Þorsteinn um mælgina

Mitt í þessum óendanlega orðaflaumi stjórnar- andstöðunnar um orðinn hlut er rétt að vitna í Þorstein Pálsson um þetta efni, á Alþingi 8. nóvember 1990*:

„...Sá maður sem öðrum fremur telst vera faðir utanríkisstefnu íslenska ríkisins er Bjarni Benediktson. Hann komst á sínum tíma þannig að orði að áhrif smáþjóða á alþjóðavettvangi væri í öfugu hlutfalli við mælgi þeirra. Ég hygg að það megi segja um okkur Íslendinga að okkur hefur tekist að ávinna okkur traust og virðingu þrátt fyrir fámenni, meðal annars vegna þess að við höfum haft þetta í huga.“

Þorsteinn ætti kannski að ítreka þetta við ESB- vini sína á þingi núna.

 

*„Með leyfi forseta“, bls. 418 1.mgr., Leifur Hauksson, AB 2003.

Þingfundi slitið

Nýi Skerjafjörður á forsendum íbúanna

Ef varaflugbraut Reykjavíkur- flugvallar leggst af, þá verður hönnun Skerjafjarðar- hlutans að vera á forsendum íbúa þess hverfis, enda þrefaldast íbúafjöldinn þar við aðgerðina. Ríkjandi meirihluti í borgarstjórn hefur ekki trúverðuga sýn á það hvernig hverfið á að byggjast upp, þar sem allar áætlanir þeirra miðast við það að völlurinn sjálfur fari.

Samráð ekki til 

Hverfið er nú þegar án ýmissar grunnþjónustu, en ef bæta ætti um 1200-1500 manns þarna við, þá þarf virkilega að huga að hverjum þætti, með alvöru samráði, ekki einhverjum húrra- samkundum þar sem nokkrir íbúar rissa fljóthugmyndir upp á veggspjald eins og tíðkast hefur undanfarið með Vesturbæinn.

Lítill stuðningur 

Stuðningur við uppbyggingu þessa nýja hverfishluta er líkast til afar takmarkaður í Skerjafirði, en þó er viturlegast að byrjað sé á rafrænni kosningu, enda er fólk ekki yfirleitt fundaglatt og er þá mæting kannski 10-20%, sem er ekki fullnægjandi fyrir svona stórar breytingar.

Alvöru hverfi 

Ef nú er svo komið að varabrautin fari og Valshlutinn verður byggður upp, þá verður að fara í þessa ofangreinda forvinnu almennilega með Skerjafjörð og þar er fyrst spurt, á að reisa byggð þar? Ef svo fer, þá yrði t.d. að huga almennilega að samgöngum með göng undir flugbrautina að Öskjuhlíð og með skýrari alfararleið til vesturs meðfram flugbrautinni við Skerjafjörð. Hverfið þarf almennilegar tengingar við hverfið sitt, Vesturbæ, með beintengingu á Ægisíðu og strætóferðir á þá leið til KR- svæðisins og skólanna. Hverfið þyrfti sérstaka leikskóla og grunnskóla á fyrri stigum, en einnig verslanakjarna, sem ella er í margra kílómetra fjarlægð.

Kjósum völlinn sjálfan kyrran 

En aðaltilfinningin er sú að þessi hönnun Nýja Skerjafjarðar sé ekki á teikniborði SamBestu Björtu framtíðarinnar, því að þeirra teikning er með allan völlinn burt, sem Íslendingar samþykkja alls ekki. Þetta hverfi yrði því alvarlegt klúður á stærð við hundrað Hofsvallagötur. Höfum þetta í huga fyrir kosningarnar í vor. 

Ný varabraut yrði öruggari

Leitin að Pakkmann hefst

Nú er orðið tímabært að leitin hefjist að þeim Íslendingi sem ekki veit enn hvað er í ESB- pakkanum eftir öll þessi ár, köllum hann Pakkmann.

Eftir Alþingis- kosningar árið 2007 voru Pakkmenn fjölmargir, enda var Samfylkingin komin í stjórn ásamt Þorgerði Katrínu og fleiri ESB- sinnum, sem dásömuðu möguleikana á því hvað væri í pakkanum sem Íslendingar fengju við inngöngu í ESB. Til þess var ekkert sparað og umsókninni snarað inn án aðkomu Pakkmanna árið 2009. Árin liðu í „upplýsingu og gagnsæi“ Evrópukynningarinnar, skrifstofur stofnaðar og talað út í óendanleikann.

Fækkar með betri upplýsingum 

En ESB rak sig á það að Pakkmönnum fækkaði eftir því sem upplýsingarnar urðu betri. Hver opinberunin á fætur annarri um innihald pakkans og afstöðu ESB í veigamiklum málum þegar á reyndi (Icesave, makríll, sjávarútvegur, orka, landbúnaður) sýndi Pakkmönnum að pakkinn var bara Pandórubox. 

Nú er svo komið, eftir sjö ára upplýsingastreymi, að hver íbúi í Trékyllisvík og víðar veit nákvæmlega hvað í pakkanum felst. En hver og einn telur að aðrir hafi ekki náð þessu, þó að þeir sjálfir séu upplýstir. Nú spyr ég því, hver og hvar er Pakkmann? Raunar veit ég um einn og hann heitir Össur Skarphéðinsson. Hann er líklega sá eini sem ekki veit hvað er í pakkanum. 

PS: Vísindavefurinn segir um Pandórubox:  Seifur sendi Pandóru til jarðarinnar með öskju fulla af plágum og böli. Af eðlislægri forvitni opnaði Pandóra öskjuna og hleypti öllum plágunum út. Það eina sem varð eftir í öskjunni var vonin.

Undanþágur hreinir draumórar

Líkir 90% Sjálfstæðisfólks við Fasista?

Þorgerður Katrín Gunnarsdóttir, einn harðasti ESB- aðlögunarsinni á Íslandi amk. síðan ársins 2006, fer gersamlega yfirum þegar henni og skoðanabræðrum hennar er eðlilega ýtt til hliðar í Sjálfstæðisflokknum, þar sem 90% standa gegn aðild að ESB. Hún kallar sig frjálslynda (að kjósa yfirvaldið í Brussel) en okkur meirihlutann Svartstakka, sem var heiti yfir morðingjahópa Fasistaflokks Mússólínís forðum. Víti jafnast víst ekki á við bræði særðrar konu, en þarna fer Þorgerður Katrín gersamlega yfir mörkin í reiði sinni yfir því að Sjálfstæðisflokkurinn og núverandi forysta hans skuli loksins fylgja samþykktum flokksins. 

Þá rifjast upp ESB-herferð Þorgerðar Katrínar og sundurlyndið sem þessi fylgispekt við Samfylkinguna olli í Sjálfstæðisflokknum og jókst ef eitthvað í Jóhönnustjórninni sem hún studdi í ESB- umsókninni og Icesave illu heilli. En að lokum varð hún undir eins og Þorsteinn Pálsson forðum, en þau særðu dýrin klóra nú í Sjálfstæðisflokkinn, sem gat ekki annað en hafnað málflutningi þeirra, þegar hann nálgaðist yfirgengilega landráðastefnu þegar verst lét. Hjálp beggja Eurokratamiðlana er þeim ómetanleg í baráttunni, RÚV og Stöðvar 2/ Fréttablaðsins.

Við kusum Sjálfstæðisiflokkinn fyrir ári til þess að hætta aðildarumsókn að ESB. Gefum stjórninni ráðrúm til þess og tökum ekki þátt í þessum örvæntingarfullu krataupphlaupum fjölmiðla, sem snúa öllum staðreyndum á haus. Ætli þeir finni ekki enn einhverja aðra manneskju sem var í Sjálfstæðisflokknum en vill enn endilega aðild að ESB? Þeir verða að flýta sér, því að svoleiðis fólki fer snarfækkandi.

 

 

Frjálslynda fólkið að yfirgefa flokkinn

Lífræn orkuframleiðsla veldur byltingum

Nú er sýnt fram á skýra fylgni með háu matvælaverði og óeirðum víða um heim. Þar kemur framleiðsla lífræns eldsneytis sterk inn, en hún hækkaði svo matvælaverð að ESB varð að breyta stefnu sinni að hluta.

Ef við verðum pínd til þess að sulla matvælum út í bensínið okkar til þess að eyðileggja það fyrir loftslagsvísindin, þá aukum við enn á vandræði fólksins.  Lög nr. 40/2013 hefðu aldrei átt að verða til að þessu leyti.

Sagði fyrir um byltingarnar

Fólkið valdi og er enn sannfært

Fólkið vill ekki inngöngu í ESB. MMR- könnun sýnir skýrt (sjá mynd) að af þeim sem taka afstöðu, þá standa nær 90% kjósenda ríkisstjórnarflokkanna gegn aðild að ESB. En um 90% Samfylkingar fylgir aðild og fólkið kýs ekki þann flokk. Vinstri Græn standa 66% gegn ESB aðild líka, en hinir flokkarnir fylgja Samfylkingu að mestu.

Hví skyldi ríkisstjórnin ekki fylgja þeirri stefnu sem hún var kosin til? Reynt er að flækja þessu með orðhengilshætti og svikabrigslum, á meðan þetta er úðað á vegginn: Íslendingar vilja ekki aðild að ESB.

Smellið tvisvar á mynd til stækkunar. 

 

ESB-stefnan var kosin burtu

Grænland, Noregur og Ísland, nei við ESB

Stjórnvöldum ber líklega núna gæfa til að vinda ofan af ESB- umsókn vinstriflokkanna. Þar með bætist Ísland í hóp þeirra norrænu auðlindaþjóða sem hafna ESB- aðild eða umsókn um hana. Grænlendingar tóku af skarið og njóta nú afraskturs stefnu sinnar. Noregur hafnaði aðildarsamningi í tvígang og stefnir í að verða ein ríkasta þjóð í heimi. Þessar þrjár þjóðir og sérstaklega fámennari vesturhlutinn njóta nú eigin auðlindastjórnar og vonandi um alla framtíð.

Mikil er gæfa okkar að losna undan fári þungu. 

 

Ákveðið að slíta aðildarviðræðum

Flugið verði fyrir almenning aftur

Ríkisvaldinu er í lófa lagið að gera flug aftur að almennings- samgöngum. Misskilin umhverfisstefna sendir flugið í spíral til hraps, þar sem alls kyns skattar og gjöld eru lögð á flugið að ófyrirsynju, ss. kolefnislosunargjöld, auk alls óþarfa álags á eldsneytið. Okkur væri nær að taka taka álögur af áætlanaflugi innanlands, sem dreifir ferðafólki betur og gerir nýtingu á dýrri þjónustu skilvirkari. 

Viðhald og stuðningur við flugvellina sjálfa er líka mikilvægur grunnur að líflegri starfsemi, sem skapar vöxt og viðskipti. Útflutningsstarf mitt í 30 ár hefði t.d. aldrei náð því flugi sem það gjarnan hefur gert ef ekki vegna almennilegs innanlandsflugs. Skömm er að því að áætlanaflug til Sauðárkróks sé ekki í gangi. 

Innanlandsflugið orðinn munaður

Vísvitandi bílastæðaskortur

Borgaryfirvöld hafa hannað og fengið staðfest skipulag með bílastæðaskorti átölulítið, en til augljósra vandræða í náinni framtíð. Við Austurhöfn var hámarskfjöldi stæða nú lækkaður úr 414 í 286 stæði. Bílum landsmanna fækkaði ekki allt í einu um 30%, heldur ákvað 101 Lattehópurinn að vera enn „metnaðarfyllri“ en áður gegn borgurum og ferðafólki, sem eiga víst ekkert að vera að þvælast um á fjölskyldubílnum eða á bílaleigubíl, enda hitnar þá víst heimurinn hrikalega fyrir vikið.

Afleiðingarnar eru augljósar 

Niðurstaðan er því sú að ef einhverjir viðburðir eru á svæðinu, t.d. sá að almenning langi ennþá til að leggja það á sig að sækja þjónustu á svæðið ótilneyddur, þá fyllist svæðið fljótt, sem sendir bílana upp á graskanta þar sem rukka má 5000 kr. á bíl, eins og jafnan við Laugardalshöll, þar sem bílastæðum var fækkað fyrir trjáhríslur og skraut. Raunar þarf ekki nema venjulegan vinnudag til, eins og í Borgartúni sem fær æ fleiri byggingar en enn færri stæði og alltaf fleiri hindranir á umferðina.

Fær fólk aldrei nóg? 

Bílastæðum er fækkað til þess að kæla heiminn og hindrunarstefnan er réttlætt með því að verið sé að draga úr umferðarhraða. Sannarlega er hægt á umferðinni, þar sem einfalt ferðalag í vinnuna í skilvirkri umferð á ekki að taka hálftíma úr stærstu hverfum borgarinnar, heldur kortér. Tilgangsleysi þessa skipulags og aðgerða er algert, en fólk lætur þetta yfir sig ganga. Það kýs þessa borgarfulltrúa og blótar svo hressilega tvisvar á dag með ærlegu stressi og vinnutapi, en það nægir víst ekki til þess að það krefjist breytinga í kosningunum í vor, eða hvað?

Áskilja sér rétt til bóta

2 af 3 gegn inngöngu í ESB

Skoðanakönnun Vísis staðfestir enn hve ákveðnir Íslendingar eru í andstöðu sinni við inngöngu í ESB. 65,7% þeirra sem afstöðu tóku standa gegn inngöngu en 34,3% fylgja henni. Enginn heilvita pólitíkus reynir að smokra Íslandi inn í ESB með þetta bakland. 

Spurningin um kosningu um „framhald aðildarviðræðna“ (í stað þess að fara aftur í aðlögun að ESB) er síðan sett fram þannig að fólk vill vera diplómatískt og fara í þjóðaratkvæðagreiðslu núna, þrátt fyrir að hrein andstaða við inngöngu í Evrópusambandið sé öllum ljós.

Skýr vilji þjóðarinnar hefur legið fyrir í mörg ár: Íslendingar vilja ekki aðild að ESB, sama hvernig málinu er þvælt. 

Takið eftir að 88% Sjálfstæðisfólks standa gegn aðild að ESB skv. niðurstöðunum og 76% Framsóknarfólks. 

 

Landsvirkjun framar þegnunum

Samfélagsmarkmið Landsvirkjunar minnast ekki á að halda orkunni á Íslandi eða að Íslendingar njóti góðs af. Hún heldur áfram vegvillu sinni með tíma- og kostnaðarsamri rannsókn um að leiða rafmagnið burt frá Íslandi. Í Morgunblaðinu í dag heldur Hörður Arnarson, forstjóri Landsvirkjunar því fram að öryggi okkar aukist með tilkomu sæstrengs, af því að við gætum keypt rafmagn frá Evrópu.

Sæstrengur gegn hagsmunum okkar 

Öðru nær: öryggi rafmagnsins hér minnkar nær örugglega með sæstreng. Dýrasti og lengsti sæstrengur rafmagns í heimi gerir kröfu um örugga orku út, ekki aðeins umframorku okkar.  Hann yrði aldrei settur niður ef hann lægi ónotaður um tíma, enginn fjárfestir fengist til þess. Hörður staðfesti að ekki standi til að ríkið eigi strenginn (og tapi þar með á honum) og því verður ekkert úr þessu nema að við tryggjum orku í hann, sem væri glapræði.

Orkukrísur á okkar kostnað 

Orkukrísur í Bretlandi eða í Evrópu valda óefað pólitískum þrýstingi á einhverjum tíma á það að við seljum þeim orku, sem þegar er búið að semja um til notkunar hérlendis. Þar með erum við þáttakendur í orkukrísum þeirra, í stað þess að njóta öruggu orkunnar í samkeppni við framleiðslu þeirra.

Vatnsorkan er með alöruggastri orku fyrir okkur, á meðan æ stærri hluti orkunets Evrópu treystir á misjafna vinda og kjarnorkuverum er lokað í Þýskalandi.

Leiðnitapið eitt verður líklega á við helming orkunotkunar íslenskra heimila. Við þyrftum að blæða all hressilega til þess að kaupa orku frá Evrópskum aðilum og ættum aldrei að þurfa þess.

Klára dæmið 

Mér er hulið af hverju Landsvirkjun heldur þessari þráhyggju um sæstreng áfram, því að ekki er það í þágu íslenskra neytenda eða iðnaðar. Þessi „hvað er í pakkanum“- stefna með sæstreng er rándýr hugsanavilla sem afvegaleiðir alvöru óskabarnið núorðið, Landsvirkjun. Nú er rétt að ljúka þessari athugun, hún er auðútreiknuð: alger della.

Landsvirkjun birtir samfélagsmarkmið

Jafnvel BBC minnist á kælingu

Fokið er í flest skjól þegar jafnvel BBC- "Global-Warming" sjónvarpsstöðin birtir efasemdir um heimshitunina. Næst verður það RÚV! Nei förum ekki alveg yfir um! Sólin ræður lífinu á jörðinni og sveiflast til í sólgosum sínum, sem eru nú í lágmarki. Fimbulvetrar og kuldaskeið geta orsakast af því.  Ef allir Íslendingar fara á reiðhjól og leggja bílum sínum þá kólnar líka um 0,000000001°C í viðbót í heiminum og bætir í kuldann. Við gætum jafnvel þurft að vera þá á nagladekkjum, en fáum þá eðlilega ekki frítt í hjólastæðin. 

En ef Maunder-minimum sólgosalágmark er ekki varanlegt og hræðilega heimshitunin verður ofan á, þrátt fyrir kolefnislosunarskatta Íslendinga og gráðubrotið hér að ofan, þá verður skaplegt veðurfar áfram á Íslandi og nálgast kannski það sem var þegar landnámsmenn ákváðu að skella sér hingað í batnandi veðurfari forðum. 

BBC gat þó ekki skilið umræðuna þannig eftir að Vermitrúarmenn yrðu villuráfandi. Þau gátu þess að kolefnislosun jarðarbúa myndi vega eitthvað á móti allri þessari kælingu.

Allir út í jeppana! 

Kaldari veður og sjaldséð norðurljós?

Metnaðarfull stefna gegn borgurunum

Oft heyrist í fulltrúum Samfylkingar og Besta flokksins að stefnan í ýmsum málum sé „metnaðarfull“. Nú kemur svo í ljós hvert sá metnaður stefnir; þjónustan er í lágmarki en ídealisminn er á fullu. Fækka bílum og bílastæðum, sleppa því að salta stíga og flestar götur, rukka og skattleggja að óþörfu. Metnaður þessarra kosnu fulltrúa endar því með að snúast gegn þeim meginþorra íbúanna sem vilja flæðandi samgöngur og að óþægindi eða hætta sé lágmörkuð.

Vinir mínir tala núna um að vonandi komi fram úthverfaframboð, sem einbeiti sér að þjónustu við alla Reykvíkinga, ekki bara hálf- skandinavísku kaffihúsafólki í miðbænum. Það yrði áhugavert, svo ekki sé dýpra í árinni tekið.

Reykjavíkurborg fær falleinkunn

Höldum GMT og sólskininu

Tímabeltið á Íslandi í núverandi stillingu (hádegi um 13:15) gerir lífið bærilegra fyrir Íslendinga. Frítími og fjölskyldu- tími fólks eftir vinnu er mikilvægari heldur en birtustigið þegar haldið er til vinnu á morgnana. Ef breytingarsinnar verða ofan á í þessu, þá lengist myrkvaði hluti vetrar um klukkutíma fyrir vinnandi fólk, þar sem það fer í vinnuna í myrkri og kemur heim í myrkri. Mun betra er núverandi kerfi sem hefur reynst vel, að njóta lífsins í sólskininu stærri hluta sólarhringsins allt árið um kring.

Skýrsluhöfundar gefa sér það að Íslendingar færu fyrr að sofa ef þeir vissu að birtan kæmi fyrr um morguninn. Öllu líklegra er að þeir fari að sofa sælli (eins og nú, einir hamingjusömustu í heimi) eftir að hafa verið einni stundu meira í birtunni. Vordagarnir eru sælli og haustin fallegri ef eftirmiðdagur og kvöld eru bjartari. Þeir þýskættuðu verksmiðjueigendur sem vilja færa birtuna fyrr inn á daginn geta bara fengið sér ennisljós þegar þeir hlaupa í vinnuna klukkan sex á morgnana.

Höldum klukkunni, flugvellinum, fullveldinu og öllum öðrum góðum kerfum sem virka. Ekki eilíft að rugga bátum sem sigla vel. 

Íslendingar rangt stilltir

Saltið sparað

Stefna borgaryfirvalda er augljóslega sú að spara saltið og hlífa þar með ekki borgurunum. Mánaðargamlir klakabunkar liggja jafnan yfir heilu úthverfunum, stígum og gangstéttum, þar sem einungis strætóleiðir eru saltaðar. Brekkan í götunni heima hefur verið með fljúgandi klakahellu vikum saman og ófært er fyrir aldraða á svæðinu.

Umhverfisfanatík og popúlismi má ekki valda því að öryggi borgaranna sé skert. Tækifærin til þess að losna við klakann (sem átti aldrei að ná því að verða til, með almennilegum snjómokstri) eru ekki nýtt með saltburði þegar hitastigið er rétt til þess á köflum. Fyrir vikið lendir fólk í slysum og varanlegum krankleika.

Við þurfum að fá saltið aftur á göturnar og sérstaklega á stígana.

Mikil ísing á götum

2014: ár tilflutninga í Evrópu?

Gleðilegt ár öllsömul. Nú opnar ESB faðminn alveg fyrir 27 milljón þegnum Rúmeníu og Búlgaríu, fátækustu ESB- löndunum. Unga fólkið á Spáni og Ítalíu með sitt 55% atvinnuleysi fagnar tæpast þessum auralitlu atvinnuleitendum. Eða Bretar, sem bjuggust við 15.000 slíkum frá Austur- Evrópu fyrir tíu árum, en 1,5 milljón manns mættu til þeirra, um 100- falt fleiri en búist var við. Augljóslega verður tilflutningur af þessari breytingu og þá helst til stöndugri ríkjanna, með sína atvinnu, félagslegu kerfi og heilbrigðisþjónustu. Jafn auðséð er viðspyrna íbúanna, sem hafa þurft að skera niður í ríkisþjónustu til verndar kerfinu.

Viðbúið er að næst muni Samfylkingin berjast fyrir réttindum þessarra ESB- þegna inn til Íslands, enda eiga innflytjendur þar hauk í horni, sem Samfylkingin er. Raunar á það yfirleitt um hvern þann sem girnist aðgang kerfanna, sem byggð hafa verið upp hér. Atvinna, raforka, heilbrigðisþjónusta, félagslegt kerfi og lífeyrissjóðir: aðgangur fyrir aðra utan Íslands fæst helst í gegn um Samfylkinguna. Eða kannski í gegn um um Bjarta framtíð 2014?

Takmörkunum aflétt