Maraþonröð

Hið ágæta Reykjavíkurmaraþon átti erfiða byrjun í Laugardagshöllinni í eftirmiðdag föstudagsins. Skipulagið var svo undarlegt í þetta skipti að metfjöldi fólks sem höfðu skráð sig á netinu þurftu að hanga í röðum tímunum saman til þess eins að fá afhent gögnin sem voru tilbúin. Óþarfa klúður sem verður vonandi aldrei endurtekið. Sem betur fer var ég í nýskráningu en þar var bara hálftíma röð.

Í ofanálág voru fá bílastæði laus vegna þessa fyrir utan en bílastæðavörður á fullu að rukka!

Metþátttaka í maraþoni

Athugasemdir

[Theódór Norðkvist, 20.8.2011 kl. 01:06]

Þú ert harður í hlaupunum, leitt að þurfa að standa í svona veseni út af slælegu skipulagi. Þar sem fólk þarf að borga skráningargjald, verður að ætlast til að svona hlutir séu í lagi.

Ég hefði viljað taka a.m.k. tíuna, en hef bara ekki tíma um þessar mundir. Tek fram skóna í haust, ef hnén mótmæla ekki harðlega.

Gangi þér vel, á að taka hálft?

[Ívar Pálsson, 20.8.2011 kl. 07:54]

Takk, Theódór. 10km er passleg vegalengd fyrir mig og flesta aðra. Það reynir vel á, án þess yfirleitt að skapa vanddræði, t.d. með hnén. Gangi þér vel með að fara aftur af stað.

Það gleður litlu sálina hve margir taka þátt í þessu öllu núna. Þetta fer að verða dágóður hluti af þjóðinni og lífgar upp á túrismann.

Njótið heil, öllsömul!