Vinstra lýðræði: þegar það hentar

Atgangur vinstri aflanna á þingi gegn lýðræðinu sem kaus þau og þeirra verk í burtu, er slíkur að fyrri kúgunarverk Svandísar Svavarsdóttur & Co blikna í samanburði við þessar nýrri útgáfur gegn eðlilegum framgangi mála í Rammaáætlun.

Allar leiðir notaðar

 

Áður var allt til reiðu í Neðri- Þjórsá, en ráðherrann Svandís afgreiddi ekki málið árum saman og braut gegn almenningi. Nú er allt tínt til, þinginu drekkt í orðræðu og náttúruverndarsamtök kölluð til, sem láta eins og aðgerðir Steingríms J. og Jóhönnu hafi verið í sátt við þjóðina, þegar þær voru í raun hrossakaup vegna ESB, eins og Össur Skarphéðinsson staðfestir í bók sinni.

Höldum áfram

Vinstri öflin sem tala gjarnan í nafni þjóðar og lýðræðis ná sínu afturhaldsöfgum fram með valdi, gegn lýðræðislega kjörnum fulltrúum þjóðarinnar. Stöndum með stjórnarþingmönnum í því að koma Rammaáætlun áfram svo að afturhaldið sigri ekki þjóðina.

„Eftir-á-tilbúningur“

Athugasemdir

[Helga Kristjánsdóttir, 28.5.2015 kl. 14:00]

Blessaður sértu ævinlega ungi maður.Það er bráðaðkallandi að hrinda þessu Evrópuvinstra frá allri stjórnsýslu. Satt að segja veit ég ekki hvað þau eru að verja,með því að stoppa svo gróflega nýtingu vatnsafls.Hef margt um það að segja en ætti að hinkra með það fokvond. Takk fyrir góðan pistil.

[Ívar Pálsson, 28.5.2015 kl. 15:21]

Takk fyrir, Helga. Það er eins og þau vilji verkfræðingana og alla hina til Noregs, í stað þess að nýta bráðnandi jöklana hér.

[Kassandra, 28.5.2015 kl. 15:25]

Heitir hun ekki Svandis, radherrann?

[Ívar Pálsson, 28.5.2015 kl. 15:36]

Takk, Kassandra, Svandís Svavarsdóttir er nafnið. Leiðrétt hérmeð.

[Ómar Ragnarsson, 28.5.2015 kl. 17:56]

Ertu ekki eitthvað að rugla? Jón Gunnarsson og kó eru einmitt að ganga gegn "eðlilegum framgangi mála í Rammaáætlun."

[Ívar Pálsson, 28.5.2015 kl. 18:58]

Sínum augum lítur hver silfrið, Ómar. Fyrri stjórn tókst að setja þetta í baklás, sem þurfti síðan að losa. Nú virðast hrossakaupin við VG eiga að halda áfram og gefa eftir vegna þrákelkni afturhaldsaflanna.