsókn, Viðreisn og Flokki fólksins, 6+4+1+1= 12 borgarfulltrúar. Annað er vinstri sinnað fólk sem útilokar samstarf við XD, eða yrði ómögulegt í því samstarfi. Viðreisn og Flokkur fóksins er með pálmann (í Vogum?) í höndunum, í oddaaðstöðu um borgarstjórnarmyndun. Því mun Hildur Björnsdóttir ganga á eftir þeim með grasið í skónum, þrátt fyrir að hún segi "alls konar möguleika á teikniborðinu". Ekki eru þeir möguleikar sýnilegir eða fýsilegir.

Borgarlínan frestast eða útvatnast líklega með ofangreindri borgarstjórn. Enn meiri fjáraustur færi í Strætó- hítina miklu, en kannski tækist þannig að bjarga götunum og að fá Sundabraut fljótar inn. Viðreisn er vonandi öðruvísi í borginni en í þjóðmálum, þar sem gengið var óvænt úr stjórn eitt kvöldið og stjórnin sprengd án viðvörunar. Þessi borgastjórn gæti því stöðugt tiplað um á jarðsprengjusvæði duttlunganna.

En sjáum til, hér er von.

 


mbl.is Hildur segir forgangsmál að komast í meirihluta
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Slóð | | Athugasemdir (8)

28.3.2022 | 18:16

XD= 80% gegn Borgarlínu

BorgarlinaFrettabladid2022Ný skoðanakönnun Prósents um Borgarlínu og þéttingu byggðar í Reykjavík sýnir hvellskýra andstöðu kjósenda Sjálfstæðisflokks (XD) og Miðflokks við hvort tveggja. Af þeim sem tóku afstöðu, þá eru 80% af XD andvíg Borgarlínu og 73% gegn þéttingu byggðar. Miðflokkurinn er ennþá meira afgerandi þarna megin.

Kjósendur Samfylkingar eru hins vegar nær algerlega fylgjandi hvoru tveggja, af þeim sem afstöðu tóku, 98% Borgarlínu og 91% þéttingu byggðar. Vinstri græn eru líka þeim megin, 92% fylgjandi Borgarlínu og 72% með þéttingu byggðar.

Ekkert er að marka orð Dags B. Eggertssonar borgarstjóra um að kjósendur Sjálfstæðisflokksins séu klofnir í þessum málum, sbr. tölurnar hér að ofan. Ný forysta flokksins hlýtur að fylgja afgerandi vilja sinna kjósenda, þegar ljóst er að skoðanir þeirra standa beint gegn ríkjandi meirihluta og flokkurinn þurfi að komast í aðstöðu til þess að breyta ríkjandi stefnu meirihlutans í borginni.

Eftirgjöf hér þýðir uppgjöf, eins og amk. síðasta áratug.


Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Slóð | | Athugasemdir (5)

13.3.2022 | 11:00

Göturnar leiða til bílastæða

Rafmagnsbilar i hledsluÉg fæ ekki skilið hvernig Hildur Björnsdóttir, frambjóðandi í oddvitasæti Sjálfstæðisflokksins í borgarstjórnar- kosningunum framundan, fékk sig til þess að styðja tillögu meirihlutans í borginni nýverið um 3000 bílastæða fækkun í miðborginni. Þetta gerðist í blóra við vilja flokksins og er skýr stuðningur við óheillastefnuna við lýði í borginni, að úthýsa bílum, sama þótt þeir séu rafmagnsbílar eður ei. Sú gerð er raunar plássfrekari en aðrir, þannig að auka ætti við pláss undir bílastæði ef eitthvað er, ekki að taka þau burt.

Gegn skipulagi Dags

En hver er sinnar gæfu smiður. Það og fagurlega orðaður stuðningur við Borgarlínu og 15 mínútna bílastæðalaus hverfi er klárlega ekki sú stefna sem oddviti Sjálfstæðisflokksins þarf að fylgja til þess að við eigum möguleika að brjóta áralanga villistefnu Dags & Co. í skipulagsmálum á bak aftur. Ég gleðst yfir því að mótframbjóðandinn um oddvitasætið, Ragnhildur Alda María Vilhjálmsdóttir er með þetta á hreinu í Viðskiptablaðinu: 

"Það þarf að nálgast samgöngumálin kreddulaust og innleiða snjöll umferðaljós sem munu bæta umferðarflæði allra óháð samgöngumáta og láta af fækkun bílastæða."

Það vill nefnilega svo til að göturnar leiða að bílastæðum, sem verða að vera fyrir hendi svo að umferðin stíflist ekki. Núverandi meirihluti vill ekki að umferðin sé til, en tími er til kominn að 80% ferðalanganna láti í sér heyra. Tækifærið er núna.


Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Stjórnmál og samfélag | Slóð | | Athugasemdir (4)

10.3.2022 | 22:12

Framlengja misheppnað 10 ára tilraunaverkefni?

StraetoKradakEitt mesta sóunarklúður síðasta áratugar rann sitt skeið núna með nákvæmlega engum árangri, eflingu almenningssamgangna á höfuðborgarsvæðinu. Tíu milljörðum króna var kastað á glæ, samt tapaði strætó ár eftir ár og sama hlutfall strætóferða árs af heildinni er meitlað í stein, 4 prósent.

Ekkert lært

Hvað lærðu ráðamenn í borginni svo af þessari rándýru og bitru reynslu? Ekkert og ræða svo núna um að framlengja fáránleikann um tólf ár! Þetta bætist við 100 milljarða króna moksturinn framundan í Borgarlínu, sömu 4% og hér að ofan. Þvílík misnotkun á umboði til athafna. Enginn vandi er að finna ódýrar lausnir á ferðaþörf fjögur prósentanna fyrir brotabrot af þessum fjáraustri. 

Bætum umferðarflæði og skrúfum fyrir skuldaaukningu borgarinnar. Við verðum öll ánægðari fyrir vikið.


mbl.is Tíu ára áætlunin til endurskoðunar
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Samgöngur | Slóð | | Athugasemdir (3)

26.1.2022 | 00:15

Búa til nýja náttúru í Skerjafirði

JardytaStorNáttúruvernd VG í borginni virðist fara eftir hentugleika: ekki er staðið gegn urðun viðkvæmrar náttúru í Skerjafirði, fjöru og strandar, þar sem meirihlutinn í borginni hyggst reisa byggingar í voginum. Spáið í svör eina borgarfulltrúa VG þegar hún var spurð um þetta atriði á visir.is

Standa víða vörð um náttúruleg kerfi

Eini borgar­full­trúi Vinstri grænna segist hafa fullan skilning á þessum sjónar­miðum. „Þetta eru stóru við­fangs­efnin okkar, það eru lofts­lags­breytingar af manna­völdum og þá þurfum við að standa vörð um náttúru­kerfi svo sannar­lega. Og það erum við að gera á mörgum öðrum stöðum í borginni,“ segir Líf Magneu­dóttir, borgar­full­trúi Vinstri grænna.

Ef land­fyllingin verður að raun­veru­leika verður þar reynt að koma á svipaðri strand­lengju til að líf­kerfið nái sér aftur með tíð og tíma. „Og ég er sann­færð um að við getum látið þetta spila allt saman; náttúru­vernd, um­hverfis­mál, borg sem stækkar og sjálf­bær hverfi,“ segir Líf, sem telur flokkinn sannar­lega ekki hafa tapað gildum sínum í borginni. Hann hafi meðal annars staðið fyrir gríðar­miklum frið­lýsingum á ýmsum ó­snertum svæðum á síðustu misserum.

Náttúruverndin felst semsagt í uppfyllingu, en búa svo til nýja náttúru! Flest er gert til þess að fá að vera með í borgarstjórnar- meirihlutanum. Flokksmenn Vinstri Grænna þurfa aðeins að skerpa línurnar hjá fulltrúa sínum og standa gegn þessum óþarfa uppfyllingum.

 


Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Umhverfismál | Slóð | | Athugasemdir (2)

24.1.2022 | 21:50

Landlægt Omicron skapar ofur- ónæmi

Omicron GettyLoksins eru ráðandi aðilar að sjá ljósið með afléttingar Covid- hafta. Kostnaður hvers dags er svimandi hár, í peningum, heilsu og forgengnum tækifærum. Nú bætist líka við góðu fréttirnar, í samnantekt Wall Street Journal, þar sem Omicron afbrigði Covid-19 er talið mynda ofur- ónæmi hjá þeim sem fengið hafa sjúkdóminn, sérstaklega ef þeir hafa áður verið bólusettir.

Ofur- ónæmi

Með bæði sýkingu og bólusetningum verður ónæmiskerfið allt að tífalt "hraðara, sterkara og snjallara" eftir að hafa orðið fyrir nýrri áskorun, en hjá ósýktum, tveimur vikum eftir eftir annan skammt af Pfizer bóluefninu. Omicron er líkleg til þess að örva öfluga og varanlega vörn gegn Covid-19 -og hugsanlega öðrum kórónaveirum- jafnvel þótt hún stökkbreytist og verði illvígari. Eini varnaglinn er að eldra fólk myndar veikari T-frumuviðbrögð og mun því þurfa árlegt örvunarskot. En Omicron mun binda endi á heimsfaraldurinn með því að gera Covid-19 landlægan.

Losum strax

Þetta yfirlit WSJ styður enn frekar þá skoðun að hætta skuli haftastefnu stjórnvalda og leyfa veirunni að klára sig hið fyrsta, enda eru 95% bólusett hér í dag. Mér verður hugsað til Spænsku veikinnar í nóvember 1918, þegar líklegt er að fín og flugbeitt eldgosaaska Kötlu hafi blandast í loftið og aukið við hræðileg einkenni þeirrar inflúensuveiru. Ef slíkt endurtekur sig er gott að hafa fengið Omicron veiruna ofan á bólusetningarnar, til þess að lágmarka heilsutjón þjóðarinnar.

Frelsum landið strax úr fjötrum, þetta er orðið gott.

 


mbl.is Fagnaði orðum Kára
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Heilbrigðismál | Breytt 25.1.2022 kl. 09:29 | Slóð | | Athugasemdir (0)

18.1.2022 | 00:01

Covid- epli og appelsínur

GapastokkurNú er flestum orðið ljóst, að neyðarúrræðin sem stjórnvöld gripu til þegar Covid-19 breiddist upprunalega út voru líklega réttætanleg þá í byrjun. Síðan kom Delta útgáfan og á menn runnu tvær grímur. Núna þegar Omicron er hjá 90% þeirra sem smitast, þá er sannarlega um allt annað að ræða, en ríkisstjórnin rígheldur í gamlar lausnir sem halda ekki vatni.

Aðgerðir og smit ótengd 

Smit berst um allt þjóðfélagið, óháð aðgerðum stjórnvalda. Sóttkví er út í hött. Þríbólusettir sem fengu Covid áður smitast eins og aðrir og bera smit. Það eina sem flestir eru sammála um núna er að sinna þeim sem eru verulega veikir. Við hin sem fáum veiruna höldum okkur til hlés um tíma, en verðum ekki byrði á samfélaginu. Nóg er að greinast í hraðprófi sem virkar strax, án vandræða. Ef það er falskt jákvætt og þú veikist ekki, þá skiptir það heldur engu máli. Lífið heldur áfram, flestir fá þetta hvort eð er.

Enga einangrun, sóttkví eða lokanir. Lifum lífinu.

 

 

 


mbl.is Staðan að breytast að mati Runólfs
Tilkynna um óviðeigandi tengingu við frétt

Gefa einkunina 1Gefa einkunina 2Gefa einkunina 3Gefa einkunina 4Gefa einkunina 5 Heilbrigðismál | Slóð | | Athugasemdir (1)

Næsta síða »

Höfundur

Ívar Pálsson
Ívar Pálsson

Viðskiptafræðingur með útflutningsfyrirtæki, en grúskar í flestu.

Innskráning

Ath. Vinsamlegast kveikið á Javascript til að hefja innskráningu.

Hafðu samband