Smjörþefur af framtíðinni

Núna voru sömu menn handteknir og ítrekað höfðu reynt að smygla sér út í skip hjá Eimskip, líklegast flóttamenn. Á sama tíma krefjast 78 milljónir Tyrkja frjálsra ferða um Schengen- svæðið sem Ísland er því miður enn hluti af, en ESB mun án efa samþykkja það enda stillt upp við vegg af Erdogan forseta Tyrklands.

 

Svona uppákomur verða daglegt brauð ef Ísland verður ekki tekið strax úr Schengen.

Handteknir á lokuðu hafnarsvæði

Viðreisn án ESB?

Hér er frétt frá 2014 um fyrirhugaða stofnun Viðreisnar, sem vill ljúka aðildar- viðræðum við ESB, á vegum Benedikts Jóhannessonar ofl.

Undarlegt hvað allt um ESB hverfur núna, líka hjá Guðna Th.!

Benedikt formaður Viðreisnar

Borgin í útrás mannréttinda

Reykvíkingar sem greiða útsvar sitt til borgarinnar mega vænta þess að borgarstjórn dreifi úr gæsku sinni út um Evrópu fyrir þeirra hönd. Engin landamörk eru á því hvert Reykjavík beinir sínu fé, frekar en áliti á stjórmálum í öðrum löndum. Sú var tíðin að borgarstjóri átti að gæta fjár borgarbúa og hagsmuna þeirra, en útþensla hins góða á sér víst engin mörk.

Langflest okkar hljótum að vera hlynnt störfum Þórunnar Ólafsdóttur, en ég hélt bara í einfeldni minni að félög eða einstaklingar sem bæti mannréttindi í Reykjavík ættu að hljóta Mannréttindaverðlaun Reykjavíkurborgar.

Þórunn hlaut Mannréttindaverðlaunin

ESB- aðildarþátturinn búinn

Nú fer fylgi stjórnmálaflokka að verða eðlilegra þegar ESB- aðild er orðin óhugsandi og hætt að kljúfa alla flokka í herðar niður, en hefur náð að leysa upp Samfylkinguna sem hafði ESB- aðildina að aðalmáli.

Píratafylgi Birgittu?

Píratar eiga þó eftir uppgjör innan forystunnar, þar sem afar ólíklegt verður að teljast að ólíkindatól á við Birgittu geti leitt flokkinn til mikils fylgis til lengdar. Hófsamara fólk innanum hjá Pírötum getur eflaust hugsað sér samvinnu við Sjálfstæðisflokkinn ef til þess kæmi, en ef sósíal- anarkísk stefnumál flokksins koma skýrar í ljós, þá verður slík samvinna ólíklegri. 

Skýrara til vinstri?

Fylgi Vinstri Grænna virðist verulega tengt Katrínu Jakobsdóttur. Hreinir sósíalistar hafa síast úr öðrum flokkum til VG, þannig að miðjan sem var breið er núna í megrun. Flokkar þurfa að skerpa línurnar frekar ef þeir ætla að ná árangri. Sjálfstæðisflokkurinn er með skýra stefnu, en aðallega mæðir á Pírötum að aðlaga ídealísk stefnumál sín að raunveruleika fólks. Það yrði stórslys ef innantóm slagorðin verða ofaná og Píratar/VG mynda sósíalistastjórn sem vill umbylta lífi þegnanna. Lífi sem er bara nokkuð gott án byltingar þeirra.

Taflið er að snúast við

Nú reynir á Tyrkjasamning ESB og á Schengen

ESB gerði afarsamning við Tyrki í mars sl. þar sem "leitast yrði við" að veita 78 milljón Tyrkjum áritanalaust aðgengi að Schengen- svæðinu og þar með Íslandi frá júní 2016. Nú þegar líður að þeim tíma er þetta eina atriði ófrávíkjanlegt skilyrði Tyrkja, þannig að samningurinn um flóttamannaskiptin við ESB falli niður nema að Tyrkir fái að valsa óhindrað um Schengen svæðið. 

Lok Schengen

Nú heldur enginn málsmetandi ESB- talsmaður því fram að ytri landamæri Schengen- svæðisins haldi í dag, enda streymdi milljón manns inn á sl. 9 mánuðum. Þessa tilraun til samnings við Tyrki hér að ofan má líta á sem síðasta naglann í Schengen- kistuna, því að þvingaðar tilfærslur lítils hluta flóttamannanna sem sækja á Evrópulönd verða þá til óhindraðs straums Tyrkja um Evrópu, einmitt frá því landi þar sem mesta streymið frá stríðshrjáðu ríkjunum í kring er um.

Tyrkjaflóðið

Ef Ísland væri ekki í Schengen og einhver styngi upp á aðild í dag þá teldi fólk að sá hinn sami væri ekki með öllum mjalla. En að losa okkur út úr þessu Hótel Kaliforníu- dæmi ætlar að reynast þrautin þyngri. Það verður samt að gerast áður en Tyrkjaflóðið hefst.

 

 

Merkel á ferð um flóttamannabúðir

Stærðar aspir ber að fjarlægja

Eigandi risa- aspar sem felld var á jaðri garðs hans ætti að athuga ábyrgð á eigin gjörðum áður en hann kærir. Það er ábyrgðarhluti að láta aspir vaxa úr sér í ofurhæð inni á lóð og láta ræturnar teygja sig út um allt, enda ekki í samræmi við reglugerðir. Ef nágranninn býðst til að sjá um þetta frítt, þá er það hið besta mál.

Myndin tengist ekki þessari færslu á beinan hátt.

Hér er úr byggingarreglugerð til skemmtunar:

7.2.2. gr. Tré og runnar á lóðum.  Ekki má planta hávöxnum trjátegundum nær lóðarmörkum aðliggjandi lóða en 4,0 m. Við staðsetningu trjáa á lóð sem ætlað er að vaxi frjáls skal taka tillit til skuggavarps á viðkomandi lóð og nágrannalóðum. Sé trjám eða runnum plantað við lóðarmörk samliggjandi lóða skal hæð þeirra ekki verða meiri en 1,80 m, nema lóðarhafar beggja lóða séu sammála um annað. Ef lóðarmörk liggja að götu, gangstíg eða opnu svæði má trjágróður ná meiri hæð, enda komi til samþykki veghaldara eða umráðaaðila viðkomandi svæðis.

Lóðarhafa er skylt að halda vexti trjáa og runna á lóðinni innan lóðarmarka. Sinni hann því ekki og þar sem vöxtur trjáa eða runna fer út fyrir lóðarmörk við götur, gangstíga eða opin svæði er veghaldara eða umráðamanni svæðis heimilt að fjarlægja þann hluta er truflun eða óprýði veldur, á kostnað lóðarhafa að undangenginni aðvörun.

Gunnar Nelson kærður til lögreglu

Stuðningur við Bjarna, Ólöfu og stóru málin

Áslaug Arna Sigurbjörnsdóttir var gestur á aðalfundi Félags Sjálfstæðis- manna í Nes- og Melahverfi í Valhöll í dag. Hún fór vel yfir atburði síðustu daga og lýsti mikilvægi þeirra mála sem ná þarf fram sem allra fyrst, svo sem húsnæðismála ungs fólks. Stjórn og félagsmenn voru sammála um það hve krefjandi tímar eru framundan fyrir þjóðina og þar lætur vonandi sjálfstætt fólk í sér heyra um lausn stóru málanna.

Fundurinn tekur heilshugar undir stuðning annarra Sjálfstæðisfélaga við forystuna í baráttunni og samþykkti samhljóða ályktun þeirra:

Fé­lag Sjálf­stæðismanna í Nes- og Melahvefi í Reykja­vík lýs­ir yfir full­um stuðningi við formann og vara­formann flokks­ins, Bjarna Bene­dikts­son og Ólöfu Nor­dal. Þau hafa á skýr­an og full­nægj­andi hátt gert grein fyr­ir sín­um per­sónu­legu fjár­mál­um. Það ætti því ekk­ert að geta komið í veg fyr­ir að þau vinni áfram að heil­ind­um að þeim mik­il­vægu mál­efn­um, sem nú­ver­andi rík­is­stjórn Íslands vinn­ur að til hags­bóta fyr­ir land og þjóð.

Tíminn er naumur, komum málunum áfram.

Á myndinni sjást nokkrir félagsmenn og stjórnarmeðlimir ásamt Áslaugu Örnu eftir fundinn. Smella þarf á myndina til þess að stækka hana.

Sígandi lukka best fyrir Íslendinga

Veðrið stöðvaði ekki börnin

Páskaeggjaleit fór fram á Ægisíðu í dag (sjá myndir) á vegum Sjálfstæðisfélaganna í Vesturbæ, Miðbæ og Austurbæ. Veðrið beið eftir okkur, Kjartan Magnússon bauð fólk velkomið og á mínútunni eitt skall á hressileg hryðja.

En börnin fundu samt skrautleg hænueggin í útihreiðrum víðsvegar og krakkarnir skiptu þeim fyrir súkkulaðiegg. Svo var húlakeppnin og eggjakapphlaup að venju með stórum súkkulaðieggjum í verðlaun. Gaman að sjá atorkuna í þessu framtíðarfólki.

Þurrt og hlýtt um páska sunnantil

Pólitíkus eða veðurstofustjóri

Frétt Alþjóða- veðurfræði- stofnunarinnar um loftslagið sýnir glöggt hvernig pólitíkin fór með vísindin. Nú fullyrðir forstöðumaðurinn án nokkurra refja að ástand heims- veðursins sé eins og það er vegna losunar gróðurhúsa- lofttegunda. Enginn vafi, engin hugsanleg hlutföll, bara bein yfirlýsing um orsök heimsveðursins. Sólin, sagan, vatnsgufan, virkni úthafanna og allt hitt sem hefur áhrif á þessa flóknustu jöfnu sem til er kemur málinu ekki lengur við. Hversu óvísindalegir geta menn orðið?

Loftslags- vísindasamfélagið

Síðan má sjá hvaða samfélag þetta hefur áhrif á: Samfélag loftslagsvísinda (-fólks). Nú veltir maður fyrir sér hvort kosið verði pólitískt í stöður hjá Veðurstofu Íslands, ef yfirlýsingagleði opinberra aðila verður álíka hér og erlendis. Eða eru kannski allir orðnir samdauna í loftslagsboðskapnum, Gott fólk?

“The alarming rate of change we are now witnessing in our climate as a result of greenhouse gas emissions is unprecedented in modern records,” said Mr Taalas.

“The startlingly high temperatures so far in 2016 have sent shockwaves around  the climate science community,” said David Carlson, Director of the World Climate Research Programme, which is co-sponsored by WMO.

Fordæmalausar loftslagsbreytingar í ár

Amnesty vegna ESB- Tyrkjasamnings: Sykurhúðuð blásýrutafla

Afarsamningur sem ESB gerði í gær við Tyrki fyrir Íslands hönd sem Schengen- ríkis er stórhættulegt mannréttindabrot að mati Amnesty og annarra félaga sem annt er um mannréttindi farandfólks og flóttamanna. Evrópustjóri Amnesti segir þetta „...eins og sykurhúðun blásýrutöflu sem flóttamannavernd í Evrópu hefur nú verið neydd til þess að gleypa“.

Hliðargrein samningsins

Fangabúðir í Grikklandi og skipti á Sýrlendingum 1 fyrir 1 er hluti af þessum ógeðfellda samningi, þar sem flóttafólk er orðið gjaldmiðill í stórpólitík ESB við Tyrki. Nær enga athygli hlýtur því eðlilega hliðarsamningurinn, að 78 milljónir Tyrkja fái áritanalaust aðgengi að Schengen- svæðinu og þar með Íslandi eftir þrjá mánuði, ef fjöldi skilyrða er uppfylltur. Auk þess verður nýr kraftur settur í aðild Tyrkja að ESB.

Schengen er firra

Á meðan er Ísland enn aðili að Schengen- svæðinu og enn finnast einhverjir miðstýringarsinnar sem halda að við ættum að gerast aðilar að ESB. Maður þarf að vera með bundið fyrir augun og með tappa í eyrunum til þess að halda áfram þeirri firru. Gerum nú gangskör að því að fá ráðamenn til þess að segja Ísland strax úr Schengen og að draga ESB- umsóknina formlega til baka, svo að forða megi okkur frá fári þungu.

Ráðamenn ESB spyrja hvort eð er aldrei Íslendinga að neinu áður en þeir ákveða eitthvað sem máli skiptir.

 

 

Taka við 72 þúsund Sýrlendingum

Fá 78 milljón múslima áritanalaust aðgengi að Íslandi?

Nú snúa Tyrkir upp á hendi ESB í málum farandfólks og vilja rétt til frjálsra ferða um Schengen- svæðið, þ.á.m. til Íslands, án vegabréfsáritunar. ESB íhugar þetta og þvertekur alls ekki fyrir þennan möguleika.

Þar með fengju 78 milljón manns (yfir 99% múslimar) þennan rétt, ef ESB gefur eftir til þess að leysa úr flóttamanna- vandræðum Schengen- svæðis síns, sem við erum enn að þvælast í. Þessi aðgerð yrði samþykkt af ESB fyrir okkar (eða ykkar) hönd!

Frétt Bloomberg

 

 

Sjá frétt BBC.  

"...visa-free access to Schengen countries."

Margar hindranir enn í veginum

ESB með öll spil á hendi

Engar líkur eru á því að ESB gefi eftir í makríl- kröfum sínum gagnvart Íslandi til þess að við styðjum viðskiptabann þeirra á Rússland. Öðru nær, ESB er hæstánægt með þá þróun mála að Íslendingar fái ekki fullt verð fyrir makrílinn sem þeim finnst við stela frá þeim þótt að fiskurinn fitni mest hér við land. 

Niðurstaðan er því sú að ESB heldur áfram á fullu að flytja inn ódýra olíu og gas frá Rússum og en gera sig breiða á alþjóðavettvangi á okkar kostnað á meðan bisniss gengur vel á milli þeirra og Rússana.

Við styðjum ekki viðskiptaþvinganir. Þær pína almenning á staðnum og standa gegn grundvallar- prinsippum sjálfstæðisins.

Vill að nefndin álykti um samstöðu

Utanríkisráðherra taki eftir

Það er gleðiefni að fjárfesting í vinnslu á uppsjávarfiski eigi sér stað, þrátt fyrir stuðning utanríkisráðherra við viðskiptabann á Rússland, sem hefur þyngt róðurinn í þeim geira verulega. Vinnslustöðin í Vestmannaeyjum hlýtur því að vænta þess að ráðherrann beygi af í sínum rándýru prinsippum til stuðnings ESB- Úkraínu og dragi stuðninginn við viðskiptahindranir ESB til baka. En hann hefur náttúrulega allt 10% fylgi síns Framsóknarflokks að verja! Hvar væri fylgið ef ekki væri stuðningurinn við ESB- viðskiptahindranir?

Flokkur sem telur sig til landsbyggðarinnar getur ekki haldið þessu áfram, að veikja undirstöður byggðanna með barnslegri þvermóðsku í pólitík. Eða jú, gerið það bara og sjáum hvort Sjálfstæðisflokkurinn taki þá ekki af skarið og hætti þessum stuðningi við viðskiptahindranir svo að bisniss og byggðirnar megi blómgast í friði.

 

 

Ný fiskvinnsla í Eyjum

Schengen verður ekki afgerandi varið

Augljóst er að ytri landamæri Schengen- svæðisins verða ekki tryggð á afgerandi hátt, það staðfestist á þessum ágæta fundi í dag. Frontex landamæraeftirlitið er ekki með eigið fólk eða búnað á landamærunum, heldur metur stöðuna hverju sinni og fær fólk frá aðildarlöndum til þess að fara á "heita reiti" sem Frontex greinir á þessum 597 flugvöllum, 12.500km landamærum á landi en 69.342km á sjó, með yfir 3000 eyjum! Um þetta fara 675 milljón farþegar á ári. En hvert ríki á ytri landamærunum á að sjá um þau.

Gatasigti áfram

Þessi aðferð við að gæta landamæra okkar hlýtur að teljast umdeilanleg, enda komust líklega um 100.000 manns óskráðir inn á svæðið í fyrra skv. öðrum tölum. Ríkin enduðu flest með að gæta sinna landamæra náið, þótt fyrirlesara þætti það draga úr styrk ytri landamæranna. 

Strax úr Schengen

Nýjustu tölur sýna að farandflóðið er á fullu. Því fyrr sem við yfirgefum Schengen- samstarfið, því betra, þar sem kunnuglegt ESB- tal um nýja yfirstjórn, nýja stofnun og meiri völd og fé þangað þýðir minni skilvirkni fjárins hjá okkur, enda kaldur reitur.

 

 

Efast um endurreisn innri landamæra

72,5% með flugvellinum

Stuðningsmenn flugvallarins í Vatnsmýri eru 2,63 sinnum fleiri en andstæðingarnir. Þessi stuðningur nærri þriggja af hverjum fjórum landsmönnum sem afstöðu tóku verður aðeins túlkaður sem skýr stuðningur við veru vallarins og að best sé að snúa sér að öðrum þarfari málum, frekar en að reyna að snúa út úr þessum niðurstöðum.

Yfirgnæfandi stuðningur

Síðan kemur Heiða Kristín Helgadóttir í sjónvarpið með þá snilli að stuðningurinn sé að breytast og að það vanti valkosti! Ef stuðningurinn breyttist í núverandi stöðu þá er enn vitlausara það sem hún studdi, aðgerðir Dags og félaga til að bola neyðarbrautinni burt þegar andstaðan var enn meiri en nú, sem er yfirgnæfandi. Heiða Kristín lætur eins og fólk þekki ekki málið og valkostina, þegar flestum virðist ljóst að það er enginn kostur að leggja völlinn niður, enda verður hann ekki fluttur.

 

 

Stuðningur við flugvöllinn minnkar

Óbifanlegur með axarskaftið

Utanríkisráðherra heldur sig við axarskaftið sitt, að draga úr þjóðarframleiðslu og að valda spennu við vinaþjóðir með fylgni í blindni við ESB- viðskiptabann á Rússland. Þetta er eitt skýrasta dæmi nútímans um það hvernig mistækum stjórnmála-mönnum tekst að eyðileggja uppbyggingar- starf fyrri áratuga, sem miðaði t.d. að því að hámarka virði íslenskra sjávarafurða til manneldis fyrir almenning í Rússlandi.

Sjálfsagður þrýstingur

Þó það nú væri að maðurinn verði beittur þrýstingi vegna þessarar arfavitleysu sinnar! Hve margar ræður hafa verið haldnar á vegum ráðuneytis hans þar sem pólitíkusar tala um að þeir geri flest til þess að aðstoða útflytjendur íslenskra vara í sókn sinni á erlenda markaði? Þeir gera það um tíma en venda svo kvæði sínu í kross og senda okkur í útlegð og hanga svo á vitleysunni eins og hundur á roði.

ESB þrýstir ekki á

Rússar munu ekki "skila" Krímskaga frekar en Úkraínumenn þegar þeim var honum gefinn. Þrýstingur okkar á Rússa er hvort eð er nær enginn og sérstaklega þegar haft er í huga að t.d. erlend orka til Þýskalands á síðasta ársfjórðungi kom 70% frá Rússlandi. Það er nú allur þrýstingurinn! Hver heldur að sú þjóð og þar með allt ESB vilji beygja Rússa frekar? En við sitjum öll eftir með sárt ennið þar sem utanríkisráðherra í þrjóskukasti vill ekki líta út þannig að hann hafi gefið eftir. 

Ef einhver með viti snýr þessari ESB- fylgni við þá hefur það mjög jákvæð áhrif á hagkerfið Ísland.

 

Hefur orðið fyrir miklum þrýstingi