Brynjar náði í hægrimenn en ekki í sig!

Það er sjónarsviptir af Brynjari Níelssyni út úr stjórnmálum. XD kallaði í hann þegar allt leit kolsvart út fyrir flokkinn nýlega eftir hreinsanir af hægri vængnum. "Better call Saul", þar sem Brynjar náði í góðan slatta af hægrisinnuðu fólki þangað, sem var að gefast upp á fjölda sósíaldemókrata í Sjálfstæðisflokknum og ætlaði yfir í Miðflokkinn.

Hver tekur við?

En Brynjari hafði áður verið rutt til hliðar af flokknum og náði því ekki inn á þing. Hver ætlar þá að minna Sjálfstæðisflokkinn á hægri sjálfstæðisstefnu sína? Sjáum til.

Brynjar hættur: Hefði ekki getað verið án Pírata

ESB- flokkar æða upp!

Ótrúlegt er að sjá hvert stefnir í komandi kosningum, að helsti ESB- flokkurinn gæti fengið Ísland á silfurfati, ef kosningar færu eins og kannanir sýna. Sjálfstæðisflokkurinn ætti ekki að argast í Miðflokknum, sem yrði bandamaður, heldur að stoppa lekann yfir í Viðreisn.

Sjálfstæðisflokk eða Miðflokk

Viðreisn stefnir í ESB, með Evru sem gjaldmiðil og fengi Samfylkinguna og viðhengi sem félaga í það feigðarflan. Þorgerður Katrín er afar ólíkleg til þess að bjarga Sjálfstæðisflokki yfir til sín í stjórn, sem drægi úr völdum hennar. Sjálfstæðisfólk þarf að hafa þetta á hreinu: annaðhvort kýs það XD eða Miðflokkinn, þar sem atkvæði þeirra myndi endurspegla skoðanir þess. Annars sóum við öðrum fjórum árum í eilífðar stagl um það hve Evrópubandalag sósíaldemókrata sé frábært og muni bæta íslenskt hagkerfi og þjóðlíf, sem er alger firra. 

Háir vextir koma af skuldasukki. Þeir lækka sannarlega ekki með Viðreisn og Samfylkingu, sama hvaða gjaldmiðill notaður er.

PS: Skoðið þessa 15 ára gömlu færslu um Þorgerði Katrínu hér.

Átta flokkar næðu inn

Erfiðið út í buskann

Nú í nótt horfði ég út um gluggann á 7. eldgosið á Reykjanesi á árinu 2024 fara af stað og spúa ógnarmagni af gróðurhúsa- lofttegundum út úr sér. Þeir klukkutímar gerðu að engu alla milljarðaeyðsluna, skattana, aukavinnuna, streituna og erfiðið sem almenningur er látinn taka á sig í ár vegna losunartrúar flestra pólitíkusa. Svo ætla þegnarnir að kjósa sömu álögur eða meiri vegna gufutrúarinnar næstu fjögur árin, að fjölga göddunum á sjálfspíningarsvipunni.

Hvað þarf til?

Hvað þarf eiginlega til svo að þið hættið þessu? Gos í Kötlu, Bárðarbungu, Öskju í viðbót við sjö gos á Reykjanesi á ári? Nei, ekkert náttúrulegt virðist virka til þess. Aðalmálið er víst öreindin sem kemur úr púströrum bensín- og dísilbíla á Íslandi. Á meðan hlæja Bandaríkin, Kína, Rússland og Indland alla leið í bankann. 

Gosið gæti varað lengur: Meiri fyrirstaða í gosrásinni

Landsvirkjun fyrir pólitíkusa

Landsvirkjun hagnaðist um 142 milljónir króna á dag árið 2023 og afhendir 20.000 milljónir króna af því í arð núna til gæluverkefna pólitíkusa, eins og í fyrra. Tilgangur þessa ríkisfyrirtækis er að tryggja orkuöflun Íslendinga, en hefur núna um langt skeið vikið frá þeirri stefnu og afhendir drjúgan hluta arðsins einmitt til þeirra sem leggjast hvað mest gegn virkjunum, en sóa fénu m.a. í hælisleitendur, yfirgengilega þróunaraðstoð og loftslagsfár.

Styrkja

Landsvirkjun ætti að standa sterk og tilbúin að mæta alvöru mótlæti í orkuöflum, stórum náttúruhamförum, veðurfarsbreytingum eða vandræðagangi ríkisins varðandi orku almennt. Safna þarf í virkjanasjóð eða greiða niður skuldir enn frekar, setja upp varaaflstöðvar og gera Landsneti það auðveldar að bæta lagnanetið. Viðbúið er annars að kröfur um sérstaka aukna skattheimtu komi strax upp þegar Kötlugos á sér stað, eða aðrir álagsþættir sem komnir eru á tíma.

Virkja

Töluvert fé þarf til þess að koma upp nýjum virkjunum. Landsvirkjun þarf að standa sterk og hætta þessum eltingaleik við tískuþarfir Vinstri grænna eða Pírata hverju sinni, hvað þá gegndarlausa sóun í rannsóknir á lagningu rafstrengs til útlanda, sem einkenndi síðasta áratuginn. Altént hefur Landsvirkjun þá enga ástæðu til þess að hækka rafmagn ætlað heimilunum.

Methagnaður og vilja greiða 20 milljarða í arð

Eitt Ísland á ári

Landamæri Íslands og annarra Schengen- ríkja hafa verið galopin glæpaliði heimsins í óratíma. Núna streyma um 380.000 manns ólöglega inn á svæðið á hverju ári og fylgst er með því m.a. úr flugvél Landhelgis- gæslunnar yfir Miðjarðarhafi.

Galopin landamæri

Mikið er gert úr því hvað Schengen sé mikilvægt fyrir Ísland, eins og það að fá feikimiklar upplýsingar frá Europol um ferðalangana, enda fannst einn ISIS- liði á Íslandi vegna þessa! En sú stofnun veit ekkert frekar en aðrar hverjir eru á leið til Íslands, sbr. tölurnar að ofan. Farþegalistarnir fást ekki einu sinni afhentir frá öllum flugfélögum. Eðlilega velur misyndisfólk sér eftirlitslausustu leiðina hingað. Niðurstaðan er m.a. sú að 75% gæsluvarðhaldsfanga eru af erlendu bergi brotnir. 

Schengen pólitík

ESB- sinnum Íslands hefur gengið vel að leiða þjóðina inn í ginnungargap Evrópusambandsins eftir að skipt var um gír úr áherslu á umsókn yfir í það að gera EES- aðildina að jafngildi aðildar, með aðaláherslu á samþykkt allrar endaleysu sem látlaust streymir frá Brussel.  Schengen- aðild fæst hvorki endurskoðuð né hætt, enda sterkustu stuðningsmennirnir jafnvel innan Sjálfstæðisflokksins. Aðalstuðningurinn er þó auðvitað  hjá Samfylkingunni, sem er nú langvinsælasti flokkurinn. Því er algjörlega öruggt að landamærin og þau mál sem að þeim snúa halda áfram í því ófremdarástandi sem verið hefur sl. 15 ár.

Nema að Miðflokkurinn fá dúndurkosningu?

Afhenda ekki flugfarþegalista

Síðasti séns Svandísar búinn

Nú þykir fullreynt að Svandís Svavarsdóttir er óhæf til ráðherraembættis. Afleiðingar fyrri hörmunga sem hún skóp sem ráðherra hrjá íslenskt þjóðfélag enn, þar sem hún dró lappirnar árum saman að staðfesta tilbúnar virkjanaáætlanir í Neðri- Þjórsá, jafnvel eftir að Hæstiréttur hafði dæmt hana til athafna, en ekkert dugði.

Vanvirðing

Fyrirlitning Svandísar á stjórnsýslu, gildandi lögum og rétti fyrirtækja er á háu stigi, þar sem hún er fulltrúi öfga- vinstri hluta Vinstri grænna sem virðir þessi atriði lítils. Allt sé leyfilegt í þeirri sovésku sannfæringu sem hún er sannur fulltrúi fyrir. Að gefa Svandísi enn annan séns með því að færa henni enn annað ráðherraembætti til þess að klúðra er út í hött.

Slit

Sjálfstæðisflokkurinn verður að slíta þessari svokölluðu ríkisstjórn svo að sannleikurinn um hvíta sykurinn komi í ljós, sérstaklega ótrúlegur fórnarkostnaðurinn af því að láta örsmáan vinstri- öfgahóp halda íslensku samfélagi í gíslingu og sóa uppsöfnuðum gæðum síðustu áratuga í einni svipan.

 

 

Vantrauststillaga á matvælaráðherra

Evrópusósíalisminn tekur flugið

Skoðanakönnun Gallups sýnir að þriðja hver manneskja styður þessa ríkisstjórn, sem stýrt er af flokki vinstri græningja með 6% fylgi, einu prósentustigi frá því að ná ekki inn á Alþingi. Þetta hagkvæmnishjónaband Sjálfstæðisflokks og Framsóknar við VG reyndist alls ekki hagkvæmt, heldur líkara "Mexican standoff", þar sem aðilarnir miða byssum sínum hver að öðrum í biðstöðu.

Sóunin er ekki á bið

Engar lausnir eða aðgerðir eru í sjónmáli. Niðurstaðan er vöxtur sósíalismans, þar með ríkisvaldsins, Evrópureglugerða og skatta á allt sem hreyfist, enda kostar óendanleg fjármunasóun ríkisins sitt. Loftslagsfárið, þróunaraðstoð, hælisleit og annað sýnir hvernig þessi ríkisstjórn hefur misst flest úr böndunum. Afdrifaríkasta dæmið er þó virkjana- og rafmagnslínuleysið, sem VG hefur komið á, með sauðskinnsskóinn á bremsunni allan tímann. Hún endar eflaust á því að troða vindmyllum út um náttúruna, sem er versta og óskilvirkasta lausnin og leysir ekki orkukreppu. 

Sósíalismi

Vaxandi vinsældir Samfylkingar sósíaldemókratanna sýna, að ekkert lát yrði á þessum loforðaflaumi og skattaáþján ef til kosninga kæmi. Því miður hafa hálfsystur þeirra í Sjálfstæðisflokknum náð verulegum völdum innan flokksins og því hætta á Viðreisnarstjórn, enda fengi Viðreisn að fljóta með í slíkri óstjórn til að mynda meirihluta Evrópusósanna. Eitt helsta mótvægið er Miðflokkurinn með sína hægri sjálfstæðisstefnu og eykur fylgi sitt á kostnað XD. 

Góði punkturinn væri sá að Svandís Svavarsdóttir kæmist varla að í að valda enn einu tjóninu í ráðherrastóli.       

Fylgi Sjálfstæðisflokksins aldrei minna

Þarfleysuþrennan

Hælisleitendur, þróunaraðstoð og kolefnislosun eru þau þrjú svið sem eru farin að kosta ótrúlegar fjárhæðir og mætti kalla „Þarfleysuþrennuna“, þar sem alger óþarfi er að eltast við þau.

Ríkið er allt

Ný kynslóð vex núna úr grasi, þar sem trúin á almætti hins opinbera fóstraðist vel eftir Hrunið. Stjórnmálafólk hefur valist eftir því, hve miklu þau lofa í að sinna hverri þeirri hugsjón sem nýir kjósendur vakna með þann daginn. Áður var áherslan á grunnþætti samfélagsins, þar sem vel tókst til að byggja upp ýmiss traust kerfi okkar litlu þjóðar. En hagsældin ól af sér þá hugsun, að gæsku og getu ríkis og sveitarfélaga séu engin takmörk sett, bara nefna það og tekin voru lán á lágum vöxtum í ofgnótt framboðs lánsfjár síðasta áratugar.

Skera burt

En nú er öldin önnur og mál er að herða ólina þegar vaxtastig og verðbólga rýkur upp og loforðaflaumurinn er orðinn óstöðvandi, þar sem þessi þrjú ofangreind svið hrópa mest á athygli. Hvernig hægt er að láta málefni hælisleitenda kosta okkur meira en fór í byggingu nýja Landspítalans á síðasta ári er með ólíkindum. Flest Evrópuríki hunsa núna Schengen- reglur og sinna eigin landamærum af viti með takmörkun hælisleitenda- flóðsins, en ekki Ísland. Í þessu er auðveldast að segja stopp.

Vanþróun

Þróunaraðstoð er tímaskekkja, þar sem ímyndin um góða fólkið sem gefur sveltandi börnum brauð í Biafra heldur áfram að moka skattpeningunum okkar til spilltustu ríkja jarðar. Nú hefur Sjálfstæðisflokkurinn gripið þetta óheillakefli á lofti af Samfylkingunni og hleypur með það um heiminn, lofandi tvöföldun sóunarinnar. Fokið er í flest skjól.

Afleitur kostnaður

Kolefnisfárið er kirsuberið á toppi þarfleysunnar, sérstaklega hér á Íslandi. Öllu hugsandi fólki sem kynnir sér málið er ljóst, að Ísland breytir engu um hitastigið í heiminum. Það þarf í raun ekki að ræða þá staðreynd. En nú er þessi bábilja látin kosta okkur vinnu, tíma  og peninga í flestum þáttum daglegs lífs. Afleiddur kostnaður og óþarfa óþægindi af þessari misskildu hugsjón er með endenum. Þó er sagt enn „You ain‘t seen nothing yet“ eins og Forseti Íslands forðum.

Ofureyðsla

Upphæðirnar sem um er að ræða í Þarfleysu- þrennunni eru ofar skilnings flests fólks. Árið 2023 = 12 milljarðar króna plús 15 ma. plús ómælt. Spara mætti líklega 70 milljónir króna á hverjum degi hjá ríki og sveitarfélögum samanlagt með því að skrúfa þessi málefni niður í tíund af því sem þau taka til sín í dag. Þá þarf ekki að hækka skatta frekar, sem er öruggt að gerist ella. Því má treysta.

Lærið um aðhald hjá Þjóðverjum

Æðsti stjórnsýsludómstóll Þýskaland sló ofurskuldsetningu ríkisstjórnar út af borðinu, en hvað gerist hér? Mikil er gjafmildin á fé annarra hjá íslenskum ráðamönnum. Bjarni Benediktsson utanríkisráðherra vill nú tvöfalda það sem sólundað var í erlent þróunarstarf í fyrra, en það voru um 50 milljónir á hvern vinnudag ársins 2022, rúmar 6 milljónir á tímann. Það þykir víst ekki nóg, nú stefnír í að hækka það stöðugt og gefa 12,5 milljónir á vinnustund í Utanríkis- ráðuneytinu árið 2035 í óskilvirkasta bruðl sem hugsast getur, alls 24 þúsund milljónir króna það ár, ef þjóðarframleiðsla Íslands heldur.

Afturför á fullu

Sjálfstæðisflokkurinn hefur vanþróast út í það að vera kyndilberi sóunar í loftslagsmál eða til spilltustu þjóða jarðar í gegn um þróunaraðstoð, hvorttveggja dæmalaus svið eftirlitslítils peningaausturs eins og dæmin sýna. Markmiðum gjafanna verður aldrei náð, því að þau eru eins þokukennd og bókhaldið sem ætti að halda utan um austurinn. Ekki er heldur sparað í málefnum hælisleitenda, en það er nóg efni í heila bók.

Dýr atkvæði

Þau eru dýr atkvæðin sem flokkurinn reynir að kaupa af Samfylkingarfólki og ESB- armi XD með þessum aðgerðum sínum. Eða þá herkostnaðurinn af því að vera í þessari ríkisstjórn með Vinstri grænum. Aðhald heyrir víst fortíðinni til.

Hafnaði 60 milljarða evra fjárveitingu

RÚV og hryðjuverkin

Hvað þarf að koma til þess að RÚV kalli hryðjuverkasamtök sínu rétta nafni? Ekki virðist nóg að þau afhöfði 40 smábörn, hópnauðgi konum, elti uppi og myrði 250 ungmenni á tónleikum, ráðist á næstu þjóð með eldflaugaregni, taki 100 borgara í gíslingu og hóti lífláti. Áður vissum við að þau hengi samkynhneigða þegna sína í krönum. En ekkert af þessu hefur dugað til þess að RÚV kalli samtökin hryðjuverkasamtök eins og Evrópa og BNA gerir. Þess í stað koma óbeinar réttlætingar á illvirkjum þeirra.

Gerum kröfu til þess að RÚV, sem þiggur milljarðana okkar, kalli hlutina sínu rétta nafni. Annars er það enn ein ástæðan til þess að loka þessar „frétta“- stofu nú þegar.

Stríðsverk sem endurspegla forna illsku

Borgarstjóri Krísuvíkur á fullu

Öflugustu andstæðingar orkuskiptanna eru Dagur B. Eggertsson borgarstjóri og meirihluti borgarstjórnar. Það kemur skýrast fram í því að nýorkubílar hafa selst mjög vel síðustu ár, allt að 70% nýrra fólksbíla, á meðan Reykjavíkurborg hamast gegn fjölskyldubílnum af hörku.

Vilja nota bílana

Fólkið mun nota þessa nýju bíla sína, ekki láta þá bara fyrnast á planinu á meðan það fer í strætó. Bílasölumet hafa ítrekað verið slegin síðustu árin, sem er í hróplegu ósamræmi við ídealísk umferðarflæðiplön Dags & Co., sem byggja á úreltri hugmyndafræði. Hér eru spárnar þeirra frá 2012, sem fóru þveröfugt við raunveruleikann hingað til. 

Peningum mokað fyrir götuna

Ótrúlegur peningaustur borgarinnar í Strætó í rúman áratug ætti að hafa valdið því að það kerfi yrði lagt niður, en öðru nær: Tífalda eða tuttugufalda á þann mokstur í 4% ferðalanga Reykjavíkur í Borgarlínu sem mun stöðva umferð svo hrikalega að Reykjavíkurborg fær gælunafnið Krísuvík. Það nafn er nú að festast á henni vegna fjármálaóstjórnar sömu aðila.

 

Rafbílarnir rjúka nú út

Gervigreind með CO2 á hreinu

Ég ræddi áðan við gervigreindina OpenAI um það hvenær losun koltvísýrings fer að virka, eftir áratugi eða aldir. Ástæðan er sú að SÞ- skýrslurnar sýndu áður að ferlið tæki áratugi upp í þúsundir ára, en aldrei er minnst á þetta mikilvæga atriði þegar við erum skattlögð upp í rjáfur fyrir daglegt líf okkar. Spurningin og svarið er hér, með heildarniðurstöðu í lokin (feitletranir eru mínar):

Hver er tímaáætlunin sem það tekur fyrir losun CO2 að verða gróðurhúsalofttegund, í gegnum höf og heimsins færiband? Áratugir, hundruð ára?

ChatGPT svar:

"Tímaáætlun þess að losun CO2 verði gróðurhúsalofttegund í gegnum höf og færiband hafsins á heimsvísu getur verið allt frá áratugum til alda, allt eftir ýmsum þáttum. Þegar CO2 er sleppt út í andrúmsloftið frásogast hluti þess í sjónum með ferli sem kallast kolefnisupptaka sjávar. Þetta frásog á sér stað við snertifleti lofts og sjávar, þar sem CO2 leysist upp í yfirborðsvatn hafsins. Þegar komið er í höfin, eru afdrif hins frásogaða CO2 háð nokkrum þáttum, þar á meðal hringrásarmynstri sjávar, líffræðilegum ferlum og efnahvörfum. Hnattræna haffæribandið, einnig þekkt sem thermohaline hringrásin, gegnir hlutverki við að dreifa frásoguðu CO2 um djúphafið.

Tíminn sem það tekur fyrir frásogað koltvísýring að streyma í gegnum alþjóðlegt færiband hafsins og ná til dýpri sjávarlaga getur tekið nokkra áratugi til alda. Þetta er vegna þess að djúpsjávarhringurinn er tiltölulega hægur, þar sem vatnsmassar taka langan tíma að ljúka ferð sinni um alþjóðlega færibandið. Þar að auki geta líffræðilegir ferlar í hafinu, eins og ljóstillífun með gróðursvifi og sökk lífrænna efna í kjölfarið, haft áhrif á flutning kolefnis frá yfirborði til dýpri sjávarlaga. Þessi ferli geta enn frekar tafið þann tíma sem það tekur fyrir CO2 að bindast í djúphafinu.

Það er mikilvægt að hafa í huga að þó að hafið virki sem verulegur kolefnisvaskur og gleypi umtalsvert magn af CO2 af mannavöldum, bindur það ekki CO2 endalaust. Á lengri tíma getur frásogað CO2 að lokum losnað aftur út í andrúmsloftið með ýmsum aðferðum, svo sem uppstreymi og náttúrulegum ferlum kolefnishringrásar.

Þegar á heildina er litið er ferlið þar sem losun koltvísýrings verður að gróðurhúsalofttegund í gegnum hafið og færiband hafsins á heimsvísu flókið og tímaháð fyrirbæri, sem tekur allt frá áratugum til alda þar til CO2 sem frásogast er að streyma og hugsanlega losna aftur út í andrúmsloftið."

Algerlega útilokað er að mæla áhrif kolefnislosunar fólksbíla á Íslandi á umheiminn. Enda eru þau brotabrot af krækiberi í helvíti, sem ferðast um heimsins höf í hundrað ár.

 

Eini möguleikinn til breytinga

Niðurstaða borgarstjórnar- kosninganna er skýr: borgaralegir flokkar myndu taka til í borginni, en aðeins einn möguleiki er til þess, með Sjálfstæðisflokki(XD), Framsókn, Viðreisn og Flokki fólksins, 6+4+1+1= 12 borgarfulltrúar. Annað er vinstri sinnað fólk sem útilokar samstarf við XD, eða yrði ómögulegt í því samstarfi. Viðreisn og Flokkur fóksins er með pálmann (í Vogum?) í höndunum, í oddaaðstöðu um borgarstjórnarmyndun. Því mun Hildur Björnsdóttir ganga á eftir þeim með grasið í skónum, þrátt fyrir að hún segi "alls konar möguleika á teikniborðinu". Ekki eru þeir möguleikar sýnilegir eða fýsilegir.

Borgarlínan frestast eða útvatnast líklega með ofangreindri borgarstjórn. Enn meiri fjáraustur færi í Strætó- hítina miklu, en kannski tækist þannig að bjarga götunum og að fá Sundabraut fljótar inn. Viðreisn er vonandi öðruvísi í borginni en í þjóðmálum, þar sem gengið var óvænt úr stjórn eitt kvöldið og stjórnin sprengd án viðvörunar. Þessi borgastjórn gæti því stöðugt tiplað um á jarðsprengjusvæði duttlunganna.

En sjáum til, hér er von.

 

Hildur segir forgangsmál að komast í meirihluta

XD= 80% gegn Borgarlínu

Ný skoðanakönnun Prósents um Borgarlínu og þéttingu byggðar í Reykjavík sýnir hvellskýra andstöðu kjósenda Sjálfstæðisflokks (XD) og Miðflokks við hvort tveggja. Af þeim sem tóku afstöðu, þá eru 80% af XD andvíg Borgarlínu og 73% gegn þéttingu byggðar. Miðflokkurinn er ennþá meira afgerandi þarna megin.

Kjósendur Samfylkingar eru hins vegar nær algerlega fylgjandi hvoru tveggja, af þeim sem afstöðu tóku, 98% Borgarlínu og 91% þéttingu byggðar. Vinstri græn eru líka þeim megin, 92% fylgjandi Borgarlínu og 72% með þéttingu byggðar.

Ekkert er að marka orð Dags B. Eggertssonar borgarstjóra um að kjósendur Sjálfstæðisflokksins séu klofnir í þessum málum, sbr. tölurnar hér að ofan. Ný forysta flokksins hlýtur að fylgja afgerandi vilja sinna kjósenda, þegar ljóst er að skoðanir þeirra standa beint gegn ríkjandi meirihluta og flokkurinn þurfi að komast í aðstöðu til þess að breyta ríkjandi stefnu meirihlutans í borginni.

Eftirgjöf hér þýðir uppgjöf, eins og amk. síðasta áratug.

Göturnar leiða til bílastæða

Ég fæ ekki skilið hvernig Hildur Björnsdóttir, frambjóðandi í oddvitasæti Sjálfstæðisflokksins í borgarstjórnar- kosningunum framundan, fékk sig til þess að styðja tillögu meirihlutans í borginni nýverið um 3000 bílastæða fækkun í miðborginni. Þetta gerðist í blóra við vilja flokksins og er skýr stuðningur við óheillastefnuna við lýði í borginni, að úthýsa bílum, sama þótt þeir séu rafmagnsbílar eður ei. Sú gerð er raunar plássfrekari en aðrir, þannig að auka ætti við pláss undir bílastæði ef eitthvað er, ekki að taka þau burt.

Gegn skipulagi Dags

En hver er sinnar gæfu smiður. Það og fagurlega orðaður stuðningur við Borgarlínu og 15 mínútna bílastæðalaus hverfi er klárlega ekki sú stefna sem oddviti Sjálfstæðisflokksins þarf að fylgja til þess að við eigum möguleika að brjóta áralanga villistefnu Dags & Co. í skipulagsmálum á bak aftur. Ég gleðst yfir því að mótframbjóðandinn um oddvitasætið, Ragnhildur Alda María Vilhjálmsdóttir er með þetta á hreinu í Viðskiptablaðinu: 

"Það þarf að nálgast samgöngumálin kreddulaust og innleiða snjöll umferðaljós sem munu bæta umferðarflæði allra óháð samgöngumáta og láta af fækkun bílastæða."

Það vill nefnilega svo til að göturnar leiða að bílastæðum, sem verða að vera fyrir hendi svo að umferðin stíflist ekki. Núverandi meirihluti vill ekki að umferðin sé til, en tími er til kominn að 80% ferðalanganna láti í sér heyra. Tækifærið er núna.

Framlengja misheppnað 10 ára tilraunaverkefni?

Eitt mesta sóunarklúður síðasta áratugar rann sitt skeið núna með nákvæmlega engum árangri, eflingu almenningssamgangna á höfuðborgarsvæðinu. Tíu milljörðum króna var kastað á glæ, samt tapaði strætó ár eftir ár og sama hlutfall strætóferða árs af heildinni er meitlað í stein, 4 prósent.

Ekkert lært

Hvað lærðu ráðamenn í borginni svo af þessari rándýru og bitru reynslu? Ekkert og ræða svo núna um að framlengja fáránleikann um tólf ár! Þetta bætist við 100 milljarða króna moksturinn framundan í Borgarlínu, sömu 4% og hér að ofan. Þvílík misnotkun á umboði til athafna. Enginn vandi er að finna ódýrar lausnir á ferðaþörf fjögur prósentanna fyrir brotabrot af þessum fjáraustri. 

Bætum umferðarflæði og skrúfum fyrir skuldaaukningu borgarinnar. Við verðum öll ánægðari fyrir vikið.

Tíu ára áætlunin til endurskoðunar