Bara ef þeir hefðu nú farið!

Við lestur fréttar Mbl.is um banka og ábyrgðir hnaut ég um þessa grein mína frá því í júlí 2008 fyrir hrunið. Smá „flashback“:

28.7.2008 | 11:08

Bankar úr landi?

Væntanleg þjóðnýting ábyrgða bankanna á meðan þeir halda eignunum leiðir huga manns að  því hvort við ættum ekki frekar að hvetja skuldugustu bankana til þess að flytja höfuðstöðvar sínar úr landi. Að öðrum kosti lenda hrikalegar skuldir þeirra og ábyrgðir  á okkur ef illa fer, sem verður æ líklegra.

BNA: Gegn markaðshagkerfi 

Yfirtaka Federal Reserve (nk. Seðlabanka Bandaríkjanna)  á 5,2 milljón milljóna dollara ábyrgðum Freddie Mac og Fannie May fasteigna- veðlánabankanna  sýnir hvernig ríkið getur hlaðið nær óendanlegri ábyrgð á þegnana á einni helgi, eins og að smella fingri. Reiknað var út að virði ábyrgðarinnar vegna þessa væri um 150 milljarðar dollara, en rúmlega helmingur þess fór beint til hluthafanna sjálfra skv. The Economist (19/11/2008 forsíðugrein).  Ábyrgðirnar urðu til af því að ríkið taldi sér skylt að veita þessa vernd til bankanna. Breska ríkið fór eins að með Northern Rock bankann. Í stað þess að láta hann mæta þroti sínu ákvað stjórnin að bjarga honum og skekkti þar með samkeppnisstöðuna, þar sem bankinn færðist úr verstu stöðu, sem hann kom sér í sjálfur, í eina þá bestu, framar flestum öðrum bönkum, enda ríkið ábyrgt.

Þjóðnýting skulda á Íslandi

Á Íslandi stefnir í það að ríkið færi meginþorra skulda og taps bankanna beint yfir á þegna landsins. Það er helst á tvenna vegu. Annars vegar með því að tilkynna að um mikil gjaldeyriskaup ríkisins verði að ræða, en það hvetur bankana og fleiri til andstæðra aðgerða, sem skila þeim milljarðatuga króna hagnaði á nokkrum vikum, en okkur sömu upphæð fátækari í gegn um krónuna. Hins vegar með því að gefa í skyn að um ábyrgð ríkisins sé að ræða á skuldum bankanna. Það hefur aukið lánakostnað trausta ríkisins okkar  verulega, en aðallega myndi það valda gríðar- hruni  krónunnar ef ríkið bjargaði íslenskum banka sem yrði fyrir áhlaupi þegar í ljós kæmi  að stoðirnar væru ekki nægilega traustar, fasteignirnar ofmetnar og  ábyrgðirnar vanmetnar.

Vaxtamunarverslun gegn krónunni 

Einhver segir eflaust núna að ofangreint sé ábyrgðarlaust tal, þúsundir manna hafi atvinnu hjá bönkunum hér og ruðningsáhrif séu mikil. En ábyrgðarleysið er hjá bönkunum, sem verða að horfast í augu við afleiðingar aðgerða sinna síðustu árin. Vaxtamunarverslunin (e. Carry Trade) með krónubréf ofl. er ein helstu rangindin sem við höfum verið beitt, þar sem krónan er gíruð upp, sem ýtir Seðlabankanum til vaxtahækkunar sem gírar krónuna upp frekar, þar til stíflan bregst.  Það hefur aðeins verið greitt inn á þá ofurvíxilskuld sem vaxtamunarverslunin skóp, stærsti hluti hennar er ógreiddur og fellur senn á krónuna.

Ábyrgð Íslendinga á útrás bankanna 

Bankarnir hafa verið stoltir af Edge og Icesave reikningum sínum, þar sem t.d. breskar húsmæður hagnast á því hve Seðlabanki okkar ákvað stöðugt hærri  stýrivexti, margfalt hærri en í Bretlandi. Þetta hefur tekist með flóknum vaxtaleik íslenskra banka. Ef okkur ber gæfa til þess að Seðlabankinn lækki stýrivexti hraustlega, þá gæti grunnur slíkra reikninga veikst (en kannski einnig ef raunveruleg staða bankanna yrði ljós). Umræður eiga sér stað í Bretlandi hvernig færi ef bankarnir sem að baki standa færu í þrot. Ein hugsanleg  niðurstaða var sú að íslenska ríkið greiði allt að 2 milljóna þrot hvers reiknings, en breska ríkið afganginn upp að nær 4 milljónum.  Íslendingar ættu að krefjast þess að stjórnvöld hér staðfesti óumdeilanlega að um engar slíkar ábyrgðir sé að ræða, enda eru allt að 2/3 hlutar viðskipta bankanna erlendis. Hví ætti fámenn þjóð að standa ábyrg fyrir „útrás“ bankanna, þar sem um ógurlegar upphæðir er að ræða og stofnun hvers reiknings hækkar hvort eð er vaxtastig á Íslandi eða grefur undan krónunni með tímanum.

Raunverð fasteigna ratar í bækur bankanna að lokum 

Fasteignaleik bankanna hlýtur senn að ljúka. Þeir mega ekki við því í lausafjárkreppunni að verðmat fasteignaveða þeirra sé lækkað um þau 30-40% sem þau þyrftu helst að gera til þess að sýna markaðsvirði, enda er þá drjúgur hluti nýju fasteignalánanna vel í mínus og því viðhalda þeir ímynd stöðugra fasteignaverða. Ekki er staða banka öfundsverð ef hann er með 1000 punkta (10%) skuldatryggingarálag, ofmetnar fasteignir, hættur að þéna á skuldabréfavafningum og vaxtamunarviðskiptum og hefur lítið eftir nema kaup og sölu krónunnar, sem gefur að vísu vel í miklu flökti núna. Hann verður þá að halda áfram að virka sem fjárfestingalánasjóður úti í heimi, en hátt á áhættukúrvunni þar sem ávöxtunin er drýgri ef vel gengur.

Álögur okkar minnka ef skuldugur banki flyst burt

Ef íslenskur banki færir höfuðstöðvar sínar úr landi, t.d. til Bretlands, þá léttir af okkur ábyrgðum, lánakostnaður okkar og ríkisins lækkar, bankanum er ekki eins auðvelt að leika sér með krónuna sem flöktir þá minna og fer frekar eftir grundvallaratriðum (e. „fundamentals“) í gengi hennar, ss. vöruskiptajöfnuði. Bretar beita banka sína líklega meira aðhaldi en við með eftirlitsstofnunum sínum, þannig að rekstur bankans yrði trúlega gegnsærri. Rými myndast þá á Íslandi fyrir evrópska banka sem veitt geta lágvaxta Evrulán gegn veðum í hágæðafasteignum  með raunsætt verðmat.  Ætli maður bíði þá ekki bara í 2-3 ár eftir því?

Nýju bankarnir bera byrðina

Samfylkingarþingmenn sýni loks ábyrgð

Þingmenn Samfylkingar (sjá listann) er sá hópur einstaklinga sem keyra vill Icesave- afarsamninginn í gegn um þingið. Látum þau þá kannast við pólítíska ábyrgð sína á þeim gjörningi hér og nú, ekki skömmu síðar þegar afleiðingarnar dynja yfir.

Ég hvet fréttamenn til þess að ræða um málið í þaula við hvern þingmanna  Samfylkingar, t.d. það hvort þau skilji upphæðirnar sem um er að ræða og það hvað þau telji að ríkið endi með að greiða vegna þessa. Þá kæmi eflaust í ljós þær ranghugmyndir margra, að eignir Landsbankans dugi vel upp í einmitt þessa skuld. En hvað þá allar hinar? Gríðarhá veðskuldabréf með fullan rétt á bankann?

Viðtölin við þessa þingmenn sem þröngva samningnum upp á þjóðina verða síðan minnisvarði um það, hvernig fagurgalinn syngur Ísland til andskotans.

35 milljarða hækkun á 2 bankadögum!

Áður en þingmenn staðfesta Icesave- afglöpin, athugum fyrst dagsveiflu skuldanna.  Um 35 milljarðar króna bættust við Icesave skuldina á sl. tveimur bankadögum vegna 5,5% hækkaðs gengis Sterlingspundsins gegn krónunni. Það eru sömu 35 ma. og allur niðurskurður í ríkisrekstrinum með uppsögnum og þjónustuskorti. Aðeins vegna gengis krónu, sem veikist eftir því sem Icesave- samþykkið færist nær.

Öllum er ljóst að hluta annarra nokkur þúsunda milljarða króna skulda Landsbankans ber að greiða með eignum hans, ekki einungis Icesave- skuldirnar. Það er hrein blekking að halda því fram að eignir Landsbankans hrökkvi fyrir Icesave, hvað þá fyrir öðrum skuldum sem eru rétthærri samkvæmt alþjóðlegum bankalögum. Það er því glapræði að staðfesta Icesave.

Útlánin eiga að greiða Icesave

Örlaganornirnar þrjár: tími Skuldar er kominn!

Ríkisstjórnir hrunsins heita Urður, Verðandi og Skuld eftir örlaganornunum þremur. Urður  er fortíðin, hún var jörðuð, Verðandi beið í 80 daga eftir því að verða stjórn og núna er framtíð okkar ráðin, en hún er Skuld. Hér er lýsing af Wikipediu:

Urður, Verðandi og Skuld eru þrjár örlaganornir, sem koma fyrir í norrænni goðafræði. Þær búa við brunn, sem heitir Urðarbrunnur, og stendur við eina af þrem rótum Asks Yggdrasils. Urður, Verðandi og Skuld ausa yfir tréð, einu sinni á dag, vatni sem á að halda trénu (Aski Yggdrasils) frá því að fúna eða visna. Urður er myndgervingur fortíðarinnar, Verðandi nútímans, og Skuld framtíðarinnar.

Þær stýra örlögum manna og hafa til þess langa þræði sem þær hugsa um af ýtrustu varfærni. Þegar kemur að því að kappi (maður) er búinn með sinn tíma þá klippa þær á þráðinn og örlög viðkomandi eru ráðin.

Í bókinni Veðmál Óðins fer Óðinn á fund þessara örlaganorna til að fá þær til að upplýsa um þrjá mestu kappa sem eru á lífi. Nornirnar bregðast ókvæða við og neita Óðni um þessa bón.

---------------------------------

Tökum eftir því að allar eiga nornirnar þrjár það sameiginlegt að hafa verið með Samfylkinguna í sér.

http://visindavefur.hi.is/svar.php?id=5124

Minnisblaðinu stöðugt veifað

Hverjir þingmanna gerast landráðamenn í dag?

Landráð eru brot gegn öryggi eða sjálfstæði ríkis.  Það að skuldbinda þjóðina um mörg hundruð milljarða vegna afglapa eins einkabanka er einmitt landráð. Lítum á þingmannalistann og athugum hver þeirra ætlar að svíkja þjóð sína í dag á þennan hátt. Þjóðina sem einmitt valdi þingmanninn sem fulltrúa sinn til varnar sjálfstæðis og öryggis landsins.  Þingmaðurinn á að fylgja sannfæringu sinni í hvívetna. Er sú sannfæring á þann veg núna að það eina rétta sé að skrifa upp á þennan stærsta víxil Íslandssögunnar, sem kom til af ástæðum sem ekki tengjast rekstri ríkisins?

Örlagastund eins og þessi rennur einungis upp á áratuga fresti. Nú er tíminn fyrir hvern þingmann að staldra við og segja: „Nei, undir þetta get ég ekki skrifað!”

Krefjumst þess að þingmenn hugsi skýrt þó að ríkisstjórnin hafi brugðist.

 

 

Norðvesturkjördæmi:

Af B-lista Framsóknarflokks:
Gunnar Bragi Sveinsson, Birkihlíð 14, Sauðárkróki, sem 4. þingmaður.
Guðmundur Steingrímsson, Nesvegi 59, Reykjavík, sem 8. þingmaður.

Af D-lista Sjálfstæðisflokks:
Ásbjörn Óttarsson, Háarifi 19, Rifi, sem 1. þingmaður.
Einar K. Guðfinnsson, Vitastíg 17, Bolungarvík, sem 5. þingmaður.

Af S-lista Samfylkingarinnar:
Guðbjartur Hannesson, Dalsflöt 8, Akranesi, sem 3. þingmaður.
Ólína Þorvarðardóttir, Miðtúni 16, Ísafirði, sem 7. þingmaður.

Af V-lista Vinstri hreyfingarinnar – græns framboðs:
Jón Bjarnason, Skúlabraut 14, Blönduósi, sem 2. þingmaður.
Lilja Rafney Magnúsdóttir, Hjallavegi 31, Suðureyri, sem 6. þingmaður.
Ásmundur Einar Daðason, Lambeyrum, Dalabyggð, sem 9. þingmaður.

Norðausturkjördæmi:

Af B-lista Framsóknarflokks:
Birkir Jón Jónsson, Hvanneyrarbraut 58, Siglufirði, sem 2. þingmaður.
Höskuldur Þór Þórhallsson, Hamarstíg 24, Akureyri, sem 6. þingmaður.

Af D-lista Sjálfstæðisflokks:
Kristján Þór Júlíusson, Ásvegi 23, Akureyri, sem 4. þingmaður.
Tryggvi Þór Herbertsson, Sörlaskjóli 16, Reykjavík, sem 9. þingmaður.

Af S-lista Samfylkingarinnar:
Kristján L. Möller, Laugarvegi 25, Siglufirði, sem 3. þingmaður.
Sigmundur Ernir Rúnarsson, Austurbyggð 12, Akureyri, sem 7. þingmaður.
Jónína Rós Guðmundsdóttir, Kelduskógum 1, Egilsstöðum, sem 10. þingmaður.

Af V-lista Vinstri hreyfingarinnar – græns framboðs:
Steingrímur J. Sigfússon, Gunnarsstöðum 1, Svalbarðshreppi, sem 1. þingmaður.
Þuríður Backman, Hjarðarhlíð 7, Egilsstöðum, sem 5. þingmaður.
Björn Valur Gíslason, Stekkjargerði 12, Akureyri, sem 8. þingmaður.

Suðurkjördæmi:

Af B-lista Framsóknarflokks:
Sigurður Ingi Jóhannsson, Syðra-Langholti 4, Hrunamannahreppi, sem 3. þingmaður.
Eygló Þóra Harðardóttir, Hásteinsvegi 8, Vestmannaeyjum, sem 7. þingmaður.

Af D-lista Sjálfstæðisflokks:
Ragnheiður Elín Árnadóttir, Lindarflöt 44, Garðabæ, sem 2. þingmaður.
Unnur Brá Konráðsdóttir, Hvolstúni 9, Hvolsvelli, sem 6. þingmaður.
Árni Johnsen, Höfðabóli, Vestmannaeyjum, sem 9. þingmaður.

Af O-lista Borgarahreyfingarinnar – þjóðin á þing:
Margrét Tryggvadóttir, Reynihvammi 22, Kópavogi, sem 10. þingmaður.

Af S-lista Samfylkingarinnar:
Björgvin G. Sigurðsson, Grænuvöllum 5, Selfossi, sem 1. þingmaður.
Oddný G. Harðardóttir, Björk, Garði, sem 5. þingmaður.
Róbert Marshall, Melhaga 1, Reykjavík, sem 8. þingmaður.

Af V-lista Vinstri hreyfingarinnar – græns framboðs:
Atli Gíslason, Birkimel 6, Reykjavík, sem 4. þingmaður.

Suðvesturkjördæmi:

Af B-lista Framsóknarflokks:
Siv Friðleifsdóttir, Bakkavör 34, Seltjarnarnesi, sem 6. þingmaður.

Af D-lista Sjálfstæðisflokks:
Bjarni Benediktsson, Bakkaflöt 2, Garðabæ, sem 2. þingmaður.
Þorgerður Katrín Gunnarsdóttir, Mávahrauni 7, Hafnarfirði, sem 5. þingmaður.
Ragnheiður Ríkharðsdóttir, Hrafnshöfða 35, Mosfellsbæ, sem 8. þingmaður.
Jón Gunnarsson, Fífuhjalla 21, Kópavogi, sem 12. þingmaður.

Af O-lista Borgarahreyfingarinnar – þjóðin á þing:
Þór Saari, Hliðsnesi 6, Bessastaðahreppi, sem 9. þingmaður.

Af S-lista Samfylkingarinnar:
Árni Páll Árnason, Túngötu 36a, Reykjavík, sem 1. þingmaður.
Katrín Júlíusdóttir, Furugrund 71, Kópavogi, sem 4. þingmaður.
Þórunn Sveinbjarnardóttir, Arnarási 17, Garðabæ, sem 7. þingmaður.
Magnús Orri Schram, Hrauntungu 97, Kópavogi, sem 11. þingmaður.

Af V-lista Vinstri hreyfingarinnar – græns framboðs:
Guðfríður Lilja Grétarsdóttir, Vesturgötu 22, Reykjavík, sem 3. þingmaður.
Ögmundur Jónasson, Grímshaga 6, Reykjavík, sem 10. þingmaður.

Reykjavíkurkjördæmi suður:

Af B-lista Framsóknarflokks:
Vigdís Hauksdóttir, Þorláksgeisla 45, Reykjavík, sem 8. þingmaður.

Af D-lista Sjálfstæðisflokks:
Ólöf Nordal, Laugarásvegi 21, Reykjavík, sem 2. þingmaður.
Guðlaugur Þór Þórðarson, Logafold 48, Reykjavík, sem 5. þingmaður.
Birgir Ármannsson, Víðimel 47, Reykjavík, sem 11. þingmaður.

Af O-lista Borgarahreyfingarinnar – þjóðin á þing:
Birgitta Jónsdóttir, Birkimel 8, Reykjavík, sem 9. þingmaður.

Af S-lista Samfylkingarinnar:
Össur Skarphéðinsson, Vesturgötu 73, Reykjavík, sem 1. þingmaður.
Sigríður Ingibjörg Ingadóttir, Ljósvallagötu 10, Reykjavík, sem 4. þingmaður.
Skúli Helgason, Suðurgötu 24, Reykjavík, sem 7. þingmaður.
Ásta Ragnheiður Jóhannesdóttir, Garðastræti 43, Reykjavík, sem 10. þingmaður.

Af V-lista Vinstri hreyfingarinnar – græns framboðs:
Svandís Svavarsdóttir, Hjarðarhaga 28, Reykjavík, sem 3. þingmaður.
Lilja Mósesdóttir, Starrahólum 2, Reykjavík, sem 6. þingmaður.

Reykjavíkurkjördæmi norður:

Af B-lista Framsóknarflokks:
Sigmundur Davíð Gunnlaugsson, Lokastíg 24, Reykjavík, sem 8. þingmaður.

Af D-lista Sjálfstæðisflokks:
Illugi Gunnarsson, Ránargötu 6a, Reykjavík, sem 3. þingmaður.
Pétur H. Blöndal, Kringlunni 19, Reykjavík, sem 7. þingmaður.

Af O-lista Borgarahreyfingarinnar – þjóðin á þing:
Þráinn Bertelsson, Fischersundi 3, Reykjavík, sem 9. þingmaður.

Af S-lista Samfylkingarinnar:
Jóhanna Sigurðardóttir, Hjarðarhaga 17, Reykjavík, sem 1. þingmaður.
Helgi Hjörvar, Hólavallagötu 9, Reykjavík, sem 4. þingmaður.
Valgerður Bjarnadóttir, Skúlagötu 32, Reykjavík, sem 6. þingmaður.
Steinunn Valdís Óskarsdóttir, Rauðalæk 23, Reykjavík, sem 11. þingmaður.

Af V-lista Vinstri hreyfingarinnar – græns framboðs:
Katrín Jakobsdóttir, Reynimel 82, Reykjavík, sem 2. þingmaður.
Árni Þór Sigurðsson, Tómasarhaga 17, Reykjavík, sem 5. þingmaður.
Álfheiður Ingadóttir, Fjólugötu 7, Reykjavík, sem 10. þingmaður.

 

Hugsanleg Icesave mótmæli á Austurvelli

Þjóðaratkvæðagreiðslu um afarsamningana!

Ef þörf hafi nokkurn tíma verið á þjóðaratkvæðagreiðslu, þá er það nú. Þreföld skal hún vera: Staðfesting Icesave- afarsamnings um alla tíð, umboð til ESB- aðildarviðræðna og krafa um sjálfstæði seðlabankans  gagnvart IMF eða öðrum raunverulegum erlendum handhöfum valdsins.

Þörfin á því að hver kjósandi nýti rétt sinn í hverju þessara mála er svo brýn, því að þjóðþrifamálin ganga þvert í gegn um alla stjórnmálaflokkana, sem eru sjálfir til trafala við úrlausn málanna. Þótt flestir stjórnmálamenn hafi sagt sl. sjö mánuði að Icesave verði ekki greitt, ætla þeir hinir sömu að enda á þeim landráðum núna.  Þótt drjúgur meirihluti tveggja stærstu stjórnmálaflokkanna séu ákveðið á móti ESB- aðild, þá er haldið til viðræðna.  Þótt ljóst sé að IMF ráði yfir Seðlabankanum, þá lætur stjórnin eins og hún ráði í raun.

Ef hver kjósandi fær að nýta rétt sinn beint á þessum örlagatímum kemur í ljós hvernig taka skuli á málum óháð flokkslínum. Þá fyrst eru lausnir í nánd. Annars blasir við hægfara andlát kröftugrar þjóðar.

Bretar fagna Icesave-samningi

Ríkið ákveði framboð og eftirspurn!

Eftirspurn í erlendan gjaldeyri er margföld á við krónueftirpurn. Því er óráð að festa lágt verð, mun lægra en markaðsverð, á erlenda gjaldeyrinum, sem gerir hann ofurvinsælan. Svartamarkaðsbrask verður þannig borðliggjandi og seljendur gjaldeyris (kaupendur krónu)sjá sig tilneydda að selja hann erlendis á 30-40% yfirgengi, en kaupa gjaldeyrinn (t.d. í hráefniskaupum á súráli) af ríkinu á niðurgreiddum spottprís. Niðurstaðan er þá flótti enn fleiri tuga milljarða króna úr tómum sjóðum okkar. Þessi lága fastgengistilraun var reynd sl. haust, en hún kostaði okkur handlegg og fótlegg á tveimur dögum og var út í hött.

Enn á ég eftir að hitta þann hagfræðing (fyrir utan háskólakennara) sem telur að hægt sé að ákveða miklu sterkara gengi á krónuna en grundvallarhagstærðir benda til og að geta haldið þeim þrýstingi á gufukatlinum til lengdar án þess að allt springi í loft upp. Sjáið gengislínuritið hér til hliðar (sýnir 190-230). Þetta er stýrða gengi stjórnarinnar með 21% hækkun GVT á 74 dögum. Gengisvísitala upp á 160-170 er fyrir neðan þessar stærðir. Heldur fólk að stjórnin vilji hafa þetta svona? Nei, en hún fær ekki við þetta ráðið.

Aðgerðirnar sem þörf er á eru sem fyrr: Sýna heildar- bankaskuldirnar, sættast við að þær verði aldrei greiddar, setja gömlu og nýju bankana í almenn gjaldþrotaskipti, setja lága stýrivexti, snarfella gengið, finna markaðsverð krónunnar og festa gengið þar. En aðalatriðið er að neita að greiða skuldir bankanna. Annars komumst við aldrei spönn frá rassi.

Festa gengið í 160 - 170

Lífeyrissjóðir eru gjarnan rán um hábjartan dag

Íslenskir lífeyrissjóðir eru ekki einir um það að stefna í glötun. Félagi minn hefur reynsluna af því: Skandia fékk 14.000 Sterlingspund frá honum fyrir nákvæmlega 10 árum, sem kostuðu um tvær milljónir króna þá. Féð fór í Evru- sjóð, sem féll nokkuð með Evrunni í upphafi hennar. Þaðan stýrði Skandia fénu í Sterlingspundasjóð, sem féll þegar Evran reis, svo að sjóðurinn helmingaðist. Um sama leyti yfirgáfu forstjórarnir Skandia með milljarð í starfslokasamning.

Þetta var löngu fyrir 2008 kreppuna. Síðan kom hún og þá lækkaði virði sjóðsins verulega allt til útgreiðslu sem er núna í maí árið 2009. Niðurstaðan er um GBP 3.800, sem eru rúm 27% af upphaflega GBP virðinu. Krónurnar sem fást verða líklega um 700.000 kr. eftir árin tíu.

Skandia á að heita ein af stærstu og traustustu fjárfestingaleiðum í heimi.  En það dugir ekki til þess að sjóðurinn gæti nægilega fjárhagslegs öryggis þeirra sem til hans leita. Uppgíraðar fjárfestingaleiðir og yfirvogun hafa gengið að mörgum sjóðnum dauðum undanfarið. Íslendingar horfast í augu við það eins og aðrir að það er engu að treysta í þessum efnum, hvorki hérlendis né erlendis.  Því taka margir (amk. erlendis) þann kost að fá eins mikið og hægt er af lífeyrissjóði sínum greiddan út strax og kaupa sér eitthvað öruggt eins og gullpeninga. Það myndi ég gera ef kostur væri á því hér.

Undrast dráttarvexti á eigin lífeyri

Vinstri stjórn er eins varanleg og ...

Vinstri stjórn er eins varanleg og...

-ísinn á Tjörninni

-banki árið 2008

-viðgerð með límbandi

-sterk króna

-bindindi Íslendings

-loftslagskvótakerfi

-dægurfluga

-lág verðbólga

-10% fjármagnstekjuskattur

-fiskistofn í lögsögu ESB

... eitthvað fleira?

Skattar svipaðir og 2005-2007

Nýtum okkur vindaspána

Það er eins gott að fólkið drífi sig niður af Hvannadalshnúki í þetta sinn, því að vindaspáin (sjá hér) sýnir rok þar á hádegi á sunnudaginn 10.maí. Fjallaskíði koma sér þá vel. Veðurþáttaspáin virkar oft til þess að sýna áhrif á einstökum fjöllum. Kíkið alltaf á hana rétt áður en stefnt er á fjallið, t.d. þegar leið er valin á Eyjafjallajökul eftir veðri.

 

Um 100 manns á Hnúkinn

Stýrivextir aukast í 13- földun ECB

Allar líkur eru á 1% stýrivöxtum á Evrusvæðinu í dag. Þar með er Ísland „aðeins“ með 13- falda stýrivexti á við Evrulönd, sem ætti að nægja IMF vel til þess að ávaxta sína dollara á kostnað þrælslundaðra Íslendinga. Vinstri IMF „stjórnin“ heldur gömlu vaxtamunarbrögðunum áfram á fullu, að tæla hvikult fé hingað sem étur upp græðlinginn.  Það er nú öll dirfskan. Hver heldur að ESB/Evru- aðild gangi með 13- földum stýrivaxtamun, sem jókst í það í dag? Látið ykkur dreyma.

 

Ef stýrivextir hér væru lækkaðir af viti, niður í örfá prósentustig eins og Jóhanna segist telja að takist, þá yrði allt vitlaust hjá eigendum IMF, aðallega amerískum bönkum sem eru nálægt því á hausnum en sáu þetta gullna tækifæri til þess að mjólka landann þurran en koma samt út sem bjargvættir og hafa stuðning ESB til hverra þeirra óhæfuverka sem til þarf að láta íslenska skattgreiðendur verða ábyrga fyrir stærstu greiðsluföllum banka í Evrópu árið 2008, 74% af heildarupphæð 10 stærstu greiðslufallanna skv. Moody‘s.

 

Hætta þarf strax þessu sjónarspili varðandi skuldir og eignir bankanna. Steingrímur J. sem telst Jónas frá Hriflu endurborinn, ætti að lýsa bankana gjaldþrota og setja eignir og skuldir þeirra til gjaldþrotaskipta. Síðan má ræða til hvaða aðgerða er gripið til aðstoðar hverjum, ekki í gegn um sjúkleg skuldabatteríin eins og þau væru okkar eigin. Vonlaust er að semja við skuldareigendur á meðan þeir sjá og heyra að ríkið telur sig ábyrgt fyrir bönkunum.

 

Það þýðir ekkert að tala um sparnað, heimilin, fyrirtækin eða neitt af viti fyrr en tekið er á skuldum bankanna af hörku. Einungis ber að ræða það, ekki ESB- aðild eða nokkra aðra draumóra. Stýrivextirnir fara ekki niður af viti í bráð. „Stjórn“ augnabliksins ræður því ekki, heldur IMF- maðurinn sem hún réð til starfans.

Stýrivextir lækka í 13%

Hlaupin hressa upp á andann

Hressilegt hlaupafólk lífgaði strax upp á laugardaginn í Skerjafirðinum, svo að ég tók fjölda mynda af þeim og setti nokkrar í myndaalbúmið hér til hliðar. Þetta var vormaraþon og hálfmaraþon Félags maraþonhlaupara. Mér skilst að marshlaupið hafi verið hlaupið núna í lok apríl!

Svei mér þá ef þau æstu mig ekki óvart upp í að fara að hlaupa hálfmaraþon. Ég sem ætlaði aldrei að fara yfir 10 km svo að maður jagist ekki í sundur í ellinni. En ég veit að vísu af nokkrum sem eru í góðu lagi og hafa gert þetta lengi. Amk. er hættan varðandi heilsuna eflaust meiri við það að sitja kyrr á sama stað í vinnunni.

Smellið þrisvar á mynd til að stækka hana.

PS: Ef einhver vill myndina sína burt af blogginu, ekkert mál:   [e-mail]

ESB- sigur? Tæpast

Úrslit kosninganna láta mann velta fyrir sér hve ESB stuðningur á þingi sé mikill (sjá töflu), því að ESB- aðildarviðræður skila ekki árangri nema að íslenski samningsaðilinn sé með fullt umboð og sterkt bakland í samningunum. Þessar tölur hnikast varla til nema um 2-3 útreiknaða ESB- stuðningsþingmenn, eða hvað?

Evrópusambandið vill ekki enn eina Noregs- meðferð, að standa í samningaharki árum saman og vera svo hafnað tvisvar í þjóðaratkvæðagreiðslu. Samningamaður Tékklands við inngöngu þess inn í ESB lýsti því á fundi í Alþjóðastofnun H.Í. fyrir skemmstu. Rétt rúmur helmingur fulltrúa þjóðar telst tæpast

nægjanlegur stuðningur við aðildarumsókn, sem hlýtur að þurfa aukinn meirihluta (2/3) til slíkra breytinga eins og á samþykktum í hlutafélagi.

All- líklegar ESB- aðildarviðræður í óþökk annars líklega stjórnarflokksins, Vinstri Grænna, komast því eflaust á dagskrá ríkisstjórnar eins og umsókn Samfylkingar gerði um fulltrúa okkar í Öryggisráð S.Þ. , en í þetta sinn með mun meiri kostnað og tíma algerlega til einskis, eins og hitt hafi ekki verið nóg.

Á meðan sitja alvörumálin á hakanum, Samfylking samþykkir skuldir bankanna fyrir okkur áfram eins og þær séu okkar þannig að samningsstaða ríkisins er vonlaus. Það verður arfleifð Samfylkingarinnar.

 

 

27 nýir þingmenn

Sjálfstæðismanneskja

Ef þú skilar auðu, þá kýstu Samfylkinguna en VG til öryggis. Athafnaleysi þínu fylgir ábyrgð. Þú ert þá ekki að kenna Sjálfstæðisflokknum lexíu (sem tókst með skoðanakönnuninni), heldur að innsigla örlög landsins. Fjögur vinstri ár þurfa ekki að verða eitthvað  óumflýjanlegt slæmt karma. Hafðu áhrif á framtíðina með því að beina fólki sem hugsar líkt og þú inn á það sem þú telur vera réttar brautir. Ég fór ekkert of sáttur af landsfundi Sjálfstæðisflokksins, vegna skorts á umræðu um efnahagsmál, sérstaklega um skuldir bankanna. En þar eru þó lang- mestar líkur á því að á þeim málum og öðrum verði tekið á þann hátt sem ég trúi að sé réttastur, með frelsið að leiðarljósi.

Autt atkvæði þitt réttir þeim flokkum það á silfurdiski, sem munu óhikað hefta frelsi þitt til athafna og múlbinda samfélagið eins og sannast hefur í ótrúleg ríkishöft sem engan grunaði að gætu orðið raunin fyrir tveimur árum. Ríkið mun stýra stærstu fyrirtækjunum, bönkunum , sveitarfélögunum í gegn um bankana og skuldugum einstaklingum.  Refsingin sem þú ætlaðir flokknum bitnar mest á þér sjálfri/sjálfum. 

Af hverju kýstu að vera áhrifalaus? Það er nú meira sjálfstæðið!

Sjálfstæðisflokkur tapar miklu

Fjórðungshækkun punds gegn krónu á 38 dögum

Krónan hefur fallið jafnt og þétt, þannig að pundið hefur hækkað um fjórðung gegn krónu sl. 38 daga undir markvissri stjórn IMF og Jóhönnu/Steingríms J.  velferðarstjórnarinnar. Gjaldeyrishöft og ofurstýrivextir halda áfram.

Ef kjósendur velja þetta tvíeyki áfram og gleyma ESB/ekki ESB rifrildinu þeirra, þá eru þeir þó vissir um fjármálastjórnina.

Krónan veiktist um 0,9%

Leiðin til þess að lifa þetta af

Eina leiðin fyrir Sjálfstæðisflokkinn til þess að lifa af í þetta skipti er taka upp þá stefnu að hafna alfarið greiðslu skulda bankanna og fyrirtækja þeirra.  Þeim kjósendum fer hratt fjölgandi sem gera sér grein fyrir alvöru þess máls, þar sem engin von er til þess að greiða einu sinni brot af þeim fjölda þúsunda milljarða króna skuldum einkageirans sem ríkið tekur stöðugt meiri ábyrgð á.

 

Fyrst flokknum bar þó gæfa til þess að hafna ESB aðild, þá væri þannig von hans að upplýst sjálfstæðisfólk fyndist nægjanlega margt til þess að kjósa flokkinn í komandi kosningum, þrátt fyrir uppblásið fjölmiðlafár síðustu daga.

 

Heimurinn er á heljarþröm á meðan við deilum um keisarans skegg. Það gengur því líklegast eftir, að Ísland fer sjálfkrafa inn í vonlausar ESB- aðildarviðræður við bandalag sem vill kenna okkur lexíu og láta okkur greiða fyrir syndir banka og fyrirtækja í algerri niðurlægingu heillar þjóðar langt fram á öldina.

 

PS: Umræður um málið er að finna í fyrra bloggi:

 

http://astromix.blog.is/blog/astromix/entry/850222/

 

Framhaldið í höndum formannsins