Björt framtíð í Evrulandi með VG umhverfismál!

Talsmaður Bjartrar framtíðar telur flokkinn deila ESB- málum með Samfylkingu og umhverfismálum með Vinstri grænum. Annaðhvort hafa væntanlegir kjósendur Bjartrar framtíðar þá ekki kynnt sér stefnumál flokksins eða þá að þeir trúi virkilega á fortíðarhyggju- haftastefnu VG í umhverfismálum og að Evrópusambandsaðild sé einstaklega heillandi, sérstaklega í Evrulandi! Trúlegt að slíkur jaðar- sértrúarhópur á Íslandi geti unnið með hinum almenna Sjálfstæðis- Íslendingi, sem lítur á hvorttveggja sem veginn til glötunar eins og ljóst hefur verið sl. 4 ár.

Flokkurinn sem Sjálfstæðisflokkurinn vinnur með í næstu ríkisstjórn, ef meirihluti næst ekki, verður ekki flokkur sem heldur sig fast við aðild að Evrópusambandinu, né sá sem tefur vísvitandi eðlilega framþróun Íslands í orkumálum. Svokölluð „Björt framtíð“ fer því aftast í röðina.

„Meira að marka núna en áður?“

Athugasemdir

[Anna Sigríður Guðmundsdóttir, 5.1.2013 kl. 01:00]

Ég hef einu sinni staðið fyrir framan Árna Þór Sigurðsson, eftir fund með Steingrími og fleirum.

Ég komst ekki hjá því að skynja, að hvorugur þeirra: Árni og Steingrímur, réði nokkru um hvernig framgangur mála væri hér á landi. Ég ætlaði að skammast og ausa úr skálum reiðinnar, en skynjaði þegar ég stóð augliti til auglitis við Árna Þór, að þeir væru hertekin og valdalaus peð í öllu leikritinu. Ég sagði þá í staðin fyrir plönuðu skammirnar, það eina sem ég gat sagt, við Árna Þór: Guð hjálpi ykkur, og okkur öllum.

Ég endurtek þessi orð mín hér á þinni síðu Ívar, guð hjálpi þeim og okkur öllum.

Meira er ekki í mínu valdi að gera, og takk fyrir plássið á síðunni þinni, að fá að segja frá því sem ég skynjaði fyrir utan fundarsal Háskóla Íslands fyrir löngu síðan, (c.a. fyrir einu til tveimur árum síðan).

M.b.kv.