Aðfararstjórninni slitið?

Aðfarar- stjórn Jóhönnu og Steingríms J. ætti að fá náðarhöggið strax svo að lágmarka megi tjónið sem aðför hennar að lýðveldinu sjálfu, stjórnskipuninni og fólkinu í landinu hefur valdið. Icesave er frá, en hún hættir ekki fyrr en stjórnarskráin er skemmd, fullveldið hálf-framselt til ESB, stjórnkerfið lamað, sjávarútvegur í rúst, skattaáþján alger og óvissan ræður ríkjum.

 

Engin ástæða er til þess að bíða kosninganna. Þessa (ó)stjórn verður að bera út eins og starfsfólkið hjá Lehman Brothers: staðið er yfir þeim á meðan þau raða persónulegum munum sínum í einn kassa og koma sér út. Ella verður tíminn sem eftir er að kosningum notaður til frekari óþurftar íslenskri þjóð. Nóg er að gert!

Vantraust í farvatninu

Athugasemdir

[Ingibjörg Guðrún Magnúsdóttir, 30.1.2013 kl. 09:59]

Algjörlega sammála.

[JRJ, 30.1.2013 kl. 10:15]

Heyr heyr, koma þessu landráðaliði burt úr valdastólunum sem fyrst.

[Elle_, 30.1.2013 kl. 19:22]

Já, losum okkur við þessa skemmdarvarga, óþarfi að bíða lengur.

[Helga Kristjánsdóttir, 30.1.2013 kl. 20:17]

Nú gefur stjórnin í botn í frekjukasti,sem alli sáu í fréttum kvöldsins. Uppkastið af stjórnarskrá tekin úr nefnd,skemmdarvargarnir ætla að gera usla meðan þeir eru við völd. Aðfararstjórnin skal út,,,,

[Ívar Pálsson, 30.1.2013 kl. 22:53]

Hvernig má ætlast til að Hæstiréttur Íslands geti síðan dæmt eftir upphnoðuðu plaggi, sem troðið er í gegn um þingið í hefndarbræði og þar sem útlistanir fræðinganna eru alfarið hunsaðar?

Það væri athyglisvert að sjá Valgerði Bjarnadóttur leita réttar síns eftir nokkur ár, málið færi fyrir Hæstarétt og hún treysti á flumbur- stjórnarskrána, sem æðri er öllum lögum og reglum ríkisins!