Ísland í biðflokk

Svandís Svavarsdóttir tafamálaráðherra hefur sett Ísland í varanlegan biðflokk á meðan trilljónir tonna af orkumiðlandi jökulvatni renna ótrufluð til sjávar þar til allir jöklarnir eru bráðnaðir. Kostulegt er að heyra hana tala um sátt, þar sem hún hefur kvenna mest valdið ósátt síðan Hallgerður gekk.

Nú er ein helsta afsökun Svandísar fyrir því að ekki megi virkja neðri hluta Þjórsár sú, að laxinn þar raskist. Helstu hagsmunir þar eru hjá netaveiðibændum, sem þiggja myndu frekar góðar bætur en að vesenast við ádráttinn. Laxinn hressist hvort eð er ef gengið er almennilega frá þessu. Aukin hlýindi og tærleiki ánna stækka gjarnan stofninn eins og í Blöndu. Flestir sjá að þetta hálmstrá Svandísar heldur ekki.

Umhverfisráðherrann samþykkir ekki að virkjanirnar á einhverju vænlegasta og skilvirkasta vatnsfalli í heimi til virkjunar verði nýtt okkur öllum til góðs. Frekar ætti kannski að setja upp fugladrepandi viftur upp um hæðir og hóla eða að þvera firði fyrir sjávarfallavirkjanir?

Niðurstaðan hjá Svandísi er alltaf sú sama: að drepa framkvæmdina með töfum. En Jóhanna Sig. setur málið í nefnd á meðan Steingrímur J. Reykás segir eitt í dag og annað á morgun, alltaf samkvæmur sjálfum sér.

Vinstri óstjórn á Íslandi er núna, Gaukshreiðrið II.

Stærð málsins ástæða tafa

Athugasemdir

[Vilhjálmur Stefánsson, 14.3.2012 kl. 15:06]

Hehe komma pakk eru svo sannarlega að fara með Land vort til helvítis.Ein setning,landráða fólk..

[Anna Sigríður Guðmundsdóttir, 14.3.2012 kl. 15:59]

Pólitískar alhæafingar spillingar-embættiskerfisins eiga engan rétt á sér. "Vinstri" og "hægri" er ekki vitræn skilgreining á réttu og röngu.

Ef við setjum sjávarföll og fossa í samlíkinu, þá er engin spurning hvar mestu orkuna er að finna, fyrir minnstu skuldsetninguna.

Þetta eru engin séríslensk óþekkt geimvísindi.

Þegar þessar skoðanir mínar verða hraktar með raunverulegum og heilbrigðum, réttlætanlegum og siðferðislegum rökum, þá skal ég taka þessi orð mín til baka og biðjast afsökunar á skammsýni minni.

M.b.kv.

[Gústaf Níelsson, 18.3.2012 kl. 08:36]

Skrítnast þótti mér svo að heyra Svandísi segja afstöðu sína í virkjanamálum vera bæði "faglega og fræðilega". Svona fólk gengur vart heilt til skógar Ívar.