Hlutabréf í Evrulöndum falla

Íslenski markaðurinn fékk skell í dag, en Evrulöndin mun meiri, um 5-7% yfirleitt. Allt tal um stöðugleika þess svæðis hlýtur að þagna á degi sem þessum, enda er þýska DAX- vísitalan núna um 22% frá hátindi sínum og þó er framtíðarsýnin hvað björtust varðandi Þýskaland, sem hefur Evrulöndin á herðum sér.

Grikklandi lokið

Fall Grikklands fram af björgum í dag sýnir fáránleika þess að gera samninga um sölu síðustu ríkiseigna þeirra og að fá lán án þess að skera skuldir enn frekar niður. Upphæðirnar eru svimandi og landið er komið á vonarvöl.

Noregur sígur með olíunni

Nú man Noregur betri tíma. Hráolían hrapaði niður fyrir 40 USD, sem er langt undir kostnaðarverði og tapið eykst. Atvinnuleysi þar hafði aukist fyrir, svo að nú hlýtur margur Íslendingurinn að snúa heim aftur, enda hækkar olían vart þegar Íran kemur með sína framleiðslu inn á markaðinn.

Ál og hrávara

Álverð féll eins og annað, um 7% í dag svo að við munum finna fyrir því líka. En hér rignir og hlýnar aðeins, þannig að vonandi bætist aðeins í lónin, sem ég sá að eru ansi lág, ss. Blöndulón.

Nú eru breytingatímar.

Rauður dagur í Kauphöllinni

Athugasemdir

[Kristján B Kristinsson (IP-tala skráð) 24.8.2015 kl. 17:45]

Sæll Ívar, Þá er enn ein bólan spruningin og spurning hvort eitthvað er eftir í vösum skattgreiðenda til að bjarga bönkunum í þetta sinn.

Eru einhverjar líkur á að fjármálakerfi heimsins nái að læknast af þessari sí-endurteknu bólusótt?

kv. Kbk.

[Ívar Pálsson, 24.8.2015 kl. 19:45]

Ekki finnst mér lækning verða í bráð, enda er þetta líklega upphaf sprengingar Stóru- Bólu frekar en leiðrétting. Fölsk peningaframleiðsla Vesturlanda hlýtur að enda með ósköpum, því að 0% vextir getur ekki talist eðlilegt ástand til lengdar.

[Helga Kristjánsdóttir, 26.8.2015 kl. 03:21]

Það er líklegt að við þessar aðstæður minnki atvinna í Noregi.En engu að síður hitti sonur minn fjóra menn á leið til Bergen í vinnu þriðjudaginn 18.ág.

[Ívar Pálsson, 26.8.2015 kl. 12:47]

Helga, kannski Íslendingar almennt eða amk. tækni- og iðnaðarmenn ásamt heilbrigðis- starfsfólki héðan séu vinsælli en flestir aðrir í Noregi. En samdrátturinn er hafinn þar, á meðan vöxtur er líklegri hér.