Hugmyndafræði haftanna ræður

Dagur borgarstjóri Reykjavíkur og hópur hans stjórnar málefnum borgarinnar eins og honum finnst að þau ættu að vera en ekki eins og þau eru eða að farið verði eftir vilja borgarbúa. Daglegum bílferðum í borginni fjölgaði um 12.000 bíla á milli ára á meðan borgin fer eftir sínum gömlu áætlunum um breyttan lífsstíl, sama hvað fólkið eða viðskiptalífið vill. Samkvæmt planinu eigum við að vera komin niður í um 68% bílnotendur og stefna niður, en erum um 80% og stefnum upp.

Þrengja að og þröngva

Meirihlutanum í borginni finnst allt í lagi að leggja alltof lítið af þunnu malbiki blönduðu með jurtadrullu, þegar þörf er á gömlu þykktinni og grjóthörðu tjörublöndunni, ásamt því að leggja fleiri kílómetra í takt við aukið álag. Átak þarf að eiga sér stað í bílastæðamálum vegna fjölgunar bíla, ferðalanga og fólks í verslunar- eða skemmtierindum í þeim góða hagvexti sem við njótum. En borgin svarar með því að þrengja götur, fækka bílastæðum, þétta byggð með bílastæðalitlum húsum og búa til neyð hjá vegfarendum. Síðan hækkar hún svo sektir um tugi prósenta þegar næsta stæði er úti í hafsauga.

Lokað á viðskiptin

Síðan þegar verslunareigendur við Laugaveg horfa fram á hugsanlega gósentíð, þá lokar Dagur götunni (en var búinn að tryggja að enginn gæti lagt í næstu götu samsíða, Hverfisgötu) og þá var draumurinn búinn. Vonlaust er að stunda viðskipti þegar svona pólitíkusar hunsa þarfir borgaranna og þröngva sínum ídealisma upp á þá á þeirra kostnað. Gjarnan eru haldnir svokallaðir samráðsfundir, sem er enn ein leiðin til þess að láta eins og hlustað sé á þegnana, á meðan valtað er yfir þarfir þeirra.

Áður réð Dagur þessu í gegn um Besta flokkinn og nú í leifum af Samfylkingu, en með hjálp vinstri flokksbrota. Ætlar fólk að leyfa honum að halda svona áfram með borgina í tóma steypu?

 

 

 

 

Mótmæla lokun Laugavegar

Orðskýringar í stjórnarmyndun

Penta- gone: Möguleiki á fimm flokka stjórn farinn.

Pí- rati: Sá sem nær ekki 3,14 saman, hvað þá 5,0.

Át-í-quattro: Fjórir borða köku en mynda ekki stjórn.

Ríó tríó stjórnin verður þjóðleg og hress (með XD)!

En hér er mynd af Hexíu de Trix:

Píratar funda í dag

Suður- Evrópa framtíðarlítil

Suður- Evrópa, sem er drjúgur hluti ESB og sérstaklega Evrusvæðisins (sjá myndir) er ólíkleg til þess að rífa sig upp úr efnahagsdrunga þeirra, þar sem t.d. 25-47% ungs fólks undir 25 ára er atvinnulaust. Á Íslandi er hinsvegar sautjándi hver í þessum hópi atvinnulaus, sem er ansi nálægt vinnuaflsskorti.

Nær tífalt fleiri ungar konur (U25) eru atvinnulausar á Grikklandi en á Íslandi, en sá hópur á Ítalíu er "aðeins" 4,5 faldur á við Ísland.

Frakkland, Spánn, Ítalía, Portúgal og Grikkland eru samanlagt stór hluti Evrópu og fær flóttamannastrauminn yfir sig þar að auki alla daga. Hróplegt ósamræmi er á milli þessa hóps og Þýskalands varðandi atvinnuleysi og efnahag yfirleitt. Þessi ríki geta ekki fellt Evru- gengið, sem þörf er á til þess að rétta hvert land af og því kemur það m.a. út í atvinnuleysi. Ef Ítalía fær líruna aftur er talið að gengið félli um 30-40%, því að löng uppsöfnuð spenna hefur myndast á tíma þeirra í Evrunni.

Búist er við 10-15 milljónum atvinnulausra hælisleitenda inn í ESB á næstu árum í viðbót við þær 15 milljónir atvinnulausra sem fyrir eru. Hagvöxtur er nær enginn í Suður- Evrópu en um 4-5% á Íslandi. Hvernig dettur einhverjum sem þekkir tölurnar enn í hug að Íslandi beri að ganga í ESB og taka upp Evru?

Óskiljanlegt er að töluglöggt fólk í forsvari í samtökum í atvinnulífinu skuli enn hamra á ESB- aðild, þegar þessi fámenna þjóð okkar er núna með öll Trump á hendi, sama hvert er litið. Orkuframleiðsla, auðlindastjórnun, glæpaleysi, kvenfrelsi, tekjujöfnuður, allt er þetta á besta veg og jafnvel númer eitt í veröldinni. Hví að glutra því niður? Birgitta hefur eflaust svar við því.

 

Atvinnuleysi ungs fólks langminnst hér

Staðfestið að ríkisstjórnin klári málin

Augljóst er að upphlaupið gegn ríkisstjórninni í vor borgaði sig ekki. Vitrænasta lausnin er sú að ríkisstjórnin sitji út tímabilið með Bjarna Benediktsson sem forsætisráðherra, þar sem annar flokkur ver hana vantrausti og kosningar verði í maí. Þá gengur vélin smurt, ekki höktandi á einhverjum sílindrum sem aðrar lausnir bjóða upp á. Þá kallast þetta líklega ný ríkisstjórn til vors.

Fulltrúar annarra flokka ættu að kannast við ábyrgð sína og styðja þetta svo að tekið verði á flestum þeim þáttum sem flestir eru sammála um að nái fram að ganga, svo sem heilbrigðismálum, afléttingu gjaldeyrishafta ofl. ofl. Líklegt er að ástandið í Evrópu verði skrautlegt næstu mánuði, en við verðum að gæta stöðugleikans hér fram að næsta eldgosi. 

„Við finnum lausn á þessu“

Næsta Icesave Íslands?

Feigðarflan Landsvirkjunar með áhugamönnum um stórgróða af raforkusölu íslenskra virkjana til Bretlands tekur sífellt á sig nýjar myndir. Þetta er jafn lífseigt og aðildarumsókn að Evrópusambandinu.

Maður hefði haldið að nóg sé að umhverfissinnað vinstra- slagsíðufólk hafi hreiðrað um sig í stjórn Landsvirkjunar, en meir að segja það nægir ekki til þess að hætta að eyða einni einustu krónu í þessa helferð, að leiða rafmagn frá landinu. Nóg er búið að eyða í þetta síðustu árin. Fé og fjör Landsvirkjunar er betur varið í aðrar rannsóknir en þessar.

Ábyrgðin er alltaf okkar

Verst er þó að ef af þessu yrði samt sem áður og okkur væri talin trú um að við værum ekki ábyrg sem heild fyrir þessum dýra afleik af því að þetta væri einkaframkvæmd, þá er deginum ljósara að þjóðin geldur þessa. Lokaábyrgð er alltaf fyrir hendi í ýmsum myndum, ábyrgð Landsvirkjunar að tryggja orku, ábyrgð á virkjunum vegna þessa osfrv. Ótal þættir gera þetta að áhættusömu ævintýri sem við sem heild ættum alls ekki að taka þátt í á nokkurn hátt, enda er það við sem munum blæða. Það þarf lítið til, eldgos, veika stjórn, vatnsskort eða hvaðeina. Áhættan er langmest okkar megin.

En veigamesta ástæðan er sú að við leggjum ekki náttúru Íslands í það að hita upp bresk hús, þótt sannarlega sé þörf á því! 

Íslensk eldfjöll hiti upp bresk hús

Fulltrúi loftslagsþvælusinna á MBL bítur frá sér

Eftirköst forsetakosninganna í Bandaríkjunum eru helst þau að nú er stungið út á andartaki mikið af taðinu sem hefur hlaðist upp óhindrað á fjölmiðlum síðustu árin og hin sanna ásýnd kemur í ljós. Vandlætingarbylgjan sem gekk yfir miðborgar- kratabyggðir vestræna heimsins þegar Trump var kosinn forseti BNA ætlar ekki að hjaðna á þeim slóðum, á meðan viðskipta- og efnahagslífið beggja vegna Atlantsála tekur niðurstöðunni fagnandi með jákvæðum metniðurstöðum.

Í sárum

En eftir standa í sárum sínum rammhlutdrægar blaðakonur eins og Hólmfríður Gísladóttir á Morgunblaðinu, sem RÚV tæki fagnandi með allt sitt tal um „alþjóðasamfélagið“, rasista, karlrembur og popúlista.  Þegar henni er bent á það á blaðinu að gæta hlutleysis, þá bætir hún í fordómaflórinn í Pistli sínum í dag og kallar verðandi forseta BNA öllum illum nöfnum, m.a. lygara.  Getur það verið af því að hann tekur á helstu málum sem hann er kosinn til að gera? Innflytjendavandi og atvinnumál, líka samkeppnishæfni sem óendanlegur og ómálefnalegur áróður loftslagþvælusinna gengur gegn.

Glanspappír

Vissulega pakkar Trump ekki orðum sínum í glanspappír eins og friðarverðlaunahafinn Obama, sem jók herstyrkinn strax við embættistökuna eða frú Clinton, sem hlakkaði í þegar forseti Líbíu var drepinn með þeim afleiðingum að það samfélag hrundi til grunna. Þau sem til þekkja fyllast nú trausti á verðandi forseta Bandaríkanna, ekki vegna silkimjúkrar tungu hans, heldur því hverju hann muni raunverulega geta áorkað fyrir bandarískan almenning. Þjóðir kjósa sér nefninlega leiðtoga fyrir sig, ekki fyrir allan heiminn til þess að bjarga honum með rétttrúnaði sínum um það hvernig sjö milljarðar manna eigi að hegða sér.

Alþjóðasamfélagið

Blaðamenn eins og áður eru nefndir ættu að kynna sér tal leiðtoga annarra 180 landa í SÞ alþjóðasamfélaginu sem þeir dá, þar sem saman eru komnir t.d. leiðtogar herskárra múslimaþjóða og einræðisherrar sem myndu aldrei sætta sig við tal frústreraðs fólks í mesta jafnræðis- og kvenfrelsislandi í heimi. Aðgerðir verðandi Bandaríkjaforseta skipta meira máli en hrjúft orðafar hans. En fordómafullur Samfylkingarvaðall sumra blaðamanna á Morgunblaðinu er óþolandi.

Vilja til Bandaríkjanna áður en Trump tekur við

Nærri þrír á móti einum

Óábyrgir stjórnmálaflokkar C&A láta stjórnarmyndun niður falla vegna ESB- mála þegar þjóðin stendur nærri 3 á móti 1 gegn aðild skv. MMR núna. Hvaða umboð telja þessir flokkar með mest 10% fylgi sig hafa til þess að láta svona, í stað þess að fá í hendurnar stjórn lands sem er á fínni siglingu, á meðan ESB er seglbátur í stormi með brotin reiða? Viðreisn á sér ekki eigin von!

Píratinn í forsetann

Nú hoppar Birgitta Jónsdóttir á þetta feigðarfley og gerir ekki minni kröfu en það að verða Forseti Alþingis. Það væri eins og að setja tölvuhakkara sem forstjóra Reiknistofu bankanna! Hver man ekki eftir njósna- beininum sem hleraði tölvusamskipti á Alþingi við herbergi Pírata þar? Myndi hún bæta reisn Alþingis og skapa frið í fimm- vinstrivillikatta- stjórninni sem er í smíðum? Svari nú hver fyrir sig.

Valdi fylgir ábyrgð

Norski sjónvarpsmaðurinn á NRK hitti naglann á höfuðið nýlega þegar hann ræddi við Birgittu og nefndi að valdi fylgir ábyrgð, líka þessu uppljóstraravaldi sem Birgitta hampar.

Katrín Jakobsdóttir þarf að hafa ofurmannlega hæfileika ef hún á að smala þessum köttum og halda þeim saman í einhvern tíma, hvað þá í fjögur ár!

 

 

Vaxandi andstaða við inngöngu í ESB

Viðreisn athugi þetta

Skriður kæmist á samningamálin um ríkisstjórn með XD ef Benedikt & Co (ekki þetta afskrifaða) gerir sér grein fyrir því að hægt er að lækka stýrivexti með ákvörðun Seðlabankans án þess að ganga í ESB, enda aðstæður til þess. Einnig að hægt er að svara já/nei spurningu um löngun til aðildar að ESB en ekki úthugsaðri krókaleiðar- spurningu að hætti sambandsins. Auk þess fær enginn skulda- Evru sem gjaldmiðil nema að taka á sig skuldbindingar gjaldþrota Suður-Evrópu í Evrulandi sem ætlar að sameinast um flest nema vöxt og fulla atvinnu.

Vextir og gjaldmiðlar landsins

Hver þjóð innan ESB hefur sína vexti og álag (jafnvel gjaldmiðil) allt frá Þýskalandi til Grikklands. Við fáum ekki þýskt vaxtastig, það er á hreinu. Við ákveðum þetta hér og markaðurinn eftir trausti hans á íslenskum stjórnvöldum.

Auðséð var um daginn hve skakkt það væri að bindast öðrum gjaldmiðli, t.d. Kanadadollar þegar Trump var kosinn. CAD féll um mörg prósent í einni svipan og af hverju ættum við að gjalda fyrir lítt- tengdar sveiflur annarra gjaldmiðla? Eða t.d. Svissneska frankann sem féll um tugi prósenta um árið og reis svo um 30% á korteri? Evran sveiflast duglega gagnvart öðrum gjaldmiðlum allt árið, t.d. yfir 15% gagnvart Jeni sem á að heita stöðugt.

Evran útþynnt, vafningar í smíðum

Platpeningum er stöðugt dælt inn í Evruna og núna stendur til að búa til vafning dauðans að hætti USA fyrir hrun, þar sem glötuðum og góðum skuldum allra Evrulanda er vafið í gríðar vöndul og skrifuð út skuldabréf á hann í Seðlabanka Evrópu. Kannast enginn við aðferðina? Núna er rifist þar á bæ um það hverjir taki á sig alglötuðustu skuldabréfin.

Tekur Lissabon á þetta

Viðreisn notar líklegast Lissabon- aðferðina að umpakka sama hlutnum og leggja hann ítrekað fyrir þar til hann er samþykktur. Því verður orðalagsbreyting og þau ganga í nýja stjórn. Þá er það "bara" Björt framtíð...

 

 

„Þetta getur verið fram á nótt“

DCB stjórn ef Bjarni er ákveðinn áfram

Til hamingju Ísland með niðurstöður kosninganna. Stjórn Sjálfstæðisflokks með Framsókn og Viðreisn er rökrétt framhald, en einungis ef ESB- þjóðaratkvæðagreiðslan sem Viðreisn mun örugglega krefjast verður á þessa leið: "Vilt þú að Ísland gangi í Evrópusambandið?"

Þjóðaratkvæðagreiðsla skýrt orðuð

Bjarni Benediktsson formaður hefur sem betur fer verið mjög ákveðinn í að ESB- spurningin yrði álíka orðuð ef til þessarar þarflausu þjóðaratkvæðagreiðslu kemur. Ekki má gefa neitt eftir í því, þar sem endalaust miðjumoð mun annars standa þeirri stjórn fyrir þrifum.

Ekki Viðreisn með utanríkisráðuneyti

Annað sem athuga þyrfti er að ef Viðreisn fengi utanríkis- ráðherraembættið (sem síst skyldi), þá geirneglir embættismannakerfið allar ESB- tilskipanir sem eftir eru ósamþykktar í gegn um EES og hefur þannig náð sigri inn um bakdyrnar. Öllu farsælla yrði ef t.d Framsókn næði að krefjast þess að Lilja Dögg Alfreðsdóttir héldi áfram sem utanríkisráðherra, enda ólíklegt að Sjálfstæðisflokkur fengi forsætis, fjármála- og utanríkisráðuneytin öll.

Ef Forseti Íslands afhendir ekki Bjarna Benediktssyni umboðið til stjórnarmyndunar, þá er eitthvað að.

Forsætisráðherra biðst lausnar

Hrun Pírata vegna opinberunar stefnu þeirra?

Píratar komu 94%-115% hærri út í könnunum í mars 2016 en í dag, sbr. línurit Fréttablaðsins. Fjölmiðlar ganga ekki á leiðtoga þeirra og spyrja hvað valdi þessu hruni, en gæti það verið að loksins opinberist fyrir kjósendum að það er ekkert sniðugt að kaupa köttinn í sekknum? Umbylting stjórnarskrár fyrir ESB- aðild er ekki vænlegur kostur og hvað þá vinstri bræðingur fyrirfram um skatthækkanir eða leynimakk. 

Getur verið að kjósendum lítist ekki á leiðtoga Pírata, enda vilja þeir sjálfir ekki leiðtoga, heldur ráð og nefndir? En ef þeir verða kosnir, þá verða þeir ráðherrar með völd, meðal annars Birgitta og Ásta Guðrún ESB. Hver veit hvaða ákvarðanir yrðu þá teknar?

Ögurstundin rennur upp

Píratar komust lengi vel og langt á innantómum slagorðum um borgararéttindi. Nú þegar ögurstundin nálgast virðast kjósendur sjá í gegn um þetta og skila sér vonandi í kjörklefann. Unga fólkið sem Píratar treystir á hlustar sem betur fer á það sem ungt Sjálfstæðisfólk hefur fram að færa um raunverulega framtíðarmöguleika í okkar ágæta samfélagi.

Mætum ungir sem aldnir og kjósum Sjálfstæðisflokkinn á laugardaginn.

 

Sjálfstæðisflokkur með 25,1%

Jöfn aldursdreifing kjósenda Sjálfstæðisflokksins

Greining MBL á nýrri fylgiskönnun HÍ sýnir að fólk undir þrítugu kysi Sjálfstæðisflokkinn og er 26-falt líklegra til þess að kjósa hann en Samfylkinguna í næstu kosningum. Ágætis aldursdreifing er á XD- kjósendum, þar sem t.d. unga fólkið er jafnt elsta kjósendahópnum.

Flest ungt fólk vill annaðhvort Pírata eða Sjálfstæðisflokkinn skv. könnuninni. Unga fólkið yfirgaf Samfylkinguna nær alfarið (1% fylgi). Hún viðurkennir að aðhyllast ESB- aðild, sem Píratar og Viðreisn gera líka en vilja ekki segja það hreint út fyrr en eftir kosningar af skiljanlegum ástæðum.

Réttirnar búnar

Núna hefur Sjálfstæðisflokkurinn hreinsast nokkuð vel af ESB- sinnum yfir í Viðreisn, en síðustu árin hafði sá hópur haldið flokknum í ESB- lási og talað fyrir flokkinn en gegn stefnu hans. Loftið er því hreinna og hleypir fleira ungu fólki að sem er ekki plagað af þessari ESB- klemmu síðustu tíu ára. Áráttan að eltast við skoðanir kratanna er þó enn til staðar. Þannig er t.d. fórnarkostnaðurinn af því að fá unga fólkið inn sá að samþykkja aðgerðir vegna kolefnislosunar og flóttamanna, auk stuðnings við aðgerðir ESB gegn Rússum. Þetta þrennt þykir mér dýrt, en geri mér grein fyrir því að afar erfitt er að berjast gegn áralangri innprenntun fjölmiðla og hinna talandi stétta úr miðbænum. Vonandi getur fólk frekar einbeitt sér að þeim þáttum lífs þess sem skipta verulegu máli, afkomu, öryggi osfrv.

Birta stefnu Pírata

Ögrun Sjálfstæðisflokksins er sú að sýna fram á raunverulega stefnu eða stefnuleysi næststærsta flokksins, Pírata, en fylgi þeirra er þó 23% minna en Sjálfstæðisflokksins. En helst þarf að gera fólki grein fyrir því hvernig hags þegnanna hefur verið vel gætt og að tryggja þurfi Sjálfstæðisflokknum nægt fylgi svo að fólk hafi næg tækifæri til þess að bæta hag sinn á næsta kjörtímabili.

Skipstjórinn verði Bjarni, ekki Birgitta!

Þessi komast á þing samkvæmt könnuninni

Berum enga ábyrgð á þeim

Nú rignir yfir Ísland hælisleitendum á röngum forsendum, þar sem t.d. 2/3 hluti þeirra í september var frá Albaníu og Makedóníu. Ekki eru það stríðshrjáð sýrlensk börn. Fullhraustir ungir menn frá þessum og öðrum löndum taka sénsinn á því að koma hingað og nýta sér upplausnarástandið sem skópst fyrir botni Miðjarðarhafs, en á okkar kostnað og með okkar fyrirhöfn.

Snúum við strax

Auðvelt er að komast hingað eftir að búið er að lauma sér inn á Schengen- svæðið. Ef eitthvert vit á að vera í kerfinu hér, þá verður að snúa þeim umsvifalaust við sem ekki uppfylla einföld skilyrði eins og það að vera frá stríðshrjáðu landi til þess að umsóknin verði tekin til greina. Ekki á að taka mark á hælisumsókn frá þegnum landa sem eru í lagi, þótt erfitt sé að búa þar. Auðvitað er sósíalisminn ýmsum erfiður, en við getum ekki tekið á þeim mistökum annarra, nógu erfitt er slíkt hér á landi.

Milljón á mann?

Íslendingar gera sér fæstir grein fyrir því hvað þessi efnahags- ferðalög ungu mannanna kosta okkur. Hver og einn sem fær þessa flugu í höfuðið að sækja um á rokbitna eldfjallaskerinu (til þess gjarnan að koma sér síðan annað) er verulega íþyngjandi fyrir kerfin hér og væri næstum borgandi fyrir það að koma honum strax á braut annað, ef það ylli ekki meiri ásókn, sem það myndi að vísu gera.

En heilu stjórmálaflokkarnir hampa nú þessum hælisleitendum án þess að horfa neitt til staðreyndanna. Höfum þetta eins og Bretar, ekki í Schengen, enda er það barn síns Evrópusinnaða tíma.

 

Þarf kannski að herða reglur

Sjálfskipuð vandræði

700 manns erlendis af 7000 milljónum ákveða að á Íslandi geti orðið gott að búa og þar með erum við ábyrg til þess að veita þeim þá þjónustu sem þurfa þykir, með hundraða milljóna króna kostnaði á ári.

Nú hefur jafnvel Merkel Þýskalandskanslari neyðst til þess að viðurkenna að þessi opna aðferð gengur ekki upp. En ef við Íslendingar ætlum að ráða einhverjum um þetta, t.d. að taka inn Sýrlenskar fjölskyldur, þá eigum við að vinna þau mál í flóttamannabúðunum erlendis þannig að allt sé á hreinu og fólk banki ekki bara uppá hér heima og búist við vist og fæði.

En umfram allt, Ísland úr Schengen.

„Óttumst ástandið“

Villandi fyrirsögn um fleiri flóttamenn

Íslendingar vilja hjálpa flóttafólki en ekki endilega fá fleiri flóttamenn. Fyrirsögn mbl.is er einmitt villandi, þar sem spurt var í skoðanakönnun fyrir Amnesty og niðurstaðan var: Tæplega 74% aðspurðra voru sammála þeirri fullyrðingu að íslensk stjórnvöld ættu að gera meira til að hjálpa þeim sem eru á flótta undan stríði eða ofsóknum.

Um hvað er spurt?

Það er reginmunur á ofangreindu og í fyrirsögn mbl.is: Flestir vilja fleiri flóttamenn. Ekki var spurt um það. Margir vilja aðstoða flóttafólk þar sem það er statt núna, yfirleitt í flóttamannabúðum, ss. í Líbanon. Enda ef t.d. Bandaríkin og Rússland semja um Sýrland og í andstöðunni gegn ISIS, þá er vænlegast að hjálpa fólki í búðunum þar til það getur snúið aftur heim, sem margir vilja, frekar en til Íslands. 

Ótakmarkað?

Ef spurt væri t.d.: vilt þú takmarka flæði flóttamanna til Íslands, þá segði meirihlutinn hugsanlega já, enda er ótakmarkaður straumur enn vitlausari en í Þýskalandi og Svíþjóð á síðasta ári áður en það varð takmarkað aftur.

Við viljum eflaust flest að ákveðnum fjölda á ári verði hleypt hingað inn og að íslenskir ráðamenn ákveði það, ekki ESB. Vandræði Schengen- svæðisins gera ekkert nema að aukast. Ísland úr Schengen strax.

Flestir vilja fleiri flóttamenn

Sólstormar

Mikil norðurljós lýstu upp himininn sl. nótt og fyrrinótt. Ég tók nokkrar myndir og Google Photos assistant bjó til netta hreyfimynd (animation) úr því. Hér fylgir hún.

Northern lights Reykjavik is a series of my photos of Nortern lights (Aurora Borealis) over Reykjavik that Google photos assistant made an animation of.

Click on the small video to fill the screen with it. Then wait a bit for the animation to load.

Úthverfabretar táruðust af gleði

Flugvöllur og fleira á hreinu

Frambjóðendur Sjálfstæðisflokksins í Reykjavík blésu mér sterka von í brjóst í Valhöll í gær um að frelsisandinn sé enn sterkur og að fulltrúar okkar veljist á sigurstranglegan lista til Alþingis í komandi kosningum. Kynningarfundur Varðar í Valhöll var vel sóttur og var með bestu fundum, honum var vel stjórnað og hann var málefnalegur. Þingmennirnir veittu okkur hinum innsýn í málin og aðrir kynntu sig á líflegan hátt. Vandræðin eru þau að verða að velja átta manns úr þessum góða hópi. Svona eiga stjórnmál að vera.

Skýr svör

Spurningar úr sal leiddu skoðanir frambjóðenda skýrar í ljós og ég var feginn að skýr og afdráttarlaus svör fengust frá flestum í aðspurðum málum, eins og það hvort þau styddu flugvöll áfram í Vatnsmýri og hann fékk mjög afgerandi stuðning. En Hildur Sverrisdóttir borgarfulltrúi, sem stutt hefur Aðalskipulag borgarmeirihlutans með öllum sínum vegþrengingum, bílastæðaleysi og flugvallarleysi, ætlar að halda svo áfram, verði hún kosin. Hildur varði skoðanir sínar, sem snúast gegn samþykktum landsfundar flokksins, með tilvitnun í sannfæringu sína. Við hljótum að velja fólk á listann sem fylgir stefnu flokksins en ekki annarra flokka, annars hefur flokksstarf engan tilgang. Til þess eru einmitt prófkjör, að draga fram skoðanirnar frambjóðanda og það tókst á þessum fundi.

Yngsta fólkið fær mjög frambærilega fulltrúa í prófkjörið. 25 ára gamlir formenn Heimdallar (fyrrverandi og núverandi), Áslaug Arna Sigurbjörnsdóttir og Albert Guðmundsson hafa mikið fram að færa.

Takið frá smá tíma til þess að fara inn á XD.is og Prófkjör, en umfram allt, mætið í prófkjörið! Sjáumst.

Riftun samnings yrði umskipti